Bilaketa aurreratua

Ogi apurrak

Egungo Euskararen Hiztegia (EEH)

Hasiera:

sakratu (orobat sarakatu g.er. eta sagaratu g.er.) 1 izond Jainkoari edo jainkoei dagokielako begirunerik handiena eskatzen duena; ukitua edo erabilia ezin izan daitekeena. ik sakro; santu.

Bere itsumenean irudi sakratu bat, lapurtu gabe, profanatu duen gazte alferrik galdua eta Brinvilliers anderea, bere aita eta bere familia pozoindu duena, berdin tratatuko al dituzue? Juan Martin Elexpuru   «Delituez eta zigorrez» - Cesare Beccaria - 116. orr.

Lia Fail zen, irlandarren harri sakratua, agi zenez giza ahotsez hitz egiten zuena. Joanes Urkixo   «Gerlari zuria» - 29. orr.

Behiak, sakratuak direnez gero, ez dituzte jezten. Gotzon Garate   «India harrigarria» - 30. orr.

Zeharo debekatuta dago baso sakratura sartzea... -esan zuen druidak ahots txistukariaz. Joanes Urkixo   «Gerlari zuria» - 12. orr.

Ghanako zuhaizti sakratuen garrantzia ere nabarmendu du dokumentuak. Berria - Gaiak   2004-07-23

Frantzisko dohatsuaren irudia zegoen elizan zauri sakratuekin pintatua. Askoren artean   «Asisko Frantzizko, Asisko Klara» - 428. orr.

Parropiako erretoreak esplikatzen dizkit, azaltzen, halako kar goxo batekin, ontzi sakratu borobil horren marrazki zizelkatuak, batez ere kurutze mota guzien formen adierazpena. Piarres Aintziart   «Santiago oinez» - 126. orr.

Milioi eta milioika hinduk arratoiak Ganesh jainkoaren "mezulari sakratuak" direla uste dute. Gotzon Garate   «India harrigarria» - 23. orr.

Koran Islamaren liburu sakratua. Xabier Olarra   «Deabruaren hiztegia» - Ambroise Bierce - 295. orr.

Judu makabeoak nola matxinatu ziren siriar heleniarren kontra [...] eta nola sagaratu zuten Tenplu Sakratua, profanatua izan baitzen, Antioko Epifanesen buruzagitzapean. Koro Navarro   «Zortzi kontakizun» - Isaac B. Singer - 222. orr.

Merkuriok non zituen bere toki sakratuak? Pello Zabala   «Naturaren mintzoa» - 303. orr.

Mezkita edo santutegietan berdin, jaunaren lurra denez, ortutsik sartu beharra dauka, haren esanera datorrela adierazteko, eta ez haren lur sakratuaz jabetzera. Patziku Perurena   «Harrizko pareta erdiurratuak» - 96. orr.

2 (gauza abstraktuak)

Herri sakratu izango zarete, apaizek gobernaturiko herria. Jose Antonio Mujika   «Agindutako lurraren bila I» - 183. orr.

Lege zibil sakratuak giza legeak baitira, eliz legeak izenekoak, gauza sakratuei buruzkoak; sekularrak, ordea, zibil izen orokorraz ezagut daitezke. Jainkoaren agindu sakratuetako bat da. Esteban Antxustegi   «Herritarra» - Thomas Hobbes - 193. orr.

Ez omen zen zilegi-eta bidegabe lortutako ezer helburu sakratuetarako erabiltzea. Askoren artean   «Asisko Frantzizko, Asisko Klara» - 286. orr.

Antzinakoen artean erregeen hira sakratutzat hartzen zen, jainkoren baten eragina erabil baitzezakeen hura agertarazteko. Xabier Olarra   «Deabruaren hiztegia» - Ambroise Bierce - 143. orr.

Besta dionisiakoan, mozkortze sakratuarekin, entusiasmoarekin, denboraren ezabatzeko ilusioa lor daiteke. Ana Urkiza   «Zortzi unibertso, zortzi idazle» - 149. orr.

Gero hobeki ikusiko duzu, nola haritz gaineko mihurak jainkozko indar sakratua zuen Europa zaharreko errito paganoetan. Patziku Perurena   «Harrizko pareta erdiurratuak» - 50. orr.

3 irud/hed

Horixe da egun merkatua: pentsamendu bakar hegemonikoak gurtzen duen zekor sakratua. Iñaki Heras   «Txanponaren bi aldeak» - 71. orr.

Egonkortasun Ituna ez da behi sakratua. Berria - Ekonomia   2004-12-01

-Gutxienez plantillako behi sakraturen batek esan izan balu... Jon Alonso   «Erretzaileen eremua» - 40. orr.

Numerologiaren aldi bakoitzak, garatu eta ugaldu ahalean bere numero sakratuak sortu ditu: bata, hirua, bosta, zazpia, bederatzia, hamarra, hamabia... Patziku Perurena   «Trapuan pupua» - 287. orr.

