Irakasgai honen helburu nagusia ikasleei bizitzarako funtsezkoak diren oinarri fisiko-kimikoei buruzko ezagutzak ematea da, giza organismoaren funtzionamendua ulertzen lagunduko dutenak. Era berean, teknika diagnostikoetako eta terapeutikoetako aplikazio desberdinak errazago ulertzeko egokia den oinarria eskuratzea lortu nahi da. Irakasgaia fisikaren legeak fenomeno biologikoei aplikatzean oinarrituko da, mekanismo fisikoak molekularen, zelularen eta fisiologiaren ikuspegitik ulertzeko. Gainera, maila molekularrean biomolekula nagusien egitura eta funtzioa, komunikazio zelularrean inplikatutako mekanismoak eta analisi biofisikoko eta biokimikoko teknika nagusiak uler ditzaten ezagutzak emango dira.



Irakasgaia Biomedikuntzaren Oinarriak moduluan barneratzen da. Horretan lortutako ezagutzak beste irakasgai batzuetarako erabilgarriak izango dira, hala nola:

-Giza Fisiologia

-Ehunen Ingeniaritza eta Medikuntza Birsortzailea

-Giza Fisiopatologia

-Erradiologia eta Babes Erradiologikoa

-Irudi Biomedikoen Prozesatzea

-Seinale Biomedikoen Prozesatzearen Oinarriak

KONPETENTZIA OROKORRAK

G003 Metodo eta teoria berriak ikasteko gaitasuna emango duten eta egoera berrietara egokitzeko aldakortasuna emango duten oinarrizko irakasgaiak eta gai teknologikoak ezagutzea.

G004 Neurketak, kalkuluak, balorazioak, tasazioak, peritazioak, azterlanak, txostenak, zereginen plangintza eta antzeko beste lan batzuk egiteko ezagutzak.



ZEHARKAKO KONPETENTZIAK

T001 Arazoak ekimenez, erabaki-hartzeaz, sormenaz eta arrazoiketa kritikoaz ebazteko gaitasuna, beitere pertsona guztientzako diseinuaren printzipioak errespetatuz.



KONPETENTZIA ESPEZIFIKOAK

M03FM03 Fisikako lege orokorren garapena ezagutzea, arazo biomedikoetan aplikatzeko.

M03FM04 Biokimikari eta haren azterketa-metodoei, berehalako printzipioen analisiari eta haien metabolismoari buruzko ezagutzak.





IKASKETA EMAITZAK

RAG3 Graduatua gai izango da giza gorputzaren oinarrizko funtzionamendua maila zelularrean, histologikoan, metabolikoan, fisiologikoan eta anatomikoan deskribatzeko , baita patologia garrantzitsuenek gorputzean duten eragina ere.

RAG9 Graduatua gai izango da neurketak, kalkuluak, balorazioak, tasazioak, peritazioak, azterlanak, txostenak edo antzeko lanak egiteko ingeniaritza biomedikoaren esparruan.

RAG13 Graduatuak identifikatu ahal izango ditu arlo teknologikoko soluzioekin konpon daitezkeen osasun-zientzien problematikak eta beharrak.

RAT1 Graduatua arazoak ekimenez, erabakiak hartuz, sormenez eta arrazoibide kritikoz ebazteko gai izango da.

BIOFISIKA:

01 GAIA: Mintzen biofisika

02 GAIA: Zelulen kitzikagarritasuna eta muskulu-uzkurketa

03 GAIA: Muskulu eskeletikoaren biomekanika

04 GAIA: Prozesu biologikoen termodinamika

05 GAIA: Sistema kardiobasularraren biofisika

06 GAIA: Arnasketa sistemaren biofisika

07 GAIA: Akustikaren biofisika

08 GAIA: Ikusmenaren biofisika



BIOKIMIKA

09 GAIA: Biomolekulen egitura eta funtzioa: karbohidratoak eta lipidoak

10 GAIA: Biomolekulen egitura eta funtzioa: aminoazidoak eta proteinak

11 GAIA: Zinetika eta erregulazio entzimatikoa

12 GAIA: Biomolekulen egitura eta funtzioa: azido nukleikoak

13 GAIA: Informazio genetikoaren transmisioa eta adierazpena

14 GAIA: Seinalizazio zelularra

15 GAIA: Metabolismoa eta bidezidor metabolikoak

16 GAIA: Biomolekulen prestakuntzarako, banaketarako eta analisirako teknika biokimikoak

EIrakasgai honetan zenbait irakaskuntza-metodologia erabiliko dira. Horien helburua ikasketa-prozesua erraztea da.



