Bilaketa aurreratua

Ogi apurrak

KLASIKOAK bilduma

1990eko hamarkadan jarri zen abian pentsamenduaren klasikoak euskaratzeko proiektua. Horretarako elkarte berezi bat bultzatu zuten BBV Fundazioak (gero BBVA), Bizkaiko, Gipuzkoako eta Arabako Kutxek, Euskal Herriko Unibertsitateak eta Deustuko Unibertsitateak. Elkarteak 2010ean erabaki zuen helburuak beteak zirela eta, 130 liburu argitara eman ondoren, urte horretan erabaki zuen amaitutzat ematea proiektua.
Zientziaren historia
A. C. Crombie
Itzultzailea:
Koldo Morales Belda
Testu zuzentzailea:
Lorea Arrieta Zubillaga
Argitaratze data:
2002-12-31
Orrialde kopurua:
313
ISBN:
84-88303-16-5
Adituen testuen munduan azken belaunaldi honetan –batez ere Bigarren Mundu-Gerratik aurrera- gertatu diren garapen aipagarrienetako bat zientziaren historia ikasteko gogoak izan duen gorakada izan da, bai gai hori jakintzagai historiko profesional bezala dutenen artean eta bai irakurle arrunten interesen artean. Agian ez da harritzekoa, baldin eta kontuan hartzen badugu zientzia funtsezko garrantzia eskuratuz joan dela arian-arian gure kulturan; izan ere, zientziaren historiari buruz zerbait ikastea saihestezin bilakatu da historiari buruzko kontzientzia hartzeko prozesuan. Erraza da, seguru aski, liburu honek aztertzen duen garaiaz agertutako interes nabari horren zergatia ulertzea. Aspalditik jakin nahi izan dugu zerbait gehiago Erdi Aroko mendeetako pentsaera zientifikoaz, garai hartan sortu eta eratu zirelako gure zibilizazioaren funtsezko alderdi ugari, hala nola lege eta gobernuaren teoria eta praxia edota poesiaren eta arte plastikoen sentimendu eta jardunaren izaera. Espero dut Erdi Aroko zientziaren historia ezagutzeko jakin-mina duten irakurleek gutxienez euren galderentzako gida orokor bat aurkituko dutela orrialde hauetan, ezagutu nahi dutena ez bada zientzia modernoaren oinarria soilik, baizik eta baita garai horretako berezko mamia ere. Antzinaroko eta Aro Modernoko zientziaren inguruko kontakizunak behin baino gehiagotan agertu dira berriki argitaratutako hainbat lanetan, bai banan-banan eta bai zientziaren historia orokorraren zati gisa, baina bi garai horien arteko aldiko zientziari buruz ez da idatzi modu laburrean inolako historia egokirik. Hutsune hori betetzea izan da liburu hau idaztera bultzatu nauen arrazoia.
Nodoa: liferay1.lgp.ehu.eus