Ikasgai honek makina elektrikoen ezaugarri teknikoak aztertzen ditu, makina estatikoen eta birakarien (bai sorgailu moduan baita motor moduan ere) ezaugarriak hain zuzen ere. Batez ere, transformadoreen, korronte alternoko makinen (sinkronoak eta asinkronoak) eta korronte zuzeneko makinen ezaugarri konstruktiboak eta funtzionalak ikasten dira.



'Makina elektrikoen Analisia eta Funtzionamendua' ikasgaia 'M03 - Tecnologías Específicas' moduluan sartuta dago. Tituluko 'M01 - Formación Básica' moduluan (Matematika Aplikatua eta Fisika Aplikatua arloak) sartuta dauden ikasgaiekin erlazionatutako kontzeptuak erabiltzeaz gain, 'Elektroteknian' (M02 - Komuna adar industrialean; 2. Mailan; derrigorrezkoa) hartutakoak baliatzen dira batez ere. Oinarri horietatik abiatuta, mota ezberdineko makina elektrikoen funtzionamendu-printzipioa ezartzen da, bere portaera deskribatzen da eta bere aplikazioa aztertzen da.



'Makina Elektrikoen Analisia eta Funtzionamendua' ikasgaiak hurrengo bi ikasgaietan jarraipena du: 'Teknologia Elektrikoa' (M03 - Tecnologías Específicas; 4. Mailan; derrigorrezkoa) eta 'Integración de Tecnologías de Generación en el Sistema Eléctrico' (M04 - Optatividad perteneciente a la preintensificación en 'Tecnologías Eléctrica, Electrónica y Control'; 4. maila). Ikasgai horietan potentzia-sistema elektrikoa osatzen duten instalakuntza mota ezberdinen elementu osagarri moduan kontuan hartzen dira makina elektrikoak.



'Makina Elektrikoen Analisia eta Funtzionamendua' ikasgaian eskuratzen diren gaitasunak eta ezaupideak beste ikasgai batzuetan ere aplikatzen dira, non makina elektrikoak beste ikuspuntu batetik tratatzen diren (portaera mekanikoa, fabrikazio materialak, kontrol-teknologiak, eta abar).

Ikasgai honetan garatzen den Modulu-gaitasuna:



- M03E5 Capacidad para el cálculo y diseño de las máquinas eléctricas.



Ikasgai honek garatzen duen moduluaren ikaskuntzaren emaitzak:

- Disziplina anitzeko problemak ebaztea arlo industrialean eta era egituratu batean. Horretarako, hurrengo ekintzak garatu nahi dira eskuratutako ezaupideen bidez:

o Instalakuntza industrialak diseinatzea eta ezartzea, alderdi ezberdinak kontuan hartuta

(energetikoak, mekanikoak, egiturazkoak, elektrikoak, ingurunekoak).

o Ekoizpen eta kontrol prozesuak diseinatzea eta ezartzea, alderdi ezberdinak kontuan

hartuta (energetikoak, mekanikoak, egiturazkoak, elektrikoak, ingurunekoak).



Ikasgai honetako ikaskuntzaren berariazko emaitzak moduluaren ikaskuntzaren emaitzetan adierazi diren alderdi elektrikoekin erlazionatuta daude, eta, zehazki, makina elektrikoekin erlazionatuta daudenekin:

- Elektromagnetismoaren eta makina elektrikoen egituraren oinarrizko printzipioak ezagutzen ditu, egiturazko zati bakoitza identifikatzen du eta makina elektriko mota bakoitzaren funtzionamendu-printzipioa ulertzen du, baita mota bakoitzaren eragiketa-ezaugarri nagusiak eta bere aplikazio-arloa ere.

- Gelan landutako kontzeptu teorikoak aztertzen, laburbiltzen eta aplikatzen ditu makina elektrikoei buruzko zenbakizko ariketa eta galdera praktikoak ebazteko. Lortutako emaitzak ulertzen ditu, bai bere ezaugarriak baita kantitatea ere.

