Bilaketa aurreratua

Ogi apurrak

Egungo Euskararen Hiztegia (EEH)

Hasiera:

sakon (orobat sakon g.er.) 1 izond hondoa oso behean edo gainaldetik oso urrun duena; asko barneratzen dena.

Kolpez josi eta elurrez beteriko zulo sakon batera jaurti zuten. Askoren artean   «Asisko Frantzizko, Asisko Klara» - 191. orr.

-Oso putzu sakona daukat ezkaratzean. Anjel Lertxundi   «Azkenaz beste» - 15. orr.

Krater sakon batean murgil egin dugu, eta itzulipurdika zeharkatu dugu izotza, zalaparta bizian, hondo urtsuraino. Mirentxu Larrañaga   «Peaceful soldadua» - Michael Morpurgo - 135. orr.

Hor egongo dituk sabel sakoneko gabarretaraino garraiatu arte. Jose Morales   «Arima hilak» - Nikolai Gogol - 206. orr.

Guk Sansonen putzua deitzen genion ur-bildua sortzen zuen haren oinean, txikia eta sakona, igeri egiteko baino gehiago bainua hartzeko baliatzen zitzaiguna. Bernardo Atxaga   «Soinujolearen semea» - 137. orr.

Zuhaitzen azpitik, zuhaitzetan zihoan ibaia, ur gaina belarrez beteta, ibai sakon, hotz, gardena. Josu Zabaleta   «Fantasiazko ipuinak» - Guy de Maupassant - 215. orr.

Ibairik sakonenak irristatzen dira isilen. Juan Kruz Igerabide   «Hauts bihurtu zineten» - 170. orr.

Ibar sakon bat da, zintzur estu bat bi malda harkaiztsu, basoz bete, handiren artean. Josu Zabaleta   «Fantasiazko ipuinak» - Guy de Maupassant - 206. orr.

Oraindik amildegi sakon bat igaro behar zuten ihes egin nahi bazuten. Askoren artean   «Asisko Frantzizko, Asisko Klara» - 442. orr.

Leize sakon eta urrunetan. Agustin Otsoa   «Eraztunen Jauna III» - J.R.R. Tolkien - 69. orr.

Arku sail baten azpitik igaro ginen, beherago jaitsi, aurrera jo, eta berriz ere behera eginez, kripta sakon batera iritsi ginen. Koro Navarro   «Kontakizunak» - Edgar Allan Poe - 122. orr.

-Aurrena zauri sakona ikusi nion Luteziari bekokian, ezker begiaren gainean. Matías Múgica   «Hiltzaile baten aitormena» - Joseph Roth - 186. orr.

Sirius odola zeriola zegoen; ebaki sakonak zituen muturrean eta bizkarrean. Iñaki Mendiguren   «Harry Potter eta sorgin harria» - J.K. Rowling - 309. orr.

Ahoaren ertzetan bi zimur sakon zituen, berriak. Koro Navarro   «Zortzi kontakizun» - Isaac B. Singer - 161. orr.

Itsaso ilun eta sakon batetik irtendako antxetak bezala. Felipe Juaristi   «Airezko emakumeak» - 212. orr.

· Atzo Van Daan andrearen plater sakon bat eskuetatik irristatu eta mila puska egin nuen. Josu Zabaleta   «Anne Franken egunkaria» - Anne Frank - 46. orr.

Ilaran zeuden azpil sakonak seinalatu zituen. Iñaki Mendiguren   «Harry Potter eta sekretuen ganbera» - J.K. Rowling - 81. orr.

2 irud/hed

Haren begiek begizulo sakon batzuetatik begiratzen zioten. Alberto Ladron Arana   «Eguzki beltzaren sekretua» - 242. orr.

Amaren eritasunak eta heriotzak arrasto sakona utzi bide zuten Poeren memorian. Koro Navarro   «Kontakizunak» - Edgar Allan Poe - 9. orr.

Tristurak, baretu denean ere, lorratz sakon bat uzten du zure baitan. Pako Aristi   «Gauza txikien liburua» - 111. orr.

