Telekomunikazio Sare eta Zerbitzuen Arkitektura Irakasgaia:

Irakasgaiak Telematikaren sorrera zein komunikazio sistema baten oinarrizko osagaien oinarri eta ezaugarriak aztertzen ditu. Mailatan antolaturiko komunikazio arkitekturak ezartzeko beharra eta arkitektura hauekin loturiko kontzeptuak, mailen arteko elkarrekintza, eta erabilpena aztertzen ditu.



Mailaz maila, aplikazio eta protokolorik garrantzitsuenak jorratuko dira era horretan ikasleak sare baten egoera aztertu eta bere diagnosia egiteko, konexioak identifikatuko eta aplikazio, garraio, sare eta lotura mailako aplikazio eta protokoloen funtzionamendua harrapaketarako software baten bitartez lorturiko sare-traza batetik abiatuta egin ahal izateko behar diren gaitasunak eskura ditzan.



Era berean, bezeroen espezifikazioen araberako (helbide, sare edo ekipo kopurua optimizatzeko) sare

arkitekturak eta helbideratze planak diseinatzeko ezinbestekoak diren edukiak landuko dira, etab.

Bukatzeko irakasgai honetan aukera izango da telematikaren oinarrizko tresna eta aplikazioak

ezagutzeko eta erabiltzeko, aldi berean irakasgaian lantzen diren kontzeptu teorikoen ulermena

lagunduz.



Ikasgaiaren Testuingurua ikasketa planaren barruan:

Irakasgai honetan telekomunikazio sare eta zerbitzuen arkitekturekin lehen kontaktua eskaintzen da, eta berauei buruzko ikuspegi orokorra ematen zaio ikasleari. Horrela izanik, irakasgaian lantzen diren gaitasunak ezinbesteak izango direla Telematikarekin loturiko edozein lanpostutarako.



Irakasgaiaren edukiak Telekomunikazio Ingeniaritza Teknikoko Graduan lantzen diren beste irakasgaiekin lotuta daude. Zehazki, eta bereziki Telekomunikazio Sare eta Telekomunikazio Zerbitzuen curriculum-lerroetako zenbait irakasgai arrakastaz landu ahal izateko oinarriak ezartzen ditu. Irakasgaien arteko erlazio eta menpekotasun horiek honakoak izanik: batetik, Telekomunikazio Sareen curriculum-lerroko Sareen Plangintza eta Eredugintza (Telekomunikazio adarrekoa C5ean) eta Sarbide-Sareak eta Garraio-Sareak biak C6an eta Ingeniaritza Telematikoko adarreko enborrezko irakasgaiak; bestetik, Telekomukinazio Zerbitzuen curriculum-lerroko Informazio Sistemen Arkitektura (Telekomunikazio adarrekoa C6an) eta Zerbitzu Telematiko Aurreratuak (C6an hau ere eta Ingeniaritza Telematikoko adarreko enborrezkoa).

Irakasgaiaren antolamendua ikasleak jarraian zerrendatzen diren gaitasunak eskuratu ditzan diseinatu da:



TELEKOMUNIKAZIO ADARRAREN OINARRIZKOAK DIREN GAITASUNAK

-Telekomunikazio-zerbitzu eta sistemen asmakuntza, garapena edo uztiakuntza egiteko ezagutza berriak eta teknikak beregain ikasteko gaitasuna.

-Sare-arkitektura, protokolo eta komunikazio-interfaze kontzeptuen ezagutza eta erabilpena.

-Sarbide eta garraio-sareak, zirkuituen eta paketeen kommutazio-sareak, sare finko eta mugikorrak zein sistema eta aplikazio banatuak (ahots, datu, audio, bideo), zerbitzu interaktiboak eta multimedia zerbitzuak ezberdintzeko gaitasuna.

-Sareen elkarloturarako eta bideratzerako metodoen ezagutza eta trafikoaren ezaugarrien araberako sareen planifikazio eta dimentsionamendua egiteko gaitasuna.



