Gaitasunak bere bizitza profesionalerako baliagarriak izango zaizkion hainbat lan zehatz egiteko ikaslearen trebetasunak dira. Irakasgaiak Ingeniaritzako ikasleari eskaintzen dizkion gaitasunak esparru orokorrekoak dira, eta oro har, ez dira gaitasun profesional zehatzekin lotuta egongo.

Segidan aipatzen dira ikasleak lortu behar dituen gaitasunak irakasgaia egin eta gero. Gaitasunak hiru mailatan sailkatu dira:

Gaitasun orokorrak

1. Fisika eta matematikako ezagutzak aplikatu ingeniaritzaren arloko problemak ebaztean.

2. Ingeniaritzaren teknika eta tresna berriei egokitzea.

3. Esperimentuak diseinatu eta egiteko trebetasuna garatu, eta baita emaitzak analizatzeko ere.

Zeharkako gaitasunak

1. Modu azkar eta eraginkorrean ikasteko gaitasuna izatea.

2. Taldean lan egiten ikasi eta taldeak lortutako emaitzak modu koherente eta laburrean komunikatzeko trebetasuna izatea.

3. Esleitutako lana egiteko orduan autonomia eta independentzia izatea.



Gaitasun espezifikoak

1. Zuzen interpretatu prozesu naturalak deskribatzeko Mekanikaren oinarrizko teoriak .

2. Behar bezala identifikatu egoera fisiko ezberdinak izan arren antzeko puntuak ere badituztenak, problema berriei lehendik ezagutzen ditugun ebazpideak aplikatzeko.

3. Banaka nahiz taldean, problemak ebatzi eta emaitzak analizatu, horien magnitude maila ondo zenbatetsiz.

4. Banaka nahiz taldean, laborategian lortutako datu esperimentalak deskribatu, analizatu eta kritikoki ebaluatu.

5. Edonolako neurketa zein kalkulu fisikoren ziurgabetasuna zenbatesten jakin, eta datu esperimentalak tratatzen jakin haien artean eragin-ondorio erlazio kuantitatiboak lortzeko, betiere irakasgaiaren arloan.

Eduki teorikoak

1. Gaia. Sarrera

2. Gaia. Kalkulu bektoriala

3. Gaia. Partikularen zinematika

4. Gaia. Higidura erlatiboa

5. Gaia. Mekanika klasikoaren oinarriak

6. Gaia. Partikularen dinamika orokorra

7. Gaia. Higidura oszilakorra

8. Gaia. Partikula-sistemen dinamika

9. Gaia. Uhin-higidura

Eduki praktikoak (Laborategiko praktikak)

1. Erroreak eta neurketaren teoria

2. Pendulu sinplea

3. Pendulu balistikoa

4. Erorketa librea

5. Hooken legea

Irakasgai honetan erabilitako metodologia erabat aktiboa da eta honako elementuez osatuta dago:

1. Eskola magistralak:

Irakasleak ikasleari lagunduko dio ematen zaion informazio garrantzitsuena egituratzen (gai bakoitzaren laburpena antolatzeko, adibidez). Halaber, orientatu egingo du informazio gehigarria, edo eskolan emandakoaz bestelako ikuspegi bat eskainiko diona, non aurki dezakeen azalduz (bereziki landuko da interneten aurki daitekeen bibliografia eta bestelako errekurtsoen erabilera)

2. Problemen ebazpena:

Irakasleak irakasgaiaren ulermenerako interesgarriak diren problemak proposatuko dizkie ikasleei, ikasleek etxean egin ditzaten. Zalantzak arbelean argituko ditu irakasleak.

3. Laborategiko praktikak:

Ikasleek laborategiko praktikak egingo dituzte, taldeka, horretarako esleitutako denboran. Ikasleei gidoi bat emango zaie egin beharreko praktika bakoitzarentzat, bertan, praktika planteatzeaz gain, zein urratsi jarraitu beharko dieten ere azalduko zaie, arrazoizko denbora baten bukatu ahal dezaten; izan ere, praktikak hiru bat ordutan erabat bukatzeko pentsatuta daude. Gidoiek sarrera teoriko bat ere izango dute, erabili beharreko oinarrizko kontzeptuak azalduz.

4. Azterketak eta galdetegiak:

Horien barruan kontuan hartzen dira idatzizko proba, bera, egitea zein ikasleak hura gertatzeko egin behar duen ahalegina.

5. Tutoretza:

Tutoretza lana ohiko moduan uler daiteke, ikaslea, bakarka edo talde txikian, irakaslearen bulegora joaten denekoa, zein modu orokorragoan, on-line egin daitezkeenak ere kontuan hartuz, hauek ere bakarka nahiz zenbait ikaslerekin batera egin daitezkeelarik. Jakina, ikasleak berak nahi duenean etorri ahal izango du tutoretza eske, betiere horretarako zehaztutako ordutegiaren barruan.

6. Hezkuntzarako plataforma birtualak (CMS, ingelesezko Content Management System):

Sistema hauek ikastaroaren garapenerako garrantzizkoak diren edukien kudeaketa ahalbidetzen dute, hala nola:

• Problemen enuntziatuak eta problema ebatziak argitaratzea.

• Beste urte batzuetako azterketa ebatziak argitaratzea.

• Gaien laburpenak eta eskemak, eta bestelako material interesgarriak argitaratzea.

• Ikasleekin chatak egitea zalantzak argitu edo aholkatze lanak egiteko denbora errealean (aurreko atalean aipatutako on-line tutoretzak)

• Eztabaida foroak sortzea, ideia, galde-erantzunak eta bestelako iruzkinen trukaketa ahalbidetzeko ikasleen artean zein ikasleak eta irakaslearen artean.