Hemen behean geratuko da Gorria gaixorik, joritasunaren basamortu eta ahazturaren jungla sakon honetan. Joseba Sarrionandia   «Lagun izoztua» - 23. orr.

Zeregin jasoetan erdarara jotzeko ohiturak sustrai sakonak ditu, beraz, gure herrian. Koldo Zuazo   «Euskara batua» - 10. orr.

Ur sakonak dira giza pentsamenduak, zentzudunak asmatzen du ateratzen. Elizen arteko biblia   EsZ 20,5

Herio-leize sakonetik Frantzisko Aita errukiorrari konfiantza handiz deitu zioten. Askoren artean   «Asisko Frantzizko, Asisko Klara» - 855. orr.

3 azalekoa ez dena, hondoraino doana, asko barneratzen dena; oso barnean sortzen dena.

Berak azaltzen ditu gauza sakon eta gordeak. Elizen arteko biblia   Dn 2,22

Ur handiak arrain itsuentzat direla eta arrain itsuen pare diren jakintsu, intelektual eta teorikoentzat; gai sakonak horretarakoxe direla, galtzeko, eta ez nork bere burua aurkitzeko edo jakintsu agertzeko. Iñaki Segurola   «Gaur ere ez du hiltzeko eguraldirik egingo» - 227. orr.

Soinu sakon eta betea zuten doinuaren notek. Irene Aldasoro   «Dublindarrak» - James Joyce - 78. orr.

Eremua espazio sakon bat da, baina gainazal plano batean irudikatua. Josu Zabaleta   «Irudia» - Jacques Aumont - 208. orr.

Mundua aldaketa prozesu sakon batean sartua zegoen. Askoren artean   «Asisko Frantzizko, Asisko Klara» - 23. orr.

Azterketa sakonago batean, hiruzpalau gauza arras desberdin somatu ahalko dira. Isabel Arrigain   «Hizkuntzalaritza orokorreko ikastaroa» - Ferdinand de Saussure - 34. orr.

Gogoeta sakon batean murgildu zen Héraclius Gloss, pozaren pozez zurbildurik. Josu Zabaleta   «Fantasiazko ipuinak» - Guy de Maupassant - 50. orr.

Halako bake sakon bat barneratu zaio orain, gizasemeak burutu nahi izaten dituen grina guztiak airean desegin balitzaizkio bezala. Pako Aristi   «Urregilearen orduak» - 328. orr.

Misterio handi eta sakonen ateak jo ondoren. Imanol Unzurrunzaga   «Hainbat idazlan» - San Agustin - 123. orr.

Jakinmin sakon batek altxarazten zizkigun begiak liburutik eta bultzatzen gintuen [...] kalera eta moilaren burura. Joseba Sarrionandia   «Lagun izoztua» - 367. orr.

Europako kultura zaharrean sinbologia sakona zuen landare parasitoa dugu mihura. Patziku Perurena   «Harrizko pareta erdiurratuak» - 52. orr.

Bada hor logika sakon bat, Jainkoarena berarena dena. Askoren artean   «Asisko Frantzizko, Asisko Klara» - 31. orr.

Morfina injekzio bat sartu zuen, eta lozorro sakon batean geratu zen. Josu Zabaleta   «Jakintzaren arbola» - Pio Baroja - 307. orr.

Eguzkia ari du, zeruak urdin sakon bat du. Josu Zabaleta   «Anne Franken egunkaria» - Anne Frank - 198. orr.

4 (beste izenondo batzuekin loturik)

Zurezko ontzi karratu-sakonetan sailkatzen genuen alea. Txillardegi   «Putzu» - 46. orr.

Isildu, eta hasperen luze sakonak egiten zituen berriro. Jose Morales   «Zazpi urkatuak» - Leonid Nikolaievitx Andreiev - 74. orr.

Duchesne izeneko emakume batekin harreman luze sakona bezain ezkutukoa izan zuen. Karlos Zabala   «Mikel Strogoff» - Jules Verne - 17. orr.

