Elektronika Digitala irakasgaiak sistema digitalen ikasketan eta diseinuan sakontzea du helburu. Sistema digitalak konbinazionalak zein sekuentzialak izango dira. Horretarako, informazioa digitalki adierazteko modu desberdinak ikasi ondoren, zirkuitu digitalak diseinatzeko eta aztertzeko gaitasuna garatuko da.



Zirkuitu digitalei dagokienez, logika kableatuan eta logika programagarrian oinarritutako teknikak landuko dira. Azken horretarako, hardwarea deskribatzeko lengoaiak sartuko dira, bereziki VHDL deitutakoa, eta dagokien inplementazioa egingo da gailu logiko programagarrietan -FPGA direlakoetan hain zuzen-. Era berean, mikroprozesadorean oinarritutako sistemak, arkitektura eta sistema horien memoria digitalak aurkeztuko dira.



Irakasgai hau hainbat industria arloren garapena oinarritzen duen oinarria da, hala nola kontrol-sistema industrialak, kontsumoko elektronika, produkzio-prozesuen automatizazioa, telekomunikazioak, etab.



Aurrebaldintzak:



Derrigorrezkoa den Elektronika Digitaleko irakasgaia oinarrizkoa da eta graduko 3.kurtsoko 1.lauhilekoan kokatzen da. Irakasgai honek, aldiz, 2.kurtsoko irakasgaietan garatutako gaitasunak behar ditu. Irakasgai hauek, zehazki, honako hauek dira:



- Industria Elektronika.

- Automatismoak eta Kontrola.



Testuingurua gainontzeko irakasgaiekin duen erlazioaren ikuspuntutik:



Irakasgai honetan Elektronika Digitaleko oinarrizko kontzeptuak lantzen direnez, dagozkion gaitasun, ezaupide eta trebetasunak kurtso bereko beste hainbat irakasgaitan aplikatzen dira:



- Sistema Elektroniko Digitalak. Elektronika Digitalari jarraipena ematen dion irakasgaia

- Industria Automatizazioa



Era berean, eta antzeko arrazoiengatik, Elektronika Digitala aldez aurretik egitea gomendagarria da hurrengo kurtsoan dauden beste irakasgai hautazko batzuetarako:



- Kontrol Digitala.

- Kontrol Teknika Aurreratuak.

Industria Elektronika Teknologia espezifikoko (TEEOI) moduluaren GAITASUNAK:



TEEOI.3. Elektronika digitalaren eta mikroprozesadoreen oinarriak eta aplikazioak ezagutzea.

TEEOI.6. Sistema elektroniko analogikoak, digitalak eta potentziakoak diseinatzeko gaitasuna. (Gehiago zehaztuz, sistema elektroniko digitalak lantzen dira).



IKASKUNTZA EMAITZAK:



1. Elektronika digitalaren aplikazioak garatzeko oinarriak eta funtsezko ezagutzak eskuratzea

2. Gehien erabiltzen diren informazioa digitalki aurkezteko sistemak ezagutzea eta horiekin lan egiteko gai izatea

3. Zirkuitu digitalen analisia egiteko, sintetizatzeko eta erroreak detektatzeko teknikak menderatzea

4. Familia logikoetako zirkuitu integratu komertzialetan nahiz diseinu propioetan oinarritutako aplikazioak garatzea

5. Sistema digital bai kableatuak bai programagarriak diseinatzeko metodologiak aplikatzea

6. Laborategian erabiltzen diren diseinu elektronikorako software-tresnak egoki erabiltzea

Edukien deskribapen laburra: Sistema digitalak, analisia eta diseinua



Gehiago zehaztuz, eduki teorikoak eta praktikoak ondorengo gai hauen bidez garatzen dira:



0.Gaia: Sarrera

1.Gaia: Zirkuitu digitalak diseinatzeko eta inplementatzeko sarrera

2.Gaia: Informazioaren aurkezpen digitala

3.Gaia: Elektronika Digitalaren oinarriak

4.Gaia: Hardwarea deskribatzeko lengoaiak

5.Gaia: Sistema logiko konbinazionalak

6.Gaia: Sistema logiko sekuentzialak

7.Gaia: Memoriak

Ikaskuntza-irakaskuntza garatzeko moduak modu espositiboa, gela iraulia eta ikaskuntza kooperatiboan oinarritutako metodologia aktiboak uztartzen ditu. Gainera, ikaskuntza proiektuetan/problemetan oinarritua (PBL/POI) izango da; horien agertokiak benetako industria-aplikazioak izango dira, eta ikasleek, elkarlanean, elektronika digitalaren eremutik beren kontrol-soluzioak proposatu eta inplementatuko dituzte.