- Makina elektrikoen oinarrizko saiakuntzak egiten ditu eta bere ezaugarrizko parametroak lortzen ditu. Eskuratutako emaitzak kritikoki baloratzen ditu eta txosten tekniko batean adierazten ditu era koherente eta arrazoitu batean.

Programa Teorikoa

1. GAIA: ELEKTROMAGNETISMOAREN OINARRIAK

2. GAIA: MAKINA ELEKTRIKOEN OINARRI OROKORRAK

3. GAIA: POTENTZIAKO TRANSFORMADOREA

4. GAIA: TRANSFORMADORE MAONOFASIKOEN ANALISIA

5. GAIA: TRANSFORMADORE TRIFASIKOEN ANALISIA

6. GAIA: TRANSFORMADOREEN FUNTZIONAMENDUA

7. GAIA: TRANSFORMADORE BEREZIAK

8. GAIA: MAKINA SINKRONOA

9. GAIA: SORGAILU SINKRONOEN ANALISIA

10. GAIA: SORGAILU SINKRONOEN FUNTZIONAMENDUA

11. GAIA: MOTOR SINKRONOAK

12. GAIA: MAKINA ASINKRONOA

13. GAIA: MOTOR ASINKRONO TRIFASIKOEN ANALISISA

14. GAIA: MOTOR ASINKRONO TRIFASIKOEN FUNTZIONAMENDUA

15. GAIA: MOTOR ASINKRONO MONOFASIKOAK

16. GAIA: KORRONTE ZUZENEKO MAKINAK



Programa Praktikoa

1. GAIA: SAIAKUNTZEN INSTALAZIOAK ETA SEGURTASUN-ARAUAK

2. GAIA: MAKINA ESTATIKOEN SAIAKUNTZAK

3. GAIA: MAKINA BIRAKARIEN SAIAKUNTZAK

Ikasgaiaren helburuak lortzeko, eskuratu behar diren ikaskuntzaren emaitzetan azalduta, hurrengo irakaskuntza-metodologiak konbinatzen dira:

- Klase Magistralak

- Gelako praktikak

- Mintegiak

- Laborategiko Praktikak



Aipatutako metodologia guztietan erreferentziak eta laguntza materiala eskaintzen dira ikasle bakoitzaren lan pertsonala eta ikaskuntzaren prozesuan parte hartzea sustatzeko.



Mintegietan eta Laborategiko Praktiketan taldean lan egiteko gaitasuna garatzen da.



Irakasgaiak bi bloke ditu:



- Bloke Teorikoa-A (Klase Magistralak, Gelako Praktikak eta Mintegiak).

Bi atal daude: A1 (Lehenengo Partziala, 1-7 Gaiak) eta A2 (Bigarren Partziala, 8-16 Gaiak).



- Bloke Praktikoa-B (Laborategiko Praktikak)



Kalifikazioa ebaluazio jarraituaren bitartez burutuko da, ebaluazio mistoaren aukeraren bitartez hain zuzen ere.

- Ikasturtean zehar irakasgaiaren A1 eta B atalen ebaluazio-frogak egiten dira.

- Ohiko deialdian (eta ezohiko deialdian) irakasgaiaren atal bakoitzaren (A1, A2 eta B) azterketa independenteak egiten dira.

Ebaluazio jarraituan (mistoa) oinarrituz, ikasturtean zehar atal bakoitzean lortutako azken nota indarrean dagoen ikasturteko ezohiko deialdira arte mantentzen da.



Ebaluazio jarraituari (mistoa) uko egiteko eta azken ebaluazioaren sistema aukeratzeko, uko-egite agiri bat aurkeztu beharko da (irakasgaiaren koordinatzaileari zuzenduta) irakasturtearen 19. astea bukatu baino lehen.