Bertsulari sentikorra, hitz neurtu sakonez, bere sentimenduen berri zazkienak zabaltzen. Herria   2003-07-03

Divertimento arin bat kanpotik, gizartearen kritika zorrotz sakona barrutik. Antton Olano   «Fidel izan beharraz» - Oscar Wilde - 13. orr.

-Nortaz ari zara? -galdetu zuen, ahots apal sakonez. Jose Morales   «Zazpi urkatuak» - Leonid Nikolaievitx Andreiev - 33. orr.

Zergatik poz hori, alaitasun sakon, ulertezin hori? Josu Zabaleta   «Fantasiazko ipuinak» - Guy de Maupassant - 232. orr.

Jesuitetatik nahigabez kalera atera nintzen, agnostizismo sakon ilunean hogei urteko ibilaldia hastera. Juan Garzia   «Sagua, eulia, eta gizakia» - François Jacob - 94. orr.

Analisi zorrotz, sakon, argi, zehatz garbienen bidez. Jenaro Garate   «Gizakia maitagogoa da» - 11. orr.

Ustekabean, bat-bateko aldaketa sakon, latz, burtzoragarri hori gertatu zitzaion. Jose Morales   «Zazpi urkatuak» - Leonid Nikolaievitx Andreiev - 78. orr.

Tristura handi, sakon, ezin gaindituzko batek hartzen eta betetzen zuen dena. Koro Navarro   «Kontakizunak» - Edgar Allan Poe - 36. orr.

· Serioak, izatekotan ere, beste horiek dira, bizitzeko bilatzen diren arrazoi horiek, sakonetik oso gutxi duten arrazoi sakon-usteko horiek. Iñaki Segurola   «Gaur ere ez du hiltzeko eguraldirik egingo» - 267. orr.

5 irud/hed

Haren zaunka sakon eta durunditsuek gazteluan guztiak esnatuko ote zituzten beldurrez. Iñaki Mendiguren   «Harry Potter eta sekretuen ganbera» - J.K. Rowling - 228. orr.

Patxadaz piztu eta atxiki sakona eman zion. Migel Angel Mintegi   «Denak du bere prezioa» - 197. orr.

Oso hasperen sakona egin zuen gero. Jose Morales   «Arima hilak» - Nikolai Gogol - 61. orr.

Eta haren arnasestu sakona entzun nuen, haren eutsi ezinezko zirrara. Jon Muñoz   «Ispiluen gainean lotan» - Jordi Sierra i Fabra - 281. orr.

-Ez da sekula esnatuko lo sakon horretatik -esan zuen Denethorrek-. Agustin Otsoa   «Eraztunen Jauna III» - J.R.R. Tolkien - 157. orr.

Gero loak hartu ninduen, edo lozorro sakonak bederen. Txillardegi   «Putzu» - 251. orr.

Patxadaz piztu eta atxiki sakona eman zion. Migel Angel Mintegi   «Denak du bere prezioa» - 197. orr.

Txirria sutu eta zupada sakon bat eman dio. Pako Aristi   «Urregilearen orduak» - 248. orr.

Egia esan, ez da lagun-laguna, ezaguna besterik ez -zupada sakona eman zion Winstonari-. Sonia Gonzalez   «Ugerra eta kedarra» - 16. orr.

Hirugarren musua sakonagoa izan zen. Jon Muñoz   «Ispiluen gainean lotan» - Jordi Sierra i Fabra - 221. orr.

Nire bi-ga-rren lehengusua subnormal bat dela, subnormal sakona! Unai Iturriaga   «Berandu da gelditzeko» - 110. orr.

6 (izan aditzarekin)

Putzuak oso sakonak ziren; haietatik bainu baterako adina ur ateratzea lan gogorra zen. Josu Zabaleta   «Jakintzaren arbola» - Pio Baroja - 202. orr.