Hala ere irakasgaiak ere zenbait oinarrizko eta gradu titulazioko gaitasunak landu edo sakontzeko aukera eskainiko du, zehazki honakoak:



OINARRIZKO GAITASUNAK

-Jakintzak lanari edo bokazioari modu profesionalean aplikatzen jakitea, eta argumentuak defendatzearen bidez eta ikasketa arloko arazoak ebaztearen bidez frogatzen diren gaitasunak izatea.

-Informazioa, ideiak, arazoak eta irtenbideak publiko espezializatuari edo ez-espezializatuari transmititzeko gai izatea.

-Etorkizunean autonomia handiko ikasketak hasteko beharrezkoak diren ikasteko gaitasunak garatuta izatea.

GRADU IKASKETEN GAITASUNAK

-Oinarrizko gaiak eta teknologiak ezagutzea, metodo eta teknologia berriak ikasteko gai izan daitezen eta egoera berrietara egokitzeko gaitasuna eskura dezaten.

-Arazoak ekimenez ebazteko, erabakiak hartzeko eta sormenerako gaitasuna, bai eta ezagutzak eta trebetasunak komunikatzeko eta helarazteko gaitasuna ere, telekomunikazioaren ingeniari teknikoaren jarduera profesionala eta erantzukizun etikoa kontuan hartuta.

-Diziplina anitzeko talde batean eta hizkuntza anitzeko ingurune batean lana egiteko gai izatea, eta telekomunikazioei eta elektronikari lotutako ideiak, emaitzak, prozedurak eta ezagutzak komunikatzeko gai izatea, ahoz eta idatziz.

1 Telekomunikazio sare eta zerbitzuen oinarriak (M + S + GL)



Zer da telekomunikazio-sare bat: osagaiak, topologiak, zerbitzuak, aplikazioak

Telekomunikazio-sareen arkitektura:

- Muturreko sistemak

- Sarbide sarea: teknologiak, lotura partekatu/dedikatu...

- Sarearen muina: Kommutazio funtzioak (zirkuito/pakete, ko/keo), multiplexazioa FDM/TDM/estatistikoa) Interneteko enborreko sareak, Internet zerbitzu hornitzaileak (ISPak)

Mailaturiko Ereduak



2 Aplikazio Maila (M + GA + GL)

Sare-aplikazioen oinarriak

Oinarrizko Aplikazioen funtzionamendua: web, fitxategien transferentzia, posta elektronikoa, izenen ebazpena, p2p aplikazioak



3 Garraio Maila (M + GA + GL)

Garraio maila eta bere zerbitzuak

Garraio ez fidagarria: UDP

Garraio fidagarria: TCP

Sare-saioen harrapaketa eta azterketa



4 Sare Maila (M + S + GA + GL)

Sare mailako funtzioak, zerbitzu-motak

Konexioan oinarrituriko zerbitzua (generikoa).

Konexioan oinarritzen ez den zerbitzua: IP. Helbideratzea, datagramak, oinarrizko jardunbideak eta jardunbide lagungarriak (ARP, ICMP, DHCP, NAT...)



5 Lotura Maila (M + S + GA + GL)

Lotura mailako funtzioak

Puntuz-puntuko loturak: errazturiko HDLC, PPP

LAN-multipunto loturak: Ethernet



6 Sareen Elkarlotura (M + S + GA + GL)

Elkarloturaren funtzioak

Elkarlotura maila fisikoan (errepikagailu, hubs), lotura mailan (bridge, switch), sare mailan (router), eta goiko mailetan (gateway)



7 Irakasgaiaren Ikuspegi Orokorra (S + GA)

Telekomunikazio sare eta zerbitzuen ikuspegi orokorra komunikazio-maila guztiak barne hartzen dituena