Azken ebaluazioaren sisteman, kalifikazioaren % 100 dagokio deialdiko (ohikoa edo ezohikoa) azterketen bitartez (A1, A2 eta B) bakar-bakarrik erabakitzen da.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Test motatako proba (%): 80
  • Laborategiko saiakuntzak eta dagozkien txostenak betetzea (%): 20

Bloke bakoitzak azken kalifikazioan duen pisua da:



- Bloke Teorikoak (A) = %80 (A1, 4 puntu arte eta A2, 4 puntu arte)

- Bloke Praktikoak (B) = %20 (B, 2 puntu arte)



Irakasgaia gainditzeko ikasgaia osatzen diren zati bakoitzean zenbakizko kalifikazioa izan behar da (A1, A2 eta B) eta bi blokeak gainditu beharra dago (A eta B). Beraz, (A1+A2) 4 puntu edo handiagoa izan behar da eta B, 1 puntu edo handiagoa.



Ohiko deialdeari uko egiteko, ohiko deialdiko data ofizialetan iragartzen diren ebaluazio-probetara ez aurkeztea nahikoa da.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Ez ohiko deialdian ikasgaiaren bi blokeak eta bloke bakoitzaren pisua mantentzen dira:



- Bloke Teorikoak (A) = %80 (A1, 4 puntu arte eta A2, 4 puntu arte)

- Bloke Praktikoak (B) = %20 (B, 2 puntu arte)



Irakasgai gainditzeko ikasgaia osatzen diren zati bakoitzean zenbakizko kalifikazioa izan behar da (A1, A2 eta B) eta bi blokeak gainditu beharra dago (A eta B). Beraz, (A1+A2) 4 puntu edo handiagoa izan behar da eta B, 1 puntu edo handiagoa.



Ez ohiko deialdeari uko egiteko, ez ohiko deialdiko data ofizialetan iragartzen diren ebaluazio-probetara ez aurkeztea nahikoa da.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Laborategiko praktiken gidoiak
Irakasleek emandako irakaskuntza-materiala

Oinarrizko bibliografia

1.- Mazón, J.; Miñambres, J.F.; Zorrozua, M.A.; Buigues, G.; Valverde, V.

"Guía de autoaprendizaje de Maquinas Eléctricas"

Pearson-Prentice Hall, 2008



2.- Mazón, J.; Miñambres, J.F.; Zorrozua, M.A.; Buigues, G.; Valverde, V.

"Makina Elektrikoak. Oinarrizko kontzeptuak eta aplikazio-ariketak"

Servicio Editorial UPV/EHU, 2012



3.- Miñambres, J.F.; Zorrozua, M.A.; Zamora, I.; Mazón, J.; Valverde V.; Buigues G,

"Laboratorio de máquinas eléctricas: Ensayos y medidas"

Servicio Editorial UPV/EHU, 2009



4.- Fraile Mora, J.

"Máquinas Eléctricas"

McGraw Hill. 2003

Gehiago sakontzeko bibliografia

1.- E. E. Staff del M.I.T.
"Circuitos Magnéticos y Transformadores"
Reverté, 2005

2.- Ras Oliva, E.
"Transformadores de Potencia, de Medida y de Protección"
Marcombo, 1998

3.- Cortés Cherta, M.
"Curso Moderno de Máquinas Eléctricas Rotativas". 5 Volúmenes
Editores Técnicos Asociados, 1994
Tomo 1: La máquina eléctrica en general
Tomo 2: Máquinas de corriente continua
Tomo 3: Máquinas de corriente alterna asíncronas
Tomo 4: Máquinas síncronas y motores c.a. de colector
Tomo 5: Las máquinas eléctricas en régimen dinámico

4.- Fitzgerald A.E., Kingsley Ch., Umans S.D..
"Máquinas Eléctricas"
McGraw Hill, 2004

Web helbideak

http://www.abb.es/
http://www.alconza.com/
http://www.ingeteam.com/
http://www.ree.es/