Hirigintza II ikasgaia, Arkitekturaren Oinarrietako Graduaren 2. kurtsoan ematen da, lehen lauhilekoko Hirigintza I ikasgaiaren jarraipen gisa. Ikasgai hartan, inguru fisikoa hainbat dimentsiotan aztertu da eta lurraldearen eta hiri-asentamenduen arteko harremana landu da. Horrela, bigarren lauhilekoko helburua, ikasleak lehenengoan ikasitakoa sendotzea eta hiri-dimentsiora gerturatzea da.



Ikasgai honetan, hiri espazioen osagai morfologiko eta tipologikoen ezagutzan, eta lurraldearen eta hirien egiturak eta hazte formen ezagutzan sarbidea emango zaio ikasleari. Hiri-asentamenduen eta hauen bilakaeraren analisiaren bidez, gertatu diren eraldaketa eta hiri eraikuntza prozesuak ulertuko dira hiru osagaiak bereiziz —partzelazioa, urbanizazioa eta eraikuntza— eta testuinguru sozioekonomikoarekin duen harremana ulertuz.

Hirigintza II ikasgaia, Arkitekturaren Oinarrietako Graduko ikasketa planeko “M03_ Oinarrizko proiektua (Proyectual Básico): Konposizioa, Proiektuak eta Hirigintza” moduluaren parte da. Modulu honen arabera, ikasgaiarekin erlazionatutako gaitasun espezifikoa honakoa da:



CM04 - Mendebaldeko kulturaren arkitektura-, hirigintza- eta paisaia-tradizioak, oinarri teknikoak, klimatikoak, ekonomikoak, sozialak eta ideologikoak, baita soziologia, teoria, ekonomia eta hiri-historia ere, behar bezala ezagutzea.



Ikasgaia gainditu ondoren, ikasleak honako ikasketa emaitzak lortuko ditu:



OROKORRAK:



- Ingurune fisikoaren eta gizarte-ingurunearen arteko harremanak ulertzea eta ezagutzea. Era berean, giza kokalekuen, soziologiak, hiri-ekonomiak eta estatistikaren teoriak eta historiaren oinarriak ere, lurralde- eta hirigintza-azterketen oinarri gisa ulertzea eta ezagutzea.



PROZEDURAZKOAK ETA INSTRUMENTALAK



- Hiri-azterketak egiteko eta hiri-asentamenduen lurralde- eta gizarte-ekonomiaren testuinguruaren arabera aztertzeko gaitasuna.

- Hiri-ehundura ezberdinen urbanizazio, partzelazio eta eraikuntza ezaugarrien arabera bereizgarriak diren hiri-hazkunde formak identifikatu eta karakterizatzeko, datuak bildu eta aztertzeko oinarrizko metodoak erabiltzeko gaitasuna.

- Hiri-irudikapenaren gaitasun grafikoak, teknologia informatikoak barne hartuta.



JARRERAZKOAK



- Hiri-espazioaren eta haren osagai morfologiko eta tipologikoen azterketa kritikoa egiteko trebetasuna.

- Hiri izateari eta lurraldeari dagokienez diziplina ikuspegia eta irizpide zientifikoak

EDUKI TEORIKOAK:



1. SARRERA



2. URBS: FORMAREN DIMENTSIOA

• Hirien morfologia

• Hiri-hazkunde motak

• Hiri funtzioak



3. POLIS: ARAUAREN DIMENTSIOA

• Eskalak eta eskumenak

• Araudi eta planeamendura sarrera



4. CIVITAS: HIRITARGOAREN DIMENTSIOA eta XXI. MENDEKO HIRIA

• Hiria eta hiritargoa

• Tokiko izaera eta partehartzea

5. XXI. MENDEKO HIRIA

• Hiri globala

• Hiri-garapen iraunkorra



PRAKTIKA:



Eskola teorikoekin batera, ikasturteko praktikak egingo dira. Hiri baten hiri-egitura, -forma eta -funtzioak aztertuz, espazio publikoaren eta lehendik dauden eraikinen tipologien ezagutzan sakonduko da, bai eta horiek ingurune sozioekonomikoarekin eta hiri-dinamikekin duten loturan ere.



Aztergai bati buruzko gai hauek landuko dira:



1. HIRIAREN LURRALDE TESTUINGURUA ETA BILAKAERA HISTORIKOA

2. HIRI-HAZKUNDE MOTAK ETA HIRI-FUNTZIOAK

3. HIRI EHUNDURETAN SAKONDU

4. DIAGNOSTIKOA HIRI-IBILBIDEAREN BIDEZ

5. ERALDAKETA PROPOSAMEN TXIKIA



Praktika batzuk taldean eginen dira eta beste batzuk bakarka.