Sakonak dira polemika horren sustraiak, neurologiaren filosofiarenak bezain sakonak. Xabier Olarra   «Antropologo bat Marten» - Oliver Sacks - 40. orr.

Galera horren oihartzuna sakona zen oso. Xabier Olarra   «Antropologo bat Marten» - Oliver Sacks - 53. orr.

Haustura eta oroimina sakonagoak dira baldin eta, haztean, utzi edo galtzen badugu jaiotetxea edo haurtzaroko bizilekua. Xabier Olarra   «Antropologo bat Marten» - Oliver Sacks - 173. orr.

Ur sakon dira gizakiaren hitzak, erreka gainezka, zuhurtzi iturri. Elizen arteko biblia   EsZ 18,4

Bai handi eta sakonak Jainkoaren eskuzabaltasuna, jakinduria eta ezaguera! Elizen arteko biblia   Erm 11,33

Zurrunbiloak edo osinak hain izaten dira zabalak eta sakonak, non itsasontziak, haren erakarmenaren barruan sartzen baldin badira, erremediorik gabe gertatzen baitira irentsiak eta hondoratuak. Koro Navarro   «Kontakizunak» - Edgar Allan Poe - 62. orr.

Gogoratu etengabe zeinen sakona den zeure ezereza. Joan Mari Lekuona   «Mistika liburuak» - Eckhart-Tauler - 80. orr.

Baina [zauriak] hain ziren ugariak eta sakonak, ez baitzuten sendatzerik lortu, eta etsi egin zuten. Askoren artean   «Asisko Frantzizko, Asisko Klara» - 431. orr.

Gero eta goibelago zegoen, haren mistizismoa gero eta sakonagoa zen, eta depresioak, berriz, etengabeak. Jose Morales   «Arima hilak» - Nikolai Gogol - 11. orr.

Sakona izanik, identitatea ez da, hala ere, irizpide bat. Xabier Arregi   «Jakitearen arkeologia» - Michel Foucault - 164. orr.

Maitasuna sakona izanagatik, sumindura indartzen zihoakion. Fernando Rey   «Ararat mendiaren sumina» - Yasar Kemal - 131. orr.

7 sakontasuna adierazten duena.

Behin, institutuan zebilen lagun bati 'Kcappo' nire nobelari buruzko lan bat egin nion, bost folio sakon idatziz. Pako Aristi   «Gauza txikien liburua» - 11. orr.

Liburu sintetiko eta sakona, baita gardena ere. Askoren artean   «Filosofiako gida» - 98. orr.

Egia bilatzen duen pentsalari sakona. Xabier Kintana   «Alderraien gidaria» - Mose ben Maimon - 186. orr.

Jende sakonak ez du luze jarduten hizketan; are gutxiago idazketan. Iñaki Segurola   «Gaur ere ez du hiltzeko eguraldirik egingo» - 18. orr.

8 (neurrietan)

Hiramek brontzezko hamar orga egin zituen; bi metro luze ziren, bi metro zabal eta metro eta erdi sakon. Elizen arteko biblia   1 Erg 7,27

Aldare inguruan erretena zegoen, sakon eta zabal metro erdi zena. Elizen arteko biblia   Ez 43,13

Gailurraren tankerak, ordea, gutxienez berrehun oin sakon zen arro biribil harekin, eman zezakeen noski bidea hala zela burura zekigun. Juan Garzia   «Sistema periodikoa» - Primo Levi - 139. orr.

9 (adizlagun gisa)

Espaloiaren bestaldetik, ibaia zihoan, zabal eta sakon alde hartan, non batel-estropadak egiten baitziren udan, inguruetako auzoen gozagarri. Juan Kruz Igerabide   «Hauts bihurtu zineten» - 10. orr.

Kea sakon barneratu du, urdaileraino. Aingeru Epaltza   «Lasto sua» - 71. orr.

Ez zarete ausartzen zeuok gauzei sakon eta arretaz begiratzen, nahiago duzue gaingiroki behatu, inolako gogoetarik egin gabe. Jose Morales   «Arima hilak» - Nikolai Gogol - 356. orr.