Ikasturte honetan erabiliko den plataforma birtuala eGela izenekoa da: https://egela.ehu.eus/.

Ebaluazio jarraitu eredua erabiliko da, segidan eta 3. koadroan aipatzen diren ebaluazio tresnak erabiliz:

1. Problemen- ebazpena:

Ikasleak 1, 2 eta 3 gaitasunak lortu dituen edo ez jakiteko ikasturtean zehar hiru galdetegi egingo dira. Galdetegi bakoitzak 75 minutuko iraupena izango du eta puntuazio maximoa 10. Hiru galdetegietatik bitan (horietariko bat azkena), behintzat, 3 puntu baino gehiago lortu behar dira, batezbestekoa kalkulatzeko. Lortutako batezbesteko nota hori %80ko pisua izango du irakasgaiaren azken notan. Baldintza hau betetzen ez bada (hau da bi galdetegietan, behintzat, 3 baino gehiago lortzen ez bada), ohiko deialdia ez gainditutzat hartuko da eta ikasleak irakasgaia gainditzeko ez-ohiko deialdira aurkeztu beharko du bere burua.





Aldez aurreko azterketa egitea posible ez bada, galdetegia on-line froga bat izango da eta e-gelaren bitartez egingo da. Hau da, ikasleek, Eskolako egutegian aurreikusitako data eta orduan ataza bat jasoko dute e-gelan eta erantzuna eskaneatuz edo argazki baten bidez igo beharko dute.



2. Laborategi txostenak:

Ikasleak laborategian eginiko lanari ateratzen dion etekina neurtzeko erabiliko dira. Azken kalifikazioaren % 10 emango dute. Ekarpen hori ikasturtean entregatutako txostenen noten batez bestekoa izango da.



3. Entregagarriak:

Ikasturtean zehar problemak, ariketak, "Socrative" moduko galdetegiak edo proiektuak egitea eskatuko zaizkie ikasleei. Lan horiek azken kalifikazioaren % 10 emango du.



4. Idatzizko azken azterketa

UPV/EHUk ezarritako epean eskaera egiten duten ikasleek (hots, ebaluazio jarraituari uko egiten dioten ikasleek), bost gaitasun espezifikoak ebaluatuko duen azken azterketa batera aurkeztu ahal izango dute. Nolanahi ere, ezinbestekoa izango da 4 eta 5 gaitasunak lortzea beste gaitasunak ebaluatuak izan daitezen. Azken azterketa honetan laborategiko notak %10 balioko du eta gainontzeko gaitasunak %90a.

Aldez aurreko azterketak egitea posible ez bada, aztreketak on-line froga bat izango dira eta e-gelaren bitartez egingo dira. Hau da, ikasleek, Eskolako egutegian aurreikusitako data eta orduan ataza bat jasoko dute e-gelan eta erantzuna eskaneatuz edo argazki baten bidez igo beharko dute.

Apunteak
1. E. Apiñaniz et al., Fisika, Bilboko Ingeniaritza Goi Eskola Teknikoko argitalpen zerbitzua, 2015.
2. E. Apiñaniz et al., Fisika Aurreratua, Bilboko Ingeniaritza Goi Eskola Teknikoko argitalpen zerbitzua, 2015.
3. I. Aramburu et al., Fisika Aplikatua I Saila: Fisikako laborategiko praktiken gidoiak, Fisika Aurreratua. Bilboko Ingeniaritza Goi Eskola Teknikoko argitalpen zerbitzua, 2015.*
4. I. Aramburu et al., Fisika Aplikatua I Saila: Fisikako: Azterketa eta galde-sorten enuntziatuak, Bilboko Ingeniaritza Goi Eskola Teknikoko argitalpen zerbitzua, 2015.*

Oinarrizko bibliografia

Liburuak

5. M. Alonso y E. J. Finn, Física, Addison-Wesley Iberoamericana, 2001.

6. M. Alonso y E. J. Finn, Física (3 ale), Addison-Wesley Iberoamericana, 2001.

7. S. Burbano, E. Burbano y C. García Muñóz, Física General, Mira editores, 1993.

8. R. P. Feynman, R. B. Leighton y M. Sands, Física (3 ale), Addison-Wesley, 1987.

Gehiago sakontzeko bibliografia

9. F. Sears, M. W. Zemansky, H. D. Young y R. A. Freedman, Física Universitaria (2 ale), Pearson Education, 2004.
10. P. Tipler y G. Mosca, Física para la Ciencia y la Tecnología (2 ale), Reverté, 2005.
11. W. E. Gettys, F. J. Keller y M. J. Skove, Fisicá para Ingeniería y Ciencias, McGraw-Hill, 2005.
12. S. Burbano, E. Burbano y C. Gracia, Problemas de Física, Tébar, 2004.
13. J. Aguilar y F. Senent, Cuestiones de Física, Reverté, 1990.

Aldizkariak

Dibulgazio-aldizkariak
14. Invesigación y Ciencia. Edición española de Scientific American, Prensa Científica.
15. Mundo Científico, Versión en castellano de La Recherche, Fontalba.
16. Revista Española de Física, Real Sociedad Española de Física.
17. Physics Today, American Institute of Physics, http://physicstoday.com
18. The New Scientist online, http://www.newscientist.com
Didaktikaren inguruko aldizkariak
19. American Journal of Physics, American Institute of Physics, http://scitation.aip.org/ajp/
20. European Journal Of Physics, IOP Publishing Ltd, http://www.iop.org/EJ/journal/EJP
21. Physics Education, IOP Publishing Ltd, http://www.iop.org/EJ/journal/PhysEd
22. The Physics Tescher, American Association of Physics Teachers, http://scitation.aip.org/tpt/
23. Revista Española de Física, Real Sociedad Española de Física.