-Zuk Hitz Sakratuan, Hitz Esentzialean, sinesten duzu. Iñaki Iñurrieta   «Kuskue tanden» - 158. orr.

Emakume bat ez, baizik Hirutasun Santua aurkitu zuela esaten zien Perikok lagunei, eta, maitatu baino gehiago, halako izaki sakratuari dagokion debozioaz jauresten zuela. Pako Aristi   «Urregilearen orduak» - 108. orr.

Beti bidea irekita utzi behar zaio errugabetasuna frogatzeko eskubide sakratuari. Juan Martin Elexpuru   «Delituez eta zigorrez» - Cesare Beccaria - 70. orr.

SSetan leialtasuna sakratua da. Alberto Ladron Arana   «Eguzki beltzaren sekretua» - 237. orr.

Ez sekula ahaztu emandako hitza sakratua dela. Bego Montorio   «Napomuceno da Silva Araujo jaunaren testamentua» - Germano Almeida - 40. orr.

Populu guztien subiranotasun printzipio sakratua. Piarres Xarriton   «De re publica edo politikaz» - 64. orr.

Elkarri laguntzeko agindu sakratu eta hautsiezina. Juan Martin Elexpuru   «Delituez eta zigorrez» - Cesare Beccaria - 72. orr.

Merkataritzaren segurtasuna eta ondasunen jabetza sakratua. Juan Martin Elexpuru   «Delituez eta zigorrez» - Cesare Beccaria - 98. orr.

Canyon de Chellyko giro "sakratua", edo monasterio batekoa, oihartzunez eman zezakeen, eta berezko zentzu "erlijioso"rik batere izan ez. Xabier Olarra   «Antropologo bat Marten» - Oliver Sacks - 228. orr.

Halako izu sakratu batek geldiarazi ninduen. Juan Garzia   «Ipuin hautatuak» - Jorge Luis Borges - 119. orr.

Eri Aroko errege erreginek eta printze printzesak halaxekoa zuten beren ohitura eta desio sakratua: hil ondoan, beren gorputzeko organoak zatitu, eta beren guztizko santu eta santei eskaintzekoa. Patziku Perurena   «Trapuan pupua» - 52. orr.

Jatetxean, afaltzen ari diren gehienak telebistari so daude, futbol sakratuari. Piarres Aintziart   «Santiago oinez» - 159. orr.

hitz multzoen maiztasunak (gutxienez 3 aldiz agertzen direnak)

agindu sakratu (3); eremu sakratu (6); frantziskoren zauri sakratu (5); gauza sakratu (6); irudi sakratu (3); izu sakratu (3); landare sakratu (3); mendi sakratu (3); ontzi sakratu (4)

sakratu bihurtu (6); sakratu bihurtzen (4); sakratu santuak ezarri (3)

toki sakratu (3); tresna sakratu (3); zauri sakratu (22); zauri sakratu santuak (8); zauri sakratu santuen (5)

arbola sakratua (3); batzar sakratua (18); batzar sakratua eginez (3); batzar sakratua egingo (3); batzar sakratua izango (11); bizia sakratua (4); bizitza sakratua da (6)

egun sakratua (3); gauza sakratua da (3); guztiz sakratua (16); guztiz sakratua da (9); harri sakratua (4); hiri sakratua (5)

izen sakratua (3); leku sakratua (10); liburu sakratua (7); mendi sakratua (4)

ogi sakratua (3); opari guztiz sakratua (3); otordu sakratua (4)

sakratua izan (6); sakratua izango (20)

toki sakratua (4); zuhaitz sakratua (4)

zutoin sakratua (8)

gauza sakratuak (14); guztiz sakratuak (6); jantzi sakratuak (14); liburu sakratuak (8); ontzi sakratuak (3); opari guztiz sakratuak (3); opari sakratuak (8)

sakratuak izan (3)

su sakratuak (3); tenplu sakratuak (3); zauri sakratuak (15); zauri sakratuak hartu (3); zutarri sakratuak (14); zutoin sakratuak (18)

mendi sakratuan (4); toki sakratuan (13); toki sakratuan jan (4); toki sakratuan jango (4)

bihotz sakratuaren (5); harri sakratuaren (4); lur sakratuaren (3)

leku sakratuen (3); tenplu sakratuen (3); zauri sakratuen (8); zauri sakratuen bidez (3)

zauri sakratuengatik (3)

eremu sakratuetan (3)

zauri sakratuez (5)

haran sakratuko (3); mundu sakratuko (5)

prostituzio sakraturako (4)

gauza sakraturik (3); opari sakraturik (3)

sakratutzat jo (3); sakratutzat jotzen (3)

 



Nodoa: liferay1.lgp.ehu.eus