Komeni da historia ere sakon ezagutzea. Santiago Iruretagoiena   «Arkitekturaz hamar liburuak» - Vitruvio - 410. orr.

Eibarko giro kosmopolitak sakon eragin zion musikari gazteari. Koldo Izagirre   «Elgeta, sasiaren sustraiak» - 34. orr.

Notazio hamartarra sakon sustraitua baitzegoen bizitza praktikoan. Iñaki Mendiguren   «Historiaren azterketa II» - A.J. Toynbee - 75. orr.

Idazkietako Frantzisko, lehenik eta behin, Jainkoaren irrika sutsu eta garbiak sakon markaturiko gizona da. Askoren artean   «Asisko Frantzizko, Asisko Klara» - 46. orr.

Desadostasun horrek sakon sustraituriko egonezin espirituala sortu zuen. Iñaki Mendiguren   «Historiaren azterketa II» - A.J. Toynbee - 189. orr.

Erniek kosk egin bere ezpain zuriei eta gero, arnasa sakon harturik, esan zion: [...]. Iñaki Mendiguren   «Harry Potter eta sekretuen ganbera» - J.K. Rowling - 169. orr.

Aita gelditu eta, arnasa sakon hartuta, begiratu egin zidan. Alberto Ladron Arana   «Eguzki beltzaren sekretua» - 275. orr.

Sakon hasperen egin eta Harryri begiratu zion. Iñaki Mendiguren   «Harry Potter eta sorgin harria» - J.K. Rowling - 259. orr.

Aharrausi egin dut, hain sakon ezen negar malko bat etorri zait begietara. Monika Etxebarria   «Goragalea» - Jean Paul Sartre - 68. orr.

Harry geldi geratu zen pixka batean, sakon gogoeta egiten. Iñaki Mendiguren   «Harry Potter eta sekretuen ganbera» - J.K. Rowling - 281. orr.

Kontua sakonago aztertzea erabaki nuen, psikoanalisiari buruzko eskuliburuak irakurtzea. Juan Kruz Igerabide   «Hauts bihurtu zineten» - 172. orr.

Erroetarago eta sakonago begiratuz, orainaldian bizi dugun denborak funtsean duen izaera arrotza aztertzeko tresna izan da zinema. Josu Zabaleta   «Irudia» - Jacques Aumont - 226. orr.

Espaloiaren bestaldetik, ibaia zihoan, zabal eta sakon alde hartan, non batel-estropadak egiten baitziren udan, inguruetako auzoen gozagarri. Juan Kruz Igerabide   «Hauts bihurtu zineten» - 10. orr.

10 (izen gisa) ik sakonera; sakontasun.

Hiramek brontzea urtu eta "Itsaso" deitu zuen uraska biribil bat egin zuen; ertz batetik bestera bost metroko diametroa zuen, bi metro eta erdiko sakona eta hamabost metroko ingurua. Elizen arteko biblia   1 Erg 7,23

Haraino joango gaitun igerian, sakona dagoen alderaino, eta gero estu-estu elkar besarkatu eta hondora eroriko gaitun. Koldo Biguri   «On Camillo» - Giovanni Guareschi - 279. orr.

Ezin parekatu dira inola ere gure sorkariak eta Haren eginen zabaltasun, sakontasun eta ulergaiztasuna, Demokritoren putzua baino handiagoa baita haiek beren baitan duten sakona. Koro Navarro   «Kontakizunak» - Edgar Allan Poe - 57. orr.

Oihanaren sakonera egiten zituen joan-etorrietan. Jon Muñoz   «Loroaren teorema» - Denis Guedj - 462. orr.

Nolatan, baina, gailurretatik sakonetara amildu norberaren erditik igaro gabe? Imanol Unzurrunzaga   «Hainbat idazlan» - San Agustin - 322. orr.

Keinu izugarriak ari zen egiten, ahoa estuturik, masailak sakoneraino ildokaturik. Josu Zabaleta   «Fantasiazko ipuinak» - Guy de Maupassant - 162. orr.

