GAITASUN ESPEZIFIKOAK



-Sorburu-hizkuntzako (SH) testuak aztertzeko eta egoki interpretatzeko gaitasuna (M04CM02).

Ikaskuntza-emaitzak:

• Sorburu testuak dagokien komunikazio eta kultura testuinguruan egoki kokatzen ditu.

• Egokitzapena behar duten edo itzulpen arazoak sor ditzaketen elementuak antzematen ditu sorburu testuetan.

• Sorburu testuetako ezaugarri estilistikoak eta horien funtzio eta eraginak antzematen ditu.



-Itzulpeneko bi hizkuntzen eta haien kulturen eta konbentzio testual eta komunikatiboen ezagutza kontrastiboa M04CM01

Ikaskuntza-emaitzak:

• Testu bakoitzari dagozkion konbentzio testual eta komunikatiboak errespetatzen ditu sortzen dituen xede testuetan.

• Xede kulturan funtzionalak diren testuak sortzen ditu.

• Sorburu testuaren esanahiarekin eta estiloarekin bat datozen xede testuak sortzen ditu.



-Itzulpenerako laguntzak, baliabideak eta teknikak ongi erabiltzeko gaitasuna (G005, G007, G008).

Ikaskuntza-emaitzak:

• Frantsesa-euskara hizkuntza konbinaziorako egokiak diren baliabideak erabiltzen ditu bere itzulpenetan.



-Informazioa bilatu, eskuratu eta prozesatzeko gaitasuna (M04CM05).

Ikaskuntza-emaitzak:

• Itzulpengintzari buruzko testuetatik abiatuta, egungo itzulpen jardunerako eztabaida gaiak planteatzen ditu.



-Norberaren itzulpen-lana kritikatzeko eta ebaluatzeko gaitasuna (M04CM07).

Ikaskuntza-emaitzak:

• Egindako itzulpenen iruzkin kritikoa egiten du.

• Hobetu beharreko alorrak identifikatzen ditu, jorratutako testuen zuzenketa orokorretik abiatuta.



ZEHARKAKO GAITASUNAK



Bakarka zein taldean lan egiteko gaitasuna, erabakiak hartzekoa eta proiektuak kudeatzekoa (G007).

Ikaskuntza-emaitzak:

• Egoki antolatzen ditu atazak eta epeak, taldean garatu beharreko proiektuetan.

• Epe luzeko banakako proiektuak egoki planifikatzen ditu, ezarritako baldintzei eta epeei erantzuteko.



Ikaskuntza autonomoa, analisirako eta sintesirako gaitasuna eta ezagutzak praktikan jartzeko gaitasuna (G008).

Ikaskuntza-emaitzak:

• Irakurgai berezituetan eta norberaren hausnarketan oinarriturik, itzulpen jardunari buruzko eztabaidagaiak proposaten ditu taldean.

• Eskolan landutako testuen itzulpen prozesuari buruzko gogoeta egiten du, eta idatziz jasotzen du.

• Testuen azterketa eta tipologia.

• Itzulpenerako baliabideak, teknikak eta estrategiak.

• Itzulpenerako dokumentazioa.

• Lan hizkuntza bien berezitasunak, eta horien arteko aldeak.

• Itzulpenen kritika eta ebaluazioa; jatorrizkoarekiko erkaketa.

• Itzulpenen zuzenketa eta autozuzenketa.



Aipatutako edukiak itzulpen errealen bitartez landuko dira. Erabiliko diren itzulgaiak ez dira espezializatuak izango, eta zailtasun maila txikia izango da. Testuen tipologiari dagokionez, askotarikoa izango da.

Irakaskuntza presentziala izango da irakasgai honetan, beraz, nahitaezkoa da eskola saioetara joatea. Horrez gain, ikasleek zenbait lan egin beharko dituzte eskoletatik kanpo. Irakasgaia jarraitzeko beharrezkoak diren argibide, material eta jarraibide guztiak e-Gela plataformaren bitartez zabalduko dira.



Eskola saioak praktikoak izango dira, eta ezinbestekoa da ikasleek parte hartzea eztabaidetan, taldeko erabakietan etab. Ikasturtean zehar, bakarka burutu beharreko atazak eta taldean landu beharrekoak egongo dira.



Irakasgai honetako jardun nagusia itzulpenak egitea izango da: tipologia askotariko frantsesezko testu orokorrak euskaratu, itzulpen aukerak eztabaidatu eta itzulpenak zuzendu. Ikasleek etxean itzuli beharko dituzte testuok, eta eskola saioetan aztertu eta zuzenduko dira.