Irakaskuntza-Ikasketa Metodologia

Irakasgaia klase magistralak (M), Gelako praktika (GA), Mintegi (S),eta Laborategiko praktikaz (GL) osaturik dago hauen erabilpenean oinarriturik eta hurrengo puntuan jorraturiko M/S/PL argibideen arabera antolatzen dira irakasgaiak dituen 7 modulu/gaiak



Eskola-modalitate desberdinen ikasturtean zeharreko antolaketa/banaketa dela eta, ikasleek laborategi-saioak eta mintegiak bermeez lehenbailehen garatzeko beharrezko ezaguera teoriko guztiak lortu ditzaten klase magistral guztiak lehenengo lauhilabetean garatzeko erabakia hartu zen.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Praktikak egitea (ariketak, kasuak edo buruketak) (%): 5
  • Sare-ekipamenduaren erabilpenean trebatzeko taldekako laborategiko praktikak (%): 25

Irakasgaiaren azken nota 4 atal ezberdinei dagozkien noten batura izango da:

A.Mintegien ebaluazio jarraikorra: notaren %5a

B.Laborategiko praktikak: notaren %25a

C.Irakasgaiaren oinarri-oinarrizko ezagutzen minimoen frogapena %20a

D.Azterketa teoriko-praktikoak (idatzizkoak): notaren %50a



Irakasgaia gainditu ahal izateko jarraian aipatzen diren baldintzak bete beharko dira (BIAK):

-C atalean gutxienez 7 puntu (10etik) lortu beharko dira.

-4 atalen batuketa haztatuaren emaitza (A*0,05 + B*0,25 + C*0,20+D*0,5), gutxienez 5 puntu (10etik) izan beharko da

Azken bi baldintzetariko baten bat beteko ez balitza irakasgaiaren kalifikazioa "Ez Nahiko" izango da.



Jarraian atal bakoitzaren ebaluaziori buruzko zehatz mehazko informazioa duzue



A.Ebaluazio Jarraikorra: %5a

Notaren atal honetan kontuan hartzekoak izango dira mintegiekin loturiko banakako zein taldekako jardueren ebaluazioa hala nola jarduera horietan ikasleek izandako jarrera, parte-hartze eta ikasturtean zeharko bilakaera.



B.Laborategiko Praktikak: %25a

Aukeratzeko:

1) Etengabeko ebaluazioa eta derrigorrezko asistentziaz:

- Laborategiko praktikekin loturiko banakako zein bikotekako jardueren ebaluazioa (%50a).

- Praktiken multzo bakoitzaren amaieran burutuko diren banakako proba partzialen emaitzak (%50a).

2) Etengabeko ebaluaziorik eta derrigorrezko asistentziarik ez:

- Praktiken banakako probaren emaitza (%100a).

Ebaluazio mota bien artean aukeratzeko epea, praktiken hasiera datarartekoa izango da.



C.Oinarrizko Ezagutza Minimoak: %20a

Ikasleek irakasgaiaren gutxienezko ezagutzetan adituak direla frogatu behako dute banakako azterketen bidez.



D.Azterketa Idatzia: %50a

Abendu/Urtarrilean: teoria azterketa (%20a)

Maiatzean: ariketa eta galdera praktiko laburren azterketa(%30a)



DEIALDIARI UKO EGITEA:

Deialdiari uko egiten dioten ikasleek «aurkezteke» kalifikazioa jasoko dute. Etengabeko ebaluazioaren kasuan, deialdiari uko egin nahi dioten ikasleek, azken probara ez aurkeztea nahikoa izango da irakasgaiaren azken kalifikazioa "aurkezteke" izan dadin.



ETENGABEKO EBALUAZIOARI UKO EGITEA:

Ikasturtea hasi eta egutegi akademikoak arautzen duen lehenengo 18 asteko epe barruan ikasleek, hala nahi, etengabeko ebaluazioari uko egin eta azken ebaluazioa aukeratzeko eskubidea izango dute erabaki hori ikasgaiko irakasleei emailez (aukera hobetsia) jakinarazita.