McCloskey estatubatuarrak sakonean aztertu zuen auzi hau. Iñaki Heras   «Txanponaren bi aldeak» - 26. orr.

Ez dut astirik gai hau sakonean jorratzeko. Iñaki Iñurrieta   «Legeen espirituaz II» - Montesquieu - 116. orr.

Sakonean denok ere berdintsuak garen seinale. Xabier Mendiguren Elizegi   «Arima enkoniatuak» - 162. orr.

Sinesten duenarekiko atxikimenduaren, koheretziaren eta kuraiaren erakustaldia dugu, sistemaren alde krudelena sakonetik ezagutzen duen batek izkiriatua. Filipe Bidart   «Bakartasunaz bi hitz» - 16. orr.

Loak sakonenean harrapatu zaituenean hasi da negarrez. Arantxa Iturbe   «Ai, ama» - 42. orr.

Kolpeak 25 metroko sakoneko eta 100 metroko diametroko krater bat sortu zuen. Berria - Gaiak   2006-02-04

11 (izen gisa, -en atzizkiaren eskuinean)

Azkenean amildegiaren sakoneneraino erori zen. Askoren artean   «Asisko Frantzizko, Asisko Klara» - 994. orr.

Hogeita hamasei edo berrogei besokoa da uraren sakona. Koro Navarro   «Kontakizunak» - Edgar Allan Poe - 62. orr.

Berriz ere sentimendu beltz hura gaineratu zitzaidan, bularraren sakonenean hazten. Alberto Ladron Arana   «Eguzki beltzaren sekretua» - 41. orr.

Ttotte ez zen den-mendrenik ohartu Lilaren aluaren sakona zirrikatzen ari zela. Itxaro Borda   «Zeruetako erresuma» - 121. orr.

Barre-algara hura bere sinesmenen sakonetik erne zen, sua errautsetik bezala. Bernardo Atxaga   «Lekuak» - 174. orr.

Horrek konbentzitu zuelako, azkenik, Antonioren eromenaren sakonaz. Iban Zaldua   «Etorkizuna» - 100. orr.

Amak bere arimaren sakona irekitzen dio bere alabarik maiteenari. Askoren artean   «Asisko Frantzizko, Asisko Klara» - 1174. orr.

Ez naiz saiatu osotasun galdu bat bilatzen, ezta berpizten ere hitzaren betetasun bizia, berbaren aberastasuna, logosaren batasunaren sakona. Xabier Arregi   «Jakitearen arkeologia» - Michel Foucault - 126. orr.

Urrutieneko izarraz arduratzen zen, ozeanoaren sakonenean zegoen harkaitz batez, hauts izpi txikienaz. Koro Navarro   «Zortzi kontakizun» - Isaac B. Singer - 179. orr.

Kultura baten sakonenean sustraiturik dauden sinesteek ez dute, sarri askotan, inolako oinarri logikorik. Juan Garzia   «Sagua, eulia, eta gizakia» - François Jacob - 174. orr.

Amazoniako oihanaren sakonean galdutako gizon batek. Jon Muñoz   «Loroaren teorema» - Denis Guedj - 514. orr.

Oso zapalduta egonda ere, izaera primitiboak kontzientziaren sakonean irauten du. Iñaki Mendiguren   «Historiaren azterketa II» - A.J. Toynbee - 126. orr.

Neskatoaren besotik agurearen betazalen barneko sakonera isurtzen zena bizitzaren jarioa zen, bizitzaren ahairea, bizitzaren lilura. Ibon Uribarri   «Loti ederrak» - Yasunari Kawabata - 69. orr.

12 (hitz elkartuetan)

Espirituak, izan ere, guztia aztertzen du, bai eta Jainkoaren barne-sakona ere. Elizen arteko biblia   1 Ko 2,10

13 sakoneko izlag sakonetik datorrena, sakona.

Sakoneko asperdura, existentziala, haserrea ia. Eider Rodriguez   «Eta handik gutxira gaur» - 33. orr.

