"Merkataritza Zuzendaritza: politikak" irakasgaia bigarren mailako bigarren lauhilekoan ikasten da. Merkatuak modu jakin batean erantzun dezan enpresak konbinatzen dituen oinarrizko marketin-tresnak lantzen dira hemen. Marketin mixaren lau politikak alegia (produktua, prezioa, banaketa eta komunikazioa). Halaber, enpresaren marketin jarduerak nola plangintzatzen diren ikasten da.



Irakasgai hau "Merkataritza Zuzendaritza: sarrera"ren jarraipena da, zeinean marketinaren oinarriak eta funtsezko estrategiak lantzen diren. Batak zein besteak gainerako marketin-irakasgaietan sakontzeko beharrezkoak diren oinarrizko ezagupenak eskuratzea dute helburu. Hala nola, marketin aurreratua, marketin sektoriala, nazioarteko marketina eta marketin ikerkuntzan sakontzeko beharrezkoak direnak.



EDUKIAK:



1)Produktuak, Zerbitzuak eta marka-estrategia.

2)Produktuari buruzko erabakiak: produktu gamaren kudeaketa eta etengabe aldatzen diren beharrei moldaketa.

3)Prezioak finkatzeko ikuspegiak eta faktoreak.

4)Prezio estrategiak.

5)Banaketa-katearen kudeaketa.

6)Marketinaren komunikazioa.

7)Marketin-plangintza

RAKASGAIAN LANDUKO DIREN GAITASUN ESPEZIFIKOAK:



-Marketin edo merkataritza-arazo bat egituratu eta aztertu.

-Produkuaren atributuak eta dimentsioak zehaztu eta produktuaren bizi-zikloko etapa ezberdinetan estrategiak baloratu.

-Erakunde edota enpresa baten ondasun/zerbitzu zorroaren osaketa aztertu eta produktuen merkaturatze, aldatze eta ezabatze prozesuak ezagutu.

-Prezioaren inguruan erabakiak hartzeko trebetasuna hartu.

-Komunikazio prozesuaren funtzionamendua, komunikazioaren mix-a eta ohiko estrategien erabilera ulertu.

-Banaketa-kanalen funtzionamendua ulertu eta banaketa-estrategiak zehaztu.

-Marketin plana nola egiten den ezagutu eta merkataritza erabakiak marketin plan baten garapenean txertatu.





IRAKASGAIAN LANDUKO DIREN ZEHARKAKO GAITASUNAK:



- Lortutako datuetan oinarrituz, iritzi arrazoituak emateko gaitasuna

- Autonomia maila handia lortzen ikasteko gaitasuna

- Taldean lana egiteko gaitasuna, arduraz, errespetuz, ekimenez eta lidergoz.

- Pentsamendu analitikorako eta hausnarketa kritikorako gaitasuna

- Idatziz ongi komunikatzeko gaitasuna

- Ahoz ongi komunikatzeko gaitasuna

- Ezagupenak lanari aplikatzeko gaitasuna, enpresen administrazio eta zuzendaritzari lotutako edozein esparrutan.



IKASKETAREN EMAITZAK:



-Marketin edo merkataritza-arazo baten egituraketa eta azterketa.

-Produkuaren atributu eta dimentsioen zehazpena eta produktuaren bizi-zikloko etapa ezberdinetako estrategien balorazioa.

-Erakunde edota enpresa baten ondasun/zerbitzu zorroaren zehazpena.

-Prezioari buruzko erabaki hartzea.

-Komunikazio prozesuaren funtzionamenduaren, komunikazioaren mix-aren eta ohiko estrategien ulerkuntza.

-Banaketa-kanalen funtzionamenduaren ulerkuntza eta banaketa-estrategien zehazpena.

-Marketin planaren aspektu nagusien garapena.

1 Gaia: Produktu politika

2.Gaia: Prezio politika

3.Gaia: Banaketa politika

4.Gaia: Komunikazio politika

5.Gaia: Marketin plana

Klase teorikoak:



- Irakaslearen azalpenak gelan, PowerPointeko aurkezpenen laguntzarekin eta adibideak eta eztabaida-gaiak tartekatuz ikasleen parte hartzea sustatzeko asmoz.



Klase praktikoak:



-Kasuak eta ariketak, ikasleek ikasitako kontzeptuak aplika ditzaten eta bere ikasketa-prozesuaren bilakaera ezagutu dezaten.



-Taldeko lanak.



Klase praktikoetan irakasgaiaren gaitasun espezifikoak landuko dira, eta baita zeharkako gaitasunak ere; besteak beste, ahozko komunikazioa, taldeko lana eta era analitiko eta kritikoan pentsatzeko gaitasuna.



Halaber, ikasleek tutoretza-zerbitzua erabili dezakete irakasgaiari buruzko zalantzak argitzeko, lanen jarraipena egiteko edota izan ditzaketen beste arazoak konpontzeko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 85
  • Irakasgaian egindako lanak (taldeko lana, banakakoak) (%): 15

Ebaluazio jarraituaren sistema:



Azken kalifikazioa, ebaluazio jarraituaren kasuan, honako bi puntuazio hauen baturak emango du:



- Idatzizko proba: %80

- Praktikak (taldeko lana, banakakoak): %20



Irakasgaia gainditzeko batura horrek 5 edo handiagoa izan behar du.



Idatzizko proban irakasgaian landutako kontzeptuei buruzko galdera zehatzak erantzun beharko ditu ikasleak eta izaera aplikatua izango du.