Eskola magistralak. Horietan, irakasleek gaiari buruzko eduki kontzeptualak irakatsiko dituzte eta ikasleen partehartzea sustatu.



Gela praktikak. Ikasleek eskola magistraletan landutako edukiekin erlazionatutako jarduerak egiten dituzte. Partehartzea garrantzitsua izango da eta jarduerak banaka zein taldeka egiten dira. Helburua kontzeptu teoriko-praktikoen ulermena hobetzea da.



Laborategi-praktikak. Talde txikietan, ikasleek eskola magistraletan landutako edukiekin erlazionatutako lan esperimentala betetzen dute. Helburua, biomedikuntzan erabili ohi diren gailuak erabiltzen ikastea eta emaitzak ikuspuntu biofisikotik eta biokimikotik interpretatzea da.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Praktikak egitea (ariketak, kasuak edo buruketak) (%): 40

Ebaluazio sistema jarraitua aplikatuko da, zeinetan azken kalifikazioaren parte bat ebaluazio idatziaren bidez lortzen den eta beste parte bat lauhilekoan zehar jasotako entregagaien bidez.



Azken kalifikazioa lau partetan banatzen da. Biofisika Aplikatua blokean, jasotako jakintza teorikoen ebaluazio idatzia (% 30) eta bestelako irakaskuntza-modalitateen ebaluazioa (% 20). Biokimika Aplikatua blokean, jasotako jakintza teorikoen ebaluazio idatzia (% 30) eta bestelako irakaskuntza-modalitateen ebaluazioa (% 20).



Gaiaren eduki teorikoak idatzizko 2 frogaren bidez ebaluatuko dira. Lehenengo azterketa lauhilekoaren erdi aldean egingo da eta irakasgaiaren lehenengo blokeari buruzkoa izango da (Biofisika Aplikatua). Bigarrena azterketa-garai ofizialean egingo da eta bigarren blokeari buruzkoa izango da (Biokimika Aplikatua).



Irakasgaia gainditzeko, bi azterketak gainditu behar dira. Bat gainditu baina bestea suspenditzekotan, espedientean jasoko den kalifikazioa huts egindako azterketaren kalifikazioa izango da (10 punturen gain). Gainditutako azterketaren kalifikazioa ezohiko ebaluaziora arte gordeko litzateke, eta horretan suspenditutako blokearen azterketa bakarrik egin beharko litzateke.



Azterketen diseinua eta ponderazioa irakaskuntza-modalitate ezberdinen helburuekin eta lan-karga presentzialarekin eta ez presentzialarekin bat etorriko dira. Azterketetan liburuak, oharrak, telefonoak, ordenagailuak eta bestelako gailu elektronikoak erabiltzea ez da baimenduko.



Bestelako irakaskuntza-modalitateak praktiketan jasoko diren entregagaien bidez ebaluatuko dira.



Ikasleek jarduera akademikoan etikaren eta zintzotasunaren inguruan jarraitu beharreko portaera-gidalerroak betetzeko konpromisoa hartzen dute. Horiek, “Protokoloa, UPV/EHUko ebaluazio probetan eta lan akademikoetan jokabide makur eta iruzurrekoak eragozteari eta etika akademikoari buruzkoa” dokumentuan agertzen dira (https://www.ehu.eus/eu/web/graduak/araudia/etika-akademikoari-buruzko-protokoloak), bertan, iruzurreko portaera zer kontsideratzen den eta zein jarduera zigortu daitezkeen adierazten da.



EBALUAZIO JARRAITUARI UKO EGITEA



Graduko Titulazio Ofizialetako Ikasleen Ebaluaziorako Arautegiko 8. artikuluaren arabera (http://www.ehu.eus/eu/web/estudiosdegrado-gradukoikasketak/ebaluaziorako-arautegia), ikasleek azken ebaluazio bidez ebaluatuak izateko eskubidea izango dute, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idazki bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoa hasten denetik kontatzen hasita.