Ikasgaia eskola magistralak eta praktikak konbinatuz garatzen da. Lehenengoak, proiekzioen bidez edo arbelean marraztutako eskemen bidez osatuko dira. Erabilitako ikasmateriala kurtsoan aurrera goazela eskuragarri jarriko da https://egela.ehu.es plataforman.



Ikasgelan egiten diren ariketak erlazio estua izango dute lantzen ari garen teoriarekin. Gehienak taldeka garatuko dira eta ikasteko metodologia aktiboak erabiliko dira, lankidetza eta ikasleen autosufizientzia sustatzeko. Era berean, etengabeko jarraipena egingo da, hau da, jarduera bakoitzaren zuzenketak eta kalifikazioak arrazoizko epe batean egingo dira, https://egela.ehu.es plataformaren eta gelako talde-zuzenketen bidez.



Eskola orduetatik kanpo egiten diren praktikak luzeagoak izanen dira eta taldeka egingo dira eta lanen jarraipena tailer orduetan egingo da.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 30
  • Banakako lanak (%): 35
  • alde lanak (arazoen ebazpenak, proiektuen diseinuak) (%): 35

Ohiko deialdian ikastaroa gainditzeko beharrezkoa izango da azken azterketa eta praktikaren banakako eta taldeko zatia egin eta gainditzea. Hiru lan horiek ikastaroaren ebaluazio jarraituaren parte dira. Ikasturteko lan guztiak eman ez dituzten ikasleak ezin izango dira etengabeko ebaluazioari dagokion azken azterketara aurkeztu.



Justifikatutako arrazoi batengatik etengabeko ebaluazioa izaterik ez duen ikasleak azken ebaluaketa baterako eskubidea izango du, non kurtsoan zehar eskatu diren lanak aurkezteaz gain, azken froga idatzi bat egingo duen. Horrelako egoerak kurtsoko lehenengo 9 asteetan zehar jakinarazi beharko zaizkie irakasleari idatziz.



Azterketara ez aurkezteak, dagokion deialdiari uko egitea suposatzen du eta Ez aurkeztu gisa kalifikatuko da.

Ohiko deialdiko planteamenduari eutsiko zaio zati ezberdinen balioari dagokionez:



Ohiko deialdira aurkeztutako ikasleak:



Ohiko deialdian gainditutako atalak deialdi honen kalifikaziorako gordeko dira, eta gainditu ez diren zatiak errepikatu beharko dira. Banakako edo taldeko praktikak gainditu ez badira, aldatutako lanak ezohiko deialdiko azterketa egunerako entregatuko dira, eta idatzizko proba gainditu ez bada, azterketa errepikatu beharko da.



Azterketara ez aurkezteak, dagokion deialdiari uko egitea suposatzen du eta Ez aurkeztu gisa kalifikatuko da.

.

Oinarrizko bibliografia

- ESTEBA I NOGUERA, Juli, (2001): Elementos de ordenación urbana. UPC.

- MORRIS , A. E. J. (1984): Historia de la forma urbana. Desde sus orígenes hasta la revolución industrial. Gustavo Gili

- SOLÀ-MORALES RUBIÓ, M. (1973). Las formas de crecimiento urbano. Barcelona: Escola Tècnica Superior d'Arquitectura de Barcelona.

Gehiago sakontzeko bibliografia

- AYMONINO, Carlo (1972): Orígenes y desarrollo de la ciudad moderna. Gustavo Gili.
- BANHAM, Reyner (1971). Los Ángeles, La arquitectura de cuatro ecologías. Puente editores
- GALARRAGA ALDANONDO Iñaki, et al. (2002) ENSANCHES URBANOS EN CIUDADES VASCAS.HIRI ZABALGUNEAK EUSKAL HERRIAN, Gobierno Vasco
- GEHL, J. (2006). LA HUMANIZACIÓN DEL ESPACIO URBANO: LA VIDA SOCIAL ENTRE LOS EDIFICIOS (Vol. 9). Reverté.
- LYNCH, Kevin (1985): LA BUENA FORMA DE LA CIUDAD. Gustavo Gili
- ROSSI ALDO, (1966). La arquitectura de la ciudad. Editorial GG

Aldizkariak

- "Aldiri. Arkitektura eta abar". Udako Euskal Unibertsitatea, Bilbo. ISSN 1889-7185
- "El Ecologista". Ecologistas en Acción, Madril. ISSN 1575-2712
- "Lurralde. Investigación y espacio". INGEBA, Donostia. ISSN 0211-5891
- "Urban". Universidad Politécnica de Madrid, Madril. ISSN 1138-0810

Web helbideak

- El blog de fariña (https://elblogdefarina.blogspot.com/)
- Biblioteca CF+S, Ciudades para un futuro más sostenible (http://habitat.aq.upm.es/)
- Geoeuskadi (https://www.geo.euskadi.eus/inicio)