Itzulpen lan horiez gain, itzulpengintzari buruzko eztabaidak egingo dira taldean, eta ikasle guztiek ahozko aurkezpen bat egin beharko dute.

Ebaluazio sistema aipatu diren helburu eta gaitasunak neurtzeko pentsaturik dago, eta ebaluazio jarraitua izango da.



Salbuespen gisara, azken ebaluazioa aukeratu ahal izango dute ikasleek, baldin eta arautegian horretarako ezarrita dauden baldintzak betetzen badituzte. Kasu horietan, bi ataza egin beharko dira irakasgaia gainditzeko. Lehena itzulpen komentatu bat izango da, azterketarako finkatzen den eguna izango da lan hori entregatzeko azken eguna. Azterketarako ezarritako egunean idatzizko proba bat egin beharko dute ikasleek: frantsesezko testu euskaratu (irakasgaian zehar landutakoen zailtasun maila berekoa), paperezko hiztegiak erabilita.

Atazetako bakoitza azken notaren % 50 izango da, baina bi-bietan lortu behar dira gutxienik 5 puntu (10etik) irakasgaia gainditzeko.



Azken proba ordenagailuz egingo da, eta sareko hiztegiak kontsultatu ahal izango dira.



Ebaluazio sistema hori aukeratu nahi izanez gero, ikasleak irakasleari jakinarazi beharko dio ikasgaiaren lehen 10 asteen barruan.

- Le trésor de la langue française informatisé http://atilf.atilf.fr/
- Nola erran www.nolaerran.org
- Euskalbar https://addons.mozilla.org/es/firefox/addon/euskalbar/

Oinarrizko bibliografia

- ALBERDI, X. eta I.SARASOLA. 2001. Euskal Estilo Libururantz. Bilbo: EHU.

- BERRIA. 2013. Estilo liburua. Andoain: Euskal Editorea.

- EUSKALTZAINDIA. 1985-2005. Euskal Gramatika. Lehen Urratsak I-VII. Euskaltzaindia eta Nafarroako Gobernua: Bilbo eta Iruñea.

- EUSKALTZAINDIA. 1992-2007. Euskaltzaindiaren arauak. [http://www.euskaltzaindia.net/arauak]

- GARZIA, J. 1997. Joskera lantegi. IVAP-HAEE: Donostia.

- GARZIA, J. 2005. Kalko okerrak. Vitoria-Gasteiz: Eusko Jaurlaritza.

- GARZIA, J. 2014. Puntuazioa egoki erabiltzeko gida: oinarriak, jarraibideak eta aholkuak, Vitoria-Gasteiz: Eusko Jaurlaritza.

- HURTADO ALBIR, A. 2001. Traducción y Traductología. Introducción a la Traductología. Madril: Cátedra.

- MUJIKA, A. 2008. LETRA LARRIAK erabiltzeko irizpideak. Vitoria-Gasteiz: Eusko Jaurlaritza.

- PETRIRENA, P. 2011. Morfosintaxiaren inguruko zalantzak eta argibideak. Vitoria-Gasteiz: Eusko Jaurlaritza.

- ZUBIMENDI, J.R. 2004. Ortotipografia. Vitoria-Gasteiz: Eusko Jaurlaritza.

- ZUBIRI, I. eta E. ZUBIRI. 1995. Euskal Gramatika Osoa. Bilbo: Didaktiker.

Gehiago sakontzeko bibliografia

-BRUNETTI, M., RAJAUD, V., Traduire. Initiation à la pratique de la traduction, Paris, Nathan, coll. Fac., 2001.
-CERQUIGLINI, B., CORBEIL, J.-C., KLINKENBERG, J.-M., PEETERS, B., Le français dans tous ses états, Paris, Flammarion, 2000.
-CHARAUDEAU, P., Grammaire du sens et de l’expression, Paris, Hachette, 1992.
-GARCÍA-PELAYO, Dictionnaire français-espagnol, espagnol-français, Paris, Larousse, 1993.
-GRELLET, F., Apprendre à traduire (Typologie d'exercices de traduction), Nancy, Presses Universitaires de Nancy, coll. Outils et Méthodes, 1991.

DATU-BASEA ELEANITZAK
- IATE (InterActive Terminology for Europe) https://iate.europa.eu/home
- Conseil International de Langue Française (CILF) http://www.cilf.fr/unepage-terminologie-terminologie-1-1-0-1.html

Aldizkariak

- SENEZ https://eizie.eus/eu/argitalpenak/senez
- META: Journal des traducteurs http://www.erudit.org/revue/meta/2011/v56/n2/index.html
- ITZULPEN ALDIZKARIEN ZERRENDA https://eizie.eus/eu/baliabideak/aldizkariak