Beharrezko gaitasunak eta trebetasunak ikasgelako eskola-orduetatik (magistralak M, gelako ariketak GA eta laborategiko praktikak GL) nahiz ikasgelaz kanpoko jardueren orduetatik eskuratuko dira.



OHAR GARRANTZITSUA:

Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei unean-unean emango zaie aldaketaren berri.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 35
  • Test motatako proba (%): 10
  • Praktikak egitea (ariketak, kasuak edo buruketak) (%): 25
  • Banakako lanak (%): 5
  • alde lanak (arazoen ebazpenak, proiektuen diseinuak) (%): 25

. EBALUAZIO JARRAITUA:



.. Bloke teoriko-praktikoa:



Eduki horiek ebaluatzeko, honako proba hauetatik lortutako emaitzak hartzen dira kontuan:

- banakako idatzizko probak, galderekin eta ariketekin (1)

- banakako test erako probak, eskola-orduetan ikasgelan aurrez aurre dauden ikasleei zuzenduak

- galdetegiak eGelan, ikasgelaz kanpoko orduetan egitekoak

(1) bloke honen nota finala kalkulatzeko, ezinbestekoa da idatzizko proba bakoitzean % 30 gainditzea



Bloke teoriko-praktikoaren kalifikazio finala honela lortzen da:

- Idatzizko probak: % 35

- Testak: % 10

- Galdetegiak: % 5



.. Laborategiko praktiken Blokea:



Eduki horiek ebaluatzeko, honako proba hauetatik lortutako emaitzak hartzen dira kontuan:

- Banakako Laborategiko proba (2)

- Planteatutako arazoari proposatutako soluzioaren proiektua: kodea, simulazioa eta inplementazioa, irakaslearen aurrean baliozkotzea, txostena eta beste zereginak

(2) bloke honen nota finala kalkulatzeko, ezinbestekoa da proba honetan gutxienez % 50 gainditzea.

Derrigorrezkoa da laborategiko praktiketara joatea eta proiektua entregatzea. Praktiketako saioetan justifikatu gabeko 2 falta edo gehiago izanez gero, ebaluazio jarraituko egiteko eskubidea galtzen da eta nahitaez ebaluazio finalera joan beharko da.



Laborategiko praktiketako zatiaren kalifikazio finala honela lortzen da:

- Banakako Laborategiko proba: % 50

- Proiektu kooperatiboa: % 50



Ohiko deialdiko ebaluazio jarraituan parte hartzen hasiz gero, “ez-aurkeztua” kalifikazio finala lortuko da indarrean dagoen araudiak ezartzen dituen baldintzak betetzen direnean.



. AZKEN EBALUAZIOA:



Ebaluazio jarraituari uko egin nahi dioten ikasleak indarrean dagoen araudiak ezartzen dituen baldintzak bete beharko ditu. Kasu horretan, gaitasunak honela ebaluatuko dira:

- Proiektu bat entregatzea eta erakustea (derrigorrezkoa) eta

- AZKEN AZTERKETA: ohiko deialdiko azterketa-aldiaren data ofizialean. Azterketa horrek 2 proba izango ditu: Galdera eta ariketa teoriko-praktikoak dituen idatzizko azterketa eta laborategiko praktiketako azterketa bat.



. IRAKASGAIA GAINDITZEKO BALDINTZA:



Irakasgaia gainditzeko, honako baldintza hauek bete behar dira:

- Eduki teoriko-praktikoaren blokea gainditzea eta

- laborategiko praktiken blokea gainditzea



. KALIFIKAZIO FINALA:



Irakasgaiaren kalifikazio finala honela lortzen da:

- Bloke teoriko-praktikoa: % 50

- Laborategiko praktiken blokea: % 50

- Soilik bloke bat gaindituz gero, gehienez 4ko (suspentso) NOTA FINALA jarriko da. Gainditutako blokeak bere horretan jarraituko du ezohiko deialdira arte.

