Automobilgintzarako Materialak delako irakasgaiaren helburua da Ingeniaritza arloan erabiltzen diren materialak, transformazio prozedurak eta aplikazioak aztertzea.



Kokapena ikasketa-planean.

Lehenengo kurtsoko lau hilabeteko irakasgai hau bigarren lauhilekoan irakasten da.



Lanbile-profilaren egokitasuna.

Materialen Zientziarekin erlazionatutako trebetasun eta ezagueren eskuratzea ezinbestekoa da profesional batek bere lana Automobilgintza arloan garatzeko.



Materialen propietateak eta materialetan aplikatutako trataerak balioztatzeko, izango den teknikariak materialak arlo industrialean balioztatzeko eta hautatzeko trebetasun eta ezaguerak eduki behar ditu.



Beste irakasgaiekiko erlazioa. Aldez aurreko baldintzak eta gomendioak.

Ikasleak irakasgaiaren garapen egokia izateko, oinarrizko irakasgaiak egitea beharrezkoa da, Matematikak, Fisika eta Kimika, batik bat.

Irakasgaiaren gaitasun espezifikoak:



CE 1. Materialen zientzia, teknologia eta kimikaren oinarriak ulertzea, Automobilgintza arloan aplikatzeko asmoz.

CE 2. Mikroegitura, sintesi edo prozesatze eta materialen propietateen arteko erlazioa ulertzea.



Zeharkako gaitasunak:



CT1. Jarrera arduratsua hartzea, lanean ordenatuta eta ikasteko prest, bizibideak eskatuko duen heziketa jarraituaren beharra kontuan hartuz.



CT2. Metodologia zientifikoaren berezko estrategiak aplikatzea: egoera problematikoa era kualitatibo eta kuantitatiboan analizatzea; hipotesiak eta konponbideak planteatzea, Ingeniaritzaren berezko ereduak erabiliz.



CT3. Taldean era eraginkor batean lan egitea, ahalmenak eta ezaguerak elkartuz, irakasgai teknologikoaren berezko lanen garapenean erabakiak hartu ahal izateko.



Ikasketa emaitzak:



1. Irakasgaiaren espezifikoa den terminologia egokitasunez erabiltzea, Materialen Zientziaren funtsezko oinarriak adieraziz ahozko hizkuntza eta adierazpen matematiko eta grafiko egokien erabileraren bitartez.



2. Material mota nagusiak bereiztea, beraien ezaugarriak eta erabilerak erlazionatuz.



3. Materialen barneko egitura eta beraien berezko ezaugarri fisiko-kimiko eta mekanikoak lotzea, material bakoitzaren funtzio praktikoan ezaugarri hauek duten eragina ezarriz.



4. Materialen oreka egoeraren kontzeptua erabiltzea; nola trataera mekaniko edo termiko batek egoera hori alda dezakeen arrazoitzea eta, ondorioz, nola aldatzen diren materialaren ezaugarriak.



5. Materialen Zientziaren eremuan jarritako zereginetan lankidetzako lana aplikatzea, zereginei taldearengan ekinez eta gainontzeko taldekideek emandako ideiak analizatuz eta eztabaidatuz.

1. Egiturazko Materialak: deskribapena eta propietateak.

2. Burdinazko material metalikoak: altzairu eta burdinurtuak.

3. Ez-burdinazko material metalikoak: aluminio, titanio eta alezaio bereziak.

4. Material polimerikoak: plastikoak, ehun-zuntzak, pinturak eta itsasgarraik

5. Material zeramikoak.

6. Material konposatuak.

Aurkezpen audiobisualak erabiliz, materia gelan irakatsiko da. Ikasleak apunteak eta gehigarriko informazioa eskura izango ditu gela birtualetan.



Informazio teorikoa finkatzeko, klasean adibide teoriko-praktikoak garatuko ditu irakasleak. Adibide gehiago proposatuko dira ikasleek egiteko eta klasean zuzentzeko.



Ikasleek taldeka lan bat aurkeztu behar dute. Lanen edukiera eta eskema irakasleak definituko ditu.



Laborategiko praktiketan, irakasleak aurkeztuko ditu helburua, ekipoak eta prozedura operatiboak praktika bakoitzeko, aurkezpen audiobisualak erabiliz. Jarraian ikasleek praktika garatzen dute laborategian, irakaslearen aurrean. Praktikak amaituta, ikasle bakoitzak laborategiko txosten bat aurkeztu behar du, laborategian eginiko prozedurak eta lortutako emaitzak azalduz. Txostena aurkezteko epea irakasleak adieraziko du. Epez kanpo ez du txostenik jasoko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 30
  • Praktikak egitea (ariketak, kasuak edo buruketak) (%): 30
  • alde lanak (arazoen ebazpenak, proiektuen diseinuak) (%): 40

Irakasgaiaren nota honela kalkulatzen da:



Nota = (0,3) x Laborategiko nota + (0,3) x Azterketako nota + (0,4) Talde-lana



Nota kalkulatzeko beharrezkoa da azterketako nota 5.0 edo handiagoa izatea. Kontrako kasuan, irakasgaiaren nota azterketako nota baino ez da izango, hots, ez gaindituta, nahiz eta beste zatiak gainditu. Beste zatien notaren bat 5.0 baino handiagoa izanez gero, nota hori gordeko da hurrengo deialdietarako.