Taldeko lanaren xedea (idatzizko lana eta ahozko aurkezpena barneratzen dituena) kasu erreal bati marketin-mixeko aldagaiak aplikatzea da, kontzeptuak ahalik eta modu didaktikoenean azalduz. Lan honetan ahoz eta idatziz ongi komunikatzeko gaitasunaz gain, kontzeptuak ondo aplikatzeko gaitasuna, iritzi arrazonatuak emateko gaitasuna, sormena, eta irakasgaiaren bestelako gaitasunak ebaluatuko dira.



Banakako lanei dagokienez, irakasle bakoitzak zehaztuko ditu bere programan.



Azken ebaluazioaren sistema:



Azken ebaluazioa aukeratzen duten ikasleek ebaluazio jarraitua hautatu dutenen idatzizko proba berdina egin beharko dute eta aparteko galdera batzuei erantzun. Gainera, ahozko aurkezpen bat ere egin beharko dute, irakasgaiko talde bakoitzaren programan azaltzen den lana abiapuntutzat hartuz.



Deialdiari uko egiteko nahikoa izango da azterketara ez aurkeztea.

Ohiko deialdian irakasgaia gainditu ez duten ikasleei edo azterketara aurkeztu ez direnei, irakasgaian egindako lanen puntuazioak gordeko zaizkie, beti ere beraientzat onuragarria bada.



Beraz, ekaineko deialdiko kalifikazioa ondorengo bietatik handiena izango da:



a) Azterketan lortutako kalifikazioa (10ekiko) lanen puntuazioak batu gabe.

b) Azterketan lortutako kalifikazioa (8rekiko) gehi lanetan lortutako puntuazioak (2rekiko).



Ezohiko deialdiari uko egiteko nahikoa izango da azken azterketara ez aurkeztea.

Irakasgaiko materiala eskolaren erreprografia-zentroan eta egelan eskuratu ahal izango da (material guztiak ez du zertan bi lekuetan egon).

Oinarrizko bibliografia

KOTLER, P. eta ARMSTRONG, G. (2014): Marketinaren oinarriak. Deustuko Unibertsitatea. Bilbao.

SANTESMASES MESTRE, M. (2012): Marketing: Conceptos y Estrategias, Pirámide, Madril (6. Edizioa).

MEDIANO, L. eta BERISTAIN, J.J. (2015): Marketing práctico para pequeños negocios, Ed. Pirámide, Madril.

Gehiago sakontzeko bibliografia

ARMSTRONG, G., KOTLER, P., MERINO, M.J., PINTADO, T. eta JUAN, J.M. (2011): Introducción al marketing, Pearson, Madril (3. Edizioa).
BURK, M. (2003): El Plan de Marketing. Guía de Referencia. Pearson/Prentice-Hall.
COHEN, W.A.(2001): El Plan de Marketing, Deusto, Bilbo (2. Edizioa)
DÍAZ, S. (Coordin.) (2022): Política de producto, Esic Editorial, Madrid.
DIEZ DE CASTRO, E (2003): Distribución Comercial, McGraw-Hill arg., Madril.
ESTEBAN TALAYA, A. eta besteak (2006): Principios de Marketing, Esic Argitaletxea, Madril.
KOTLER, P., KELLER, K.L. Y CHERNEV, A. (2022): Marketing Management, Global Edition, Pearson.
LAMBIN, J. J. (2003): Marketing Estratégico, Esic Argitaletxea, Madril.
LLANO, F. eta CALVO,J. (koordin.) (2008): Hoy es Marketing. Nuevos mercados, nuevos clientes, nuevas soluciones. Esic argitaletxea.
MARTÍN ARMARIO, E. (1998): Marketing, Ed. Ariel Economía, Bartzelona.
MIQUEL, S.; PARRA, F.; L´HERMIE, C.; MIQUEL, M. J. (2008): Distribución Comercial, ESIC argitaletxea, Madril (6. edizioa).
MUNUERA ALEMAN, J. L. eta RODRIGUEZ ESCUDERO, A. I. (2007): Estrategias de Marketing. Un enfoque basado en el proceso de dirección. Esic Argitaletxea, Madril.
SAINZ DE VICUÑA, J.M. (2006): El Plan de Marketing en la práctica, Esic argitaletxea, Madril (10. edizioa).
TRESPALACIOS GUTIERREZ, J. A., RODRIGUEZ DEL BOSQUE, I. eta VAZQUEZ CASIELLES, R. (2005): Marketing: Estrategias y Aplicaciones Sectoriales, Civitas, Madril.
VAZQUEZ CASIELLES, R eta TRESPALACIOS GUTIERREZ, J. (koord.) (2006): Estrategias de Distribución Comercial, Paraninfo, Madril.

Aldizkariak

Distribución y Consumo
Harvard Deusto Marketing & Ventas
MKMarketing + Ventas
Ipmark

Web helbideak

Academy of Marketing Science: http://www.ams-web.org
AMA (American Marketing Association): http://www.ama.org
AGEMDI (Asociación de Agencias de Marketing Directo e Interactivo): http://www.agemdi.org
Marketingdirecto.com: El portal de marketing y publicidad: http://www.marketingdirecto.com
PD&BD (Asociación de Publicidad Directa y Bases de Datos): http://www.fecemd.org/pdbd
Asociación Española de Centros Comerciales: www.aedecc.com
Asociación Nacional de Centrales De Compra: www.anceco.com
Asociación para la investigación de medios de comunicación: www.aimc.es
AC Nielsen: www.acnielsen.es
Branzai: www.branzai.com