AZALPENAK

KOSTA(TU) aditza NOR-NORI formakoa da ("hori asko kostatu zait"). Ez nahasi BALIO (IZAN) aditzaren erabilerarekin ("horrek asko balio du").

Kontuan izan, gainera, adibideetan agertu den bezala, kosta edo kostatu, bi formak, zuzenak direla.

Bestalde, gaztelaniazko “costar” aditzaren esanahia, batzuetan oso ongi biltzen du “lan” izenarekin eginiko formak. Horra adibide batzuk:

Me cuesta entenderle = lanak izaten ditut hari ulertzen
Cuesta creerle = lan du hori sinesteak
Cuesta hacerle entender eso = lan ematen du hori ulertarazteak
Suele costar acabarlo en una tarde = lanak izaten dira arratsalde batez amaitzeko

• Estilo libururantz: 158.-159., 343. or.
• Euskal Hiztegia: 496. or.
• Euskaltzaindiaren arauak: 83. araua: http://www.euskaltzaindia.net/hiztegibatua/
• Hiztegi batua: http://www.euskaltzaindia.net/hiztegibatua/
• OEH-XI: 49.-52. or.