Energia aurreztea eta erginkortasuna, energia berriztagarrietan oinarritutako eredu energetiko berri baterako oinarri garrantzitsuak dira. Erregai fosiletatik lortutako energia garestitzen den einean, eta dentsitate baxuko energia berriztagarriak gero eta gehiago erabiltzen direnean, bai industria, baita eraikinen kontsumo energetikoaren murriztea nahitaezkoak bihurtuko dira. Ikasgai honetan, erabilera desberdinen kontsumo energetikoaren azterketarekin lotutako kontzeptuak lantzen dira, eta prozesuen kontsumo energetikoa murrizteko eta eraginkortasuna hobetzeko eskuragarri daudeneko proposamenak aurkezten dira.

Ikasgaiak modu teoriko-praktiko batez, industria eta etxebizitzako efizientzia energetikoko gaiak lantzen ditu. Zehazki, konpetentzia hauek landuko dira:

* Efizientzia energetikoko oinarrizko ezagutza garatu, aplikazio eta neurri eraginkorrenekin bat

* Metodologia zientifikoarekin loturik dagoeneko ezagutza prozedimentala zentsuz erabiltzea, teknologia hauekin loturik daudeneko arazoen ebazpenean, instalazioen tipologia eta erabilera parametro optimoak aukeratzeko unean

* G012. Metodologia zientifikoaren estrategiak aplikatzea: arazoa sortzen duen egoera kualitatiboki eta kuantitatiboki aztertzea, eta hipotesiak eta irtenbideak proposatzea Energia Berriztagarrien Ingeniaritzako ereduak erabiliz.

0. Atala - Sarrera

1. Kontzeptu orokorrak eta eraginkortasun energetikoaren ebaluazioa



1. Atala - Industria

1. Isolamenduen hobekuntza

2. Bero berreskurapena

3. Kogenerazioa



2. Atala - Eraikuntza

1. Eraginkortasun energetikoa eraikinetan. Sarrera

2. Eraikinen Kode Teknikoa (EKT) energiaren arloan

3. Kalkulu termikoak eraikinetan

4. Eraginkortasun energetikoa inguratzailean eta aireztapenean

5. Eraginkortasun energetikoa beroketa eta UBSko instalazio termikoetan

Klase magistralak instalazio zehatzen analisian oinarrituko dira, hauen oinarrizko funtsekin bat, ikuspegi teoriko-praktiko batekin.

Gelako praktiketan, taldeko lanean arituko gara. Taldeko lan hauek benetako kasuetan oinarrituko dira, efizientzia energetikoko neurriak aztertzeko.

Mintegiak, taldeko lanen garapena partekatzeko erabiliko dira.

Ordenadore praktiketan, efizientzia energetikoko neurrien kalkuluak errazteko erabiltzen direneko programak erabiltzen ikasiko dugu.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 40
  • alde lanak (arazoen ebazpenak, proiektuen diseinuak) (%): 60

Garatu beharreko azterketa idatzia: Atal honen pisua amaierako notan %40koa izango da. Ikasgaia gainditzeko azterketa hau gainditu beharko da.

Taldeko lanak: kurtsoan zehar, gelako praktiketan, ikasleek efizientzia energetikoko neurrien proposamen eta kalkuluetako lanak garatuko dituzte, bai industrian, baita eraikuntzan ere. Talde bakoitzak bi lan garatuko ditu. Atal honen pisua amaierako notan %60 izango da, %30a lan bakoitzeko. Derrigorrezkoak izango dira bi lanak.



AMAIERAKO NOTA: GARATU BEHARREKO AZTERKETA IDATZIA (%40) + TALDEKO LANAK (%60)



*Ikasgaia gainditzeko, garatu beharreko azterketa idatzian gutxienez %35 lortu beharko da. Lortu beharreko nota minimoa lortzen ez bada, azterketako nota agertuko da aktetan.



OHARRA: Graduko eta lehenengo eta bigarren zikloko Ikasketen gestiorako araudia, 2016/17, 43. artikuluaren arabera, ikasleari, justifikatutako arrazoiengatik ezin bazaio egin ebaluazio mistoa, bukaerako proba bakarra egingo zaio, non irakasgaiko alderdi praktikoa ere ebaluatuko den. Horretarako, eskaria irakasgaiko irakasleari egin beharko dio idatzi arrazoitu baten bidez eta irakasgaiaren ebaluazio data baino hilabete bat lehenago gutxienez. Kasu honetan, ikaslea azkeneko azterketa bakarrarekin ebaluatua izango da, alderdi praktikoa ere izango duena. Proba horrek, irakasgaiko notaren %100 balioko du.



Araudi horretako 39. artikuluaren arabera, horrez gain, ikasleek aukera izango dute deialdiari uko egiteko. Horretarako, eskaria irakas­gaiko irakasleari egin beharko diote idatzi bidez eta irakasgaiaren irakaskuntza epe data amaitu baino hilabete bat lehenago gutxienez, irakasgaiaren ikasketen gidaliburuan hala agertuko dena.



Ikaslea ez bada idatzizko probara aurkezten, edozein deialditan, deialdiari uko egin diola ulertuko da eta «Aurkezteke» jarriko zaio.

Ez-ohiko deialdian ikasleak ikasgaia gainditzeko ohiko deialdiko irizpide berdinak jarraitu behar ditu. Ebaluazio mistoaren kasuan (justifikaziorik ez dagoenean, lehenetsitakoa dena), azterketa idatziaren nota edota taldeko lanen nota gorde dezake baldintza hauetan:



* Azterketa idatziaren nota 3.5/10 baino gehiago denean

* Taldeko lana gaindituta dagoenean (nota 5.0/10 baino gehiago)



Lana gaindituta ez badauka, ikasleak idatzizko azterketaren bezperararte eukiko du lana berregiteko eta irakasleari aurkezteko, irakasleak berriz ere ebaluatu dezan.

Ez dago derrigorrez erabili beharreko materialik. Kurtsoan zehar irakaselak egela plataformara klaseko apunteak igoko ditu, eta interesgarria deneko laguntza material osoa.

Oinarrizko bibliografia

* CE3X-en manuala

* Eficiencia energética en edificios. Certificación y auditorías energéticas. Francisco Javier Rey; Eloy Velasco.

Gehiago sakontzeko bibliografia

* Handbook of Energy Efficiency and Renewable Energy. CRC Press. 2007 D. YOGI; KREITH, FRANK. GOSWAMI (2007)
* Energy Efficiency in Industry (Eur) de J.SIRCHIS y J. Sirchis.

Aldizkariak

* Applied Energy (Elsevier)
* Energy and Buildings (Elsevier)
* Energy Conversion and Management (Elsevier)

Web helbideak

* www.idae.es
* http://apps1.eere.energy.gov/buildings/energyplus