Azterketako nota lortzeko, ikasleak bi azterketa partzial egiteko aukera izango du (bata kurtsoaren erdian, bestea lauhilekoaren amaieran). Kasu honetan nota bion batez bestekoa izango da. Partzialak egin beharrean, azterketa final bakar bat egin daiteke, lauhilekoaren amaieran.



Laborategiko nota lortzeko praktika guztiak egitea eta laborategiko txosten bat aurkeztea derrigorrezkoa da.



Ikasleak azterketa teorikoa egin ezean (partzialak edo azterketa finalak eginez), laborategiko txostena aurkeztu ezean edo talde-lana aurkeztu ezean, ez aurkeztutako ikasletzat hartuko da, deialdia kontsumitu gabe. Egoera honetan, nota finala lortzeko behar den zatiren bat gaindituz gero (teoria, laborategia, talde-lanak), nota hori gordeko da hurrengo deialdietan erabiltzeko.



Irakasgaia gainditzeko nota finalak 5.0 edo hori baino handiagoa izan behar du, aplikatutako ehunekoak kontuan hartuz: azterketa (% 30), laborategiko txostena (% 30) eta talde-lana (% 40).



UKO EGITEA



Ikasleak etengabeko ebaluazio edo ebaluazio mistoari uko egiteko aukera du. Kasu horretan azken ebaluazioa egingo du, nahiz eta etengabeko ebaluazioaren parte hartu izan duen (Graduko Titulazio Ofizialetako Ikasleen Ebaluaziorako Arautegiaren 8.3 artikulua)



Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan, ikastegiko eskola egutegian zehaztutakoarekin bat lauhilekoa hasten denetik kontatzen hasita.



Azken ebaluazioan ikasleak azterketa idatzi bat egin behar du, galdera teoriko-praktikoak erantzunez. Galdera hauetan irakasgaiaren programa eta laborategiko praktikak kontuan hartuko dira. Hauetaz gain, irakasleak proposatutako lan bat ere aurkeztu behar du.



Azken ebaluazioaren nota = (0,6) x Azterketako nota + (0,4) Lanaren nota



Irakasgaiaren ebaluazio presentziala egin ezin bada, dagozkion aldaketak egingo dira online ebaluazio bat egiteko, UPV/EHUn dauden tresna informatikoak erabiliz. Online ebaluazio horren ezaugarriak eGelan argitaratuko dira.

Nota finalaren kalkuluan ohiko deialdian erabilitako ehunekoei eusten die.



Ikasleak azterketa egin ezean edo laborategiko txostena edo talde-lana aurkeztu ezean, ez aurkeztutako ikasletzat hartzen da, deialdia kontsumitu gabe.



Irakasgaia gainditu ezean (nota finala 5.0 baino txikia izatekotan) edo ez aurkeztutako ikaslea izatekotan, gainditu diren irakasgaiaren zatien notak (klasekoa, laborategia, talde-lana) gordeko dira hurrengo deialdian erabiltzeko.



Irakasgaiaren ebaluazio presentziala egin ezin bada, dagozkion aldaketak egingo dira online ebaluazio bat egiteko, UPV/EHUn dauden tresna informatikoak erabiliz. Online ebaluazio horren ezaugarriak eGelan argitaratuko dira.

Materialen saiakuntzetarako arauak.

Oinarrizko bibliografia

1. Materialen zientzia eta ingeniaritza. Hastapenak. W.D. Callister Jr. Euskal Herriko Unibertsitateko Argitalpen Zerbitzua.



2. Fundamentos de la Ciencia e Ingeniería de los Materiales. W.F. Smith (Ed. McGraw-Hill).



3. Ciencia de Materiales. Teoría - Ensayos - Tratamientos. P. Coca Rebollero, J. Rosique Jiménez (Ediciones Pirámide S.A.).



4. Ciencia e Ingeniería de Materiales. W.D. Callister, D.G. Rethwisch. (Ed. Reverté).



5. Irakasgaiaren apunteak.

Gehiago sakontzeko bibliografia

1. Automotive Steels. Design, Metallurgy, Processing and Applications Autores: Radhakanta Rana, Shiv Brat Singh Editorial: Elsevier
2. Materials for Automobile Bodies (Second Edition)Editor: Davies, Geoffrey Editorial: Elsevier
3. Advanced Materials in Automotive Engineering Edited by: J. Rowe;Editorial: Woodhead Publishing Limited;ISBN: 978-1-84569-561-3
4. The Science and Technology of Materials in Automotive Engines;Autor: Hiroshi Yamagata;Editorial: Woodhead Publishing Limited;ISBN: 978-1-85573-970-3
5. Materiales para Ingeniería. M.F. Ashby, D.R.H. Jones (Ed. Reverté).
6. Metales y Aleaciones: su constitución, estructura, propiedades y tratamientos. R. Calvo Rodes (Ed. INTA).
7. Introducción a la metalurgia Física. S.H Avner, Ed. McGraw-Hill, Mexico, 1988.
8. Ciencia e ingeniería de materiales : metalurgia física, estructura y propiedades. J.A. Pero Sanz, Ed. Cie Dossat 2000,Madrid, 2004.

Aldizkariak

1. Metalurgia y Electricidad.
2. Fundidores.
3. Plásticos universales.
4. Journal of Materials Science.

Web helbideak

1. MATTER - Materials Science & Engineering Educational Software
http://www.matter.org.uk
2. MatWeb - Online Materials Information Resource
http://www.matweb.com
3. ASM Handbook
http://products.asminternational.org/hbk/index.jsp