Sakoneko eta sustraizko aldaketa adierazten du paradigma-aldaketa kontzeptuak. Patxi Altuna   «Gogojardunak» - Inazio Loiolakoa - 16. orr.

Sakoneko mezua argia zen. Edorta Jimenez   «Europako mugetan barrena» - 143. orr.

Hori da egiazko sakoneko arrazoia. Juan Ignacio Pérez / Pello Salaburu   «Unibertsitatea eta euskal gizartea gaur» - 73. orr.

Sakoneko higuin batek hartua zidan barrena. Josu Zabaleta   «Fantasiazko ipuinak» - Guy de Maupassant - 155. orr.

Badakigu ez dela erraza, arazoa oso sakonekoa delako. Berria - Harian   2006-03-24

14 sakon-sakon izond

Erruki sakon-sakon bat sartu zitzaidan ariman harenganako eta haur haienganako. Josu Zabaleta   «Fantasiazko ipuinak» - Guy de Maupassant - 156. orr.

· Sakon-sakonean, ezintasun horrek eragina da ingurukoekiko oharmen-falta, jendeari buruzko jakingurarik eza eta balio-kontuen duen muga. Xabier Olarra   «Antropologo bat Marten» - Oliver Sacks - 223. orr.

Bizia da Jainkoaren hitza, bizia eta eragin handikoa, aho-biko ezpata bera baino sarkorragoa: gogo eta espirituaren sakon-sakoneraino sartzen da. Elizen arteko biblia   Heb 4,12

Horrela, gaztetzen zuen beroa igo zitzaion gorputzaren sakon-sakonetik. Ibon Uribarri   «Loti ederrak» - Yasunari Kawabata - 53. orr.

Sakon-sakonetik ezagutzen zituen antzinako filosofiak eta filosofia moderno guztiak. Josu Zabaleta   «Fantasiazko ipuinak» - Guy de Maupassant - 34. orr.

Iritsi al zara itsasoaren iturburuetaraino edota ibili ote ur-leizearen sakon-sakonean? Elizen arteko biblia   Jb 38,16

Zehazgabetasun xume horiek aldatu egiten al du, akaso, oinazearen zentzu sakon-sakonekoa? Karlos Linazasoro   «Ez balego beste mundurik» - 167. orr.

15 (adizlagun gisa)

Arnasa sakon-sakon hartu du. Jokin Muñoz   «Bizia lo» - 89. orr.

Zorionez ez zitzaidan sakon-sakon sartu ere. Urtzi Urrutikoeetxea   «Auzoak» - 112. orr.

Sentimendurik gorenak, aratzenak, gizakiaren baitan sakon-sakon barneratzen den musika batek askatuak. Alberto Ladron Arana   «Eguzki beltzaren sekretua» - 17. orr.

hitz multzoen maiztasunak (gutxienez 4 aldiz agertzen direnak)

ahots sakon (18); aldaketa sakon (19); aldaketa sakon bat (6); amildegi sakon (6); arazo sakon (4); arnasa sakon (85); arnasa sakon hartu (50); arnasa sakon harturik (5); arnasa sakon hartuta (5); arnasa sakon hartuz (7); arnasa sakon hartzeko (6); arnasa sakon hartzen (4); arrazoi sakon (4); azterketa sakon (14); azterketa sakon bat (10)

ebaki sakon (4); erreforma sakon (4); eztabaida sakon (6); gaia sakon (7); gauza sakon (6); gogoeta sakon (14); gogoeta sakon bat (4); gogoeta sakon eta (4); hartu du sakon (5); hartu zuen sakon (7); hasperen sakon (12); hasperen sakon bat (9); hausnarketa sakon (8)

ikerketa sakon (9); ikerketa sakon bat (6); isiltasun sakon (10); krisi sakon (4); krisi sakon batean (4); lan sakon (5); leize sakon (7); lo sakon (9); luze eta sakon (7); modu sakon (4)