- Bloke teoriko-praktikoan ez dira probarik liberatzen, blokea osorik gaindituta egon behar da.



. DEIALDIARI UKO EGITEKO:



Ohiko deialdiari uko egin nahi dion ikasleak indarrean dagoen araudiak ezartzen dituen baldintzak bete beharko ditu.



OHAR GARRANTZITSUA:

---------------------

Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri unean-unean emango zaie

Ezohiko deialdian, ohiko deialdian ebaluazio finala eskatzen duten ikasleei aplikatzen zaizkien ebaluazio-irizpide berak jarraituko dira.



Kasu horretan, gaitasunak honela ebaluatuko dira:

- Proiektu bat entregatzea eta erakustea (derrigorrezkoa) eta

- AZKEN AZTERKETA: ezohiko deialdiko azterketa-aldiaren data ofizialean. Azterketa horrek 2 proba izango ditu: Galdera eta ariketa teoriko-praktikoak dituen idatzizko azterketa eta laborategiko praktiketako azterketa bat.



Irakasgaia gainditzeko, beharrezkoa da:

- Bloke teoriko-praktikoaren azterketa idatzia gainditzea eta

- Laborategiko praktiken azterketa gainditzea eta

- Proiektua entregatzea eta erakustea



Irakasgaiaren kalifikazio finala honela lortzen da:

- Bloke teoriko-praktikoa (idatzizko proba): % 50

- Praktiken blokea (laborategiko praktiken proba % 50 + proiektua % 50): % 50

- Soilik bloke bat gaindituz gero, gehienez 4ko (suspentso) NOTA FINALA jarriko da



Ezohiko deialdiari uko egin nahi dion ikasleak indarrean dagoen araudiak ezartzen dituen baldintzak bete beharko ditu.



OHAR GARRANTZITSUA:

---------------------

Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie unean-unean.

- Irakasgaiaren aurkezpen digitalak, praktiketako gidoiak, material lagungarria etab. Edurne IRISARRI. Campus Birtuala/eGela plataforma/Elektronika Digitala, 2022/23

Oinarrizko bibliografia

- FLOYD T.L. Fundamentos de Sistemas Digitales. Ed. Prentice-Hall

- TOCCI R.J. Sistemas Digitales. Principios y aplicaciones. Ed. Prentice-Hall

- ÁLVAREZ RUIZ DE OJEDA, L.J. Diseño Digital con Lógica Programable, Ed. Tórculo Edicións

- LAMERES, BROCK J. Introduction To Logic Circuits & Logic Design With VHDL, Ed. Springer Nature Switzerland

- LAMERES, BROCK J. Quick Start Guide To VHDL, Ed. Springer Nature Switzerland

- F. PARDO VHDL Lenguaje para descripción y modelado de circuitos (Universidad de Valencia)

Gehiago sakontzeko bibliografia

- HAYES J. P. Introducción al Diseño Lógico Digital. Ed. Addison-Wesley
- MANDADO E. Dispositivos Lógicos Programables y sus aplicaciones. Ed. Thomson-Paraninfo
- GARCÍA ZUBÍA J. Problemas Resueltos de Electrónica Digital. Ed. Paraninfo Thomson.
- VELASCO J. Problemas de Sistemas Electrónicos Digitales. Ed. Paraninfo.
- BAENA C. Problemas de Circuitos y Sistemas Digitales. Ed. McGraw-Hill.
- ALMONACID G. Desarrollo y Aplicación de Sistemas Digitales. Ed. Paraninfo
- IEEE Standard VHDL Language Reference Manual

Aldizkariak

- Mundo Electrónico
- Elektro
- Nueva Electrónica
- Automática e Instrumentación

Web helbideak

- https://www.ti.com/logic-circuit/overview.html
- http://www.datasheetarchive.com/
- http://www.xilinx.com/
- http://www.vhdl.org/
- http://www.cypress.com/