EHUTSI

Itemen zerrenda

Itema: 210
BERA mugatzailearen erabileraz

ADIBIDE GEHIAGO

1. Nafarroako Gobernu berak dekretu baten bidez legeztatu zuen (=lehengo gobernu berak, ez beste batek).

> Nafarroako Gobernuak berak dekretu baten bidez legeztatu zuen (=Gobernuak berak, ez beste ezerk edo beste inork).

2. Fakultate berean itxialdi bat egin zen (=lehen aipatu fakultatean).

> Fakultatean bertan itxialdi bat egin zen (= fakultatean, beste inora joan barik).

3. Lehendakari bera etorri zen (=lehen aipaturiko lehendakaria, ez beste bat).

> Lehendakaria bera etorri zen (=bera etorri zen, ez zuen mandatua beste baten bidez helarazi).

4. Irakasle berari galdetu dio (=lehen esaniko irakasleari, ez beste irakasle bati).

> Irakasleari berari galdetu dio (=irakaslearengana joan da, ez dio beste bati galdetu).

5. Jabe berak sinatu behar du (=ez beste jabe batek).

> Jabeak berak sinatu behar du (=ez du beste inork sinatu behar, jabeak egin behar du).