pase sakon (6); pase sakon bat (4); prozesu sakon (4); putzu sakon (8)

sakon arnasa hartu (4); sakon aztertu (37); sakon aztertu ostean (4); sakon aztertuko (6); sakon aztertuz (4); sakon aztertzeko (10); sakon aztertzen (10); sakon errotua (4); sakon eta zabal (5); sakon ezagutzen (7); sakon eztabaidatu (4); sakon hartu (79); sakon hartu zuen (25); sakon harturik (5); sakon hartuta (5); sakon hartuz (7); sakon hartzeko (6); sakon hartzen (9); sakon hausnartu (5); sakon sakon (11); sakon sakona (5); sakon sakonean (46); sakon sakoneko (10); sakon sakonetik (12); sakon sartu (6); sakon sartuta (4); sakon sustraitua (4)

sentimendu sakon (9); ur sakon (4); zabal eta sakon (9); zauri sakon (5); zimur sakon (5); zulo sakon (10); zupada sakon (4)

ahots sakona (6); aldaketa sakona (32); analisi sakona (4); arrasto sakona (18); arrasto sakona utzi (12); azterketa sakona (22); azterketa sakona egin (9)

ebaki sakona (4); eragin sakona (11); eragin sakona izan (5); erreforma sakona (9); esanahi sakona (5); ezagutza sakona (11); eztabaida sakona (13); garbiketa sakona (4); gogoeta sakona (28); gogoeta sakona egin (10); gogoeta sakona egitea (4); hasperen sakona (18); hasperen sakona egin (14); hausnarketa sakona (25); hausnarketa sakona egin (8); hausnarketa sakona egiteko (6); ikerketa sakona (15); ikerketa sakona egin (4); isiltasun sakona (6); kritika sakona (4); lan sakona (12); lan sakona egin (4); lo sakona (7); luze eta sakona (6)

politiko sakona (7)

sakon sakona (5)

tristura sakona (4); zauri sakona (4); zentzu sakona (4); zulo sakona (7)

are sakonago (6); askoz sakonago (5); gero eta sakonago (17); maila sakonago (6); maila sakonago batean (5)

sakonago aztertu (7); sakonago aztertuko (6); sakonago aztertzeko (5); sakonago ezagutzeko (5); zenbat eta sakonago (5)

arazoa sakonagoa da (5); are sakonagoa (6); askoz ere sakonagoa (5); askoz sakonagoa (4); azalekoa baino sakonagoa (10); azterketa sakonagoa (14)

gero eta sakonagoa (9)

gero eta sakonagoak (4)

aldaketa sakonak (33); aldaketa sakonak egin (6); azterketa sakonak (9); begi sakonak (5); desadostasun sakonak (7); elkarrizketa sakonak (4); erabaki sakonak (5); erabaki sakonak hartzeko (5); erreforma sakonak (8); erro sakonak (6); eztabaida sakonak (6); gai sakonak (5); gogoeta sakonak (8); harreman sakonak (7); hausnarketa sakonak (6); ikerketa sakonak (5); sustrai sakonak (8); urrats sakonak (4); zauri sakonak (4)

ahots sakonaz (6)

arimaren sakonean (5); baina sakonean (5); bere sakonean (4); bihotzaren sakonean (9); gogoeta sakonean (4); isiltasun sakonean (4); itsaso sakonean (4); koma sakonean (5); krisi sakonean (16); lo sakonean (9); lozorro sakonean (4); modu sakonean (4)

sakon sakonean (46)

zulo sakonean (4)

sakon sakoneko (10); sakoneko aldaketa (8); sakoneko aldaketak (7); sakoneko aldaketarik (4); sakoneko arazoa (13); sakoneko desadostasunak (4); sakoneko egia (4); sakoneko gogoeta (4)

aldaketa sakonen (5); gogoeta sakonen (4)

gai sakonetan (4); gogoeta sakonetan (7); ur sakonetan (9)

ahots sakonez (8)

aldaketa sakonik (6)

 



Nodoa: liferay1.lgp.ehu.eus