Egungo Euskararen Hiztegia (EEH)

Udalak isun eder eta zentzagarria ezartzen die, hasieran, arau-hausleei.  Aingeru Epaltza   «Lasto sua», 2005 - 25. orr.

Valvok sei kontakizun zentzagarri eta eztabaida sakon bat ematen dizkigu: [...].  Xabier Olarra   «Antropologo bat Marten» - Oliver Sacks, 2003 - 146. orr.

Gogo onez entzungo zuen erretolika zentzagarri haietakoren bat, zeren, halakoetan, kotxezain berritsuaren eskuek zabarki eusten zieten hedeei, eta zigorra itxurak gordetzeko soilik dantzatzen zen bizkar gainean.  Jose Morales   «Arima hilak» - Nikolai Gogol, 1998 - 93. orr.

Miserikordiako mojak arduratzen ziren emakume presoak zaintzeaz, miserikordia handirik gabe, egia esan, oso erraz ezartzen baitzituzten lazeria zentzagarrizko kastiguak, presoak zigor ziegetara bidaliz.  Jokin Urain   «Errotarria», 2006 - 87. orr.

Betidanik izan zait zentzagarri neure inguruko jendeak plazerra zertan bilatzen duen erreparatzea.  Patziku Perurena   «Trapuan pupua», 2001 - 310. orr.

Ba ote da munduan deus zentzagarriagorik, deus poetikoagorik, gure begi edergoseok ustekabean oinetako zahar abandonatu batekin topo egiten dutenekoa baino?  Patziku Perurena   «Harrizko pareta erdiurratuak», 2004 - 95. orr.

Ihes egitea ez zuan posible, halakoetan zakurrak askatzen zitiztean, eta gainera ihesgin bakoitzeko gutariko hamar fusilatzen zitiztean denon aitzinean, zentzagarri.  Koldo Izagirre   «Agirre zaharraren kartzelaldi berriak», 1999 - 83. orr.

Sistemak zentzagarri bat eman nahi zien agirretar guztiei Agirre'tar Nikolaren buruan, eta osorik, bizirik eta bertako behar ninduten Espainiako Entzutegi Nazionalean.  Koldo Izagirre   «Agirre zaharraren kartzelaldi berriak», 1999 - 204. orr.

Nostalgia horren zentzagarri krudel eta guzti.  Juan Garzia   «Ipuin hautatuak» - Jorge Luis Borges, 1998 - 13. orr.

Bukatu ziren lehen asteetako ikuskizun makabro haiek guztiak, farola altuetan urkatu eta zentzagarri gisara bertan zintzilik uzten zituzten erresistentziako gizonen gorpuak.  Harkaitz Cano   «Belarraren ahoa», 2004 - 74. orr.

Zutikako pertxeroa boterearen sinbolo zen, azkar eta tentuz lan egiteko oroi-zentzagarri bat.  Harkaitz Cano   «Neguko zirkua», 2005 - 39. orr.