Ebaluazio finalaren kasuan, azterketa idatziaren bidez ebaluatuko dira bai eduki teorikoak, bai laborategiko eta ikasgelako praktikak.



DEIALDI ARRUNTARI UKO EGITEA



Graduko Titulazio Ofizialetako Ikasleen Ebaluaziorako Arautegiaren 12. artikulua jarraituko da: (http://www.ehu.eus/eu/web/estudiosdegrado-gradukoikasketak/ebaluaziorako-arautegia).

Graduko Titulazio Ofizialetako Ikasleen Ebaluaziorako Arautegiko 8. artikuluaren arabera, ezohiko deialdietan irakasgaia ebaluatzeko sistema bakarra azken ebaluazioa izango da (http://www.ehu.eus/eu/web/estudiosdegrado-gradukoikasketak/ebaluaziorako-arautegia).



Ebaluazio jarraitua egin eta jarduera praktikoak gainditu dituzten ikasleei horietako kalifikazioa gordeko zaie. Ezohiko azterketan gainditu ez duten/dituzten blokea/k bakarrik ebaluatuko da/dira (Biofisika Aplikatua, Biokimika Aplikatua edo biak). Ebaluazioa arruntean bezalaxe, bat gainditu baina bestea suspenditzekotan, espedientean jasoko den kalifikazioa huts egindako azterketaren kalifikazioa izango da (10 punturen gain).



Ikasleek gainditutako atalen kalifikazioak gordetzeari uko egin diezaiokete. Hori egitekotan, ikasleak ikasgaiaren % 100 azken ebaluazioaren bidez ebaluatzea eskatuko lukete; hori beherago dago deskribatuta. Idatzizko eskakizuna egin beharko lioke ikasleak ikasgaiaren koordinatzaileari, azterketa data baino 15 egun lehenago gutxienez.



Azken ebaluazioa jarraitu duten ikasleen kasuan froga idatziak erabiliko dira atal teorikoa eta ikasgela- eta laborategi-praktikak ebaluatzeko. Ezohiko deialdian egin beharko diren frogak ebaluazio jarraituko frogen baliokideak izango dira.



EZOHIKO DEIALDIARI UKO EGITEA



Graduko Titulazio Ofizialetako Ikasleen Ebaluaziorako Arautegiko 12. artikuluaren arabera, azterketa-egun ofizialean egin beharreko frogara ez aurkezte hutsak automatikoki ekarriko du ezohiko deialdiari uko egitea (http://www.ehu.eus/eu/web/estudiosdegrado-gradukoikasketak/ebaluaziorako-arautegia). Deialdiari uko egiten dioten ikasleek «aurkeztu gabe» kalifikazioa jasoko dute.

Ez dago.

Oinarrizko bibliografia

-Cussó F, López C y Villar R. Física de los procesos biológicos. 1ª ed. Editorial Ariel. 2004.

-Villar R, López C y Cussó F. Fundamentos físicos de los procesos biológicos. Volumen 2 y 3. 1ª ed. Editorial ECU. 2013

-Frumento AS. Biofísica. 3ª ed. Editorial Mosby/Doyma Libros. 1995

-Silverthorn DU. Fisiología Humana Integrada. 6. Ed. Panamericana, 2014.

-Feduchi E, Blasco I, Romero CS, Yáñez E. Bioquímica. Conceptos esenciales. 2. Ed Editorial médica Panamericana. 2015.

-Herrera E, Ramos MP, Roca P, Viana M. Bioquímica Básica, Elsevier, 2014.

-Wilson and Walker's Principles and Techniques of Biochemistry and Molecular Biology, 8th Edition, Cambridge Univ. Press, 2018.

Gehiago sakontzeko bibliografia

-Guyton A, Hall JE. Tratado de Fisiología Médica. 13. Ed. Elsevier, 2016.
-Devlin T.M. Bioquímica, 4ª ed., Ed. Reverté, 2004.
-Nelson D.L., Cox M.M. Principios de Bioquímica de Lehninger, 7ª ed., Omega, 2018.
-Salway J.G. Metabolism at a glance, 3. Ed., Wiley-Blackwell, 2004.