Ohiz-kanpoko deialdiren ebaluazioa

Irakasgaiaren azken nota 2 atal ezberdinei dagozkien noten batura izango da:

Y.Irakasgaiaren oinarri-oinarrizko ezagutzen minimoen frogapena: notaren %20a

Z.Idatzizko Azterketa teoriko-praktikoa: irakasgaian landutako alderdi teoriko zein praktikoak ebaluatzeko (klase magistral, mintegi eta laborategiko praktiketan). Notaren %80a

Irakasgaia gainditu ahal izateko jarraian aipatzen diren baldintzak beharko dira (BIAK):

-Y atalean, gutxienez 7 puntu lortu (10etik)

-2 atalen batuketa haztatuaren emaitza (Y*0,2 + Z*0,8), gutxienez 5 puntu (10etik) izan beharko da



Ohizko deialdian ikasgaia gainditu ez duten ikasleen artean:

-C atalean 7 puntu (10etik) baino gutxiago lortu dutenak baina,

-(A*0,05 + B*0,25 + D*0,50)ren batura haztatuan 5 puntu (10etik) baino gehiago lortu dutenak, ohiz-kanpoko deialdi honetan ezagutza minimoen azterketa (Y) baino ez dute egin beharko deialdian azterketaren gainerako atalak (Z) egiteko beharrik gabe. Irakasgaiaren ohiz-kanpoko deialdiaren azken notaren kalkulua (Aohiz*0,05 + Bohiz*0,25 + Yohiz-kanpo*0,20 + Dohiz*0,50) batura haztatutik lortuko dela.

-Klaseko gardenkiak (eGela-n eskuragarri) klase magistralen probetxurako.
-Gaiz-gaiko ezagutzen barneratzea egiaztatzeko autoebaluazio galdetegiak (eGela online edo/eta pdf formatuetan eskuragarri)
-Teoria modulu bakoitzeko lortu beharreko Ezagutza Minimoen inguruko txostenak (eGelan)
-Mintegi-klaseetarako proposatutako (ariketen banakako klase-aurreko aurkezpen/ebazpenak zein talde-dinamika ezberdinen bitartez antolaturikoak -esaterako puzzle edo tailer bitartekoak-) jardueren enuntziatuak/argibideak.
-Laborategi-praktiken errealizaziorako materialak (non praktika aurretiko galdetegiak, laborategian garatzekoa den praktikaren proposaturiko gidoia, praktikaren txostena prestatzeko eta praktikarekin batera lortutako trebezietan oinarrituriko erantzun beharreko galderak, edo klase magistraletan landutakoa osatzeko eranskinak dauden).

Oinarrizko bibliografia

-Redes de Computadores. Un enfoque descendente basado en Internet, 5ª ed. Kurose, JamesF.; Ross, Keith W. 2010. Ed. Pearson Educación, ISBN: 978-84-7829-119-9

-Comunicaciones y Redes de Computadores, 7ª ed. Stallings, Williams. 2004. Ed. Pearson Educación, ISBN: 978-84-2054-110-5



(euskaraz)

-TCP/IP Sareak. JM Rivadeneyra. Udako Euskal Unibertsitatea 2011. ISBN-10: 8484382354

-Konputagailu-sareak, 2. Tanenbaum, Andrew S. 2003. Euskal Herriko Unibertsitatea, ISBN-10: 8483734125

Gehiago sakontzeko bibliografia

-Redes de Comunicación: conceptos fundamentales y arquitecturas básicas, 1ª ed. León-García, Alberto; Widjaja, Indra. 2001. Ed. McGraw-Hill, ISBN: 978-84-4813-197-5
-Transmisión de datos y redes de comunicaciones, 2ª ed. Forouzan, Behrouz A. 2002. Ed. McGraw-Hill, ISBN: 8448133900

Web helbideak

- Kurose, online baliabideak: http://wps.aw.com/aw_kurose_network_5/
- Stallings, online baliabideak: http://williamstallings.com/DataComm/
- http://www.librosite.net/20/20a.asp?l=63