ADMINISTRAZIO ZUZENBIDEA III



1. Irakasgaia bere baitan barne hartzen duen oinarrizko gaia: Administrazio Zuzenbidea

2. Sail arduraduna: Administrazio eta Konstituzio Zuzenbidea eta Zuzenbidearen Filosofia

3. UNESCOren sailkapen-kodea: 5605.01

4. Hizkuntza: gaztelania eta euskara



Administrazio Zuzenbidea III irakasgaiak ixten du, Zuzenbide Graduko 2. mailan, bigarren lauhilekoan, eta Zuzenbide eta Enpresaren Administrazio eta Zuzendaritzako Gradu bikoitzeko 4. mailan, bigarren lauhilekoan, administrazio publikoen erregimen juridikoari Gradu horietan eskaintzen zaizkion obligaziozko irakasgaien blokea (Administrazio Zuzenbidea I eta Administrazio Zuzenbidea II irakasgaiekin batera osatzen duena). Irakasgai honen kasuan, aztertuko diren gaiak honako hauexek dira: administrazio-auzien jurisdikzioa, administrazio publikoen ondasun, baliabide eta jarduna eta administrazio horien antolakuntza.



Irakasgai honetan garatuko den lanak aipatutako gai-bloke horiei buruzko ezaguera sakona ahalbideratuko die ikasleei, arazo praktiko aplikatuak ebazten lagunduko diena; horrez gain, gai-bloke horiekin harremanetan dauden eremu sektorialetako arazo konplexuak ebazteko tresnak emango dizkie.



Irakasgai hau egoki eta zailtasun gehiegirik gabe jarraitu ahal izateko Administrazio Zuzenbide I eta Administrazio Zuzenbidea II irakasgaietan azaldutako kontzeptu eta kategoria juridikoak menperatzea beharrezkoa da. Administrazio Zuzenbidearen iturriak, administrazio-prozedura, administrazio-egintza eta haren berrikuspena nahikoa ezagutzea da bereziki beharrezkoa.

Administrazio Zuzenbidea III irakasgaian matrikulatutako ikaslea prest egon behar du egunero arau-testuekin lan egiteko, jurisprudentzia bilatzeko eta haren inguruko hausnarketak egiteko eta programako gaiekin harremana duten doktrina-artikuluak aztertzeko.



Irakasgai honek (aurretiazko Administrazio Zuzenbidekoekin batera) nagusiki honako lanbide-profil hauetarako gaitzen du: administrazio publikoetako funtzionario, judikatura (administrazio-auzien jurisdikzioa), abokatu espezialista, administrazio-gaietako aholkulari, irakaskuntza.



Ikasketa-planean duen testuingurua: Administrazio Zuzenbidea Zuzenbide Publikoaren zatia da. Zuzenbide honen zergatia azaldu nahi bada, esan beharko da administrazio publikoek, Zuzenbidearen menpe dauden subjektu izanik, gizarteak dituen interes orokorrak ase behar dituztela, eta horretarako hainbat administrazio-ahal edo -prerrogatiba esleitzen zaizkiela. Horiek guztiak ezagutzea ezinbestekoa gertatzen zaio edozein jardule juridikori.

1. GAITASUN TRANSBERSALAK/GENERIKOAK:



T1. Kultura juridikoa.



T2. Legezko testuak erabiltzeko gaitasuna.



T3. Metodologia juridikoa.



T4. Dogmatika juridikoaren oinarrizko ezagutza.



T5. Hausnarketa kritikoa.



T6. Ahozko eta idatzizko adierazpena.



2. GAITASUN ESPEZIFIKOAK:



- GAITASUN KOGNITIBOAK (jakitea):



E1. Administrazioekiko auzi jurisdikzioaren antolakuntza- eta prozedura-egitura aztertzea.



E2. Administrazio publikoen baliabide, ondasun eta jardunaren eremuetako kontzeptu juridikoak eta printzipio orokorrak ezagutzea.



E3. Administrazio-antolakuntzari buruzko kontzeptuak, baita orotariko mailatako administrazio publikoen egitura eta antolakuntza nahiz euren arteko harreman juridikoak ere zehaztea.



- GAITASUN INSTRUMENTALAK/ PROZEDURAZKOAK (egiten jakitea):



E4. Irakasgaiak barne hartzen dituen arloetako arazo juridiko-administratiboei aplikatu beharreko zuzenbide-iturriak

zehaztu eta eskuratzea.



E5. Arloko terminologia juridiko publikoa erabiltzea.



E6. Irakasgaiaren arloekin zerikusia duten gatazkak aztertu eta ebaztea.



- JARRERAZKO GAITASUNAK (izatea):



E7. Taldean lan egiteko gai izatea.



E8. Izaera kritikoa garatzea.



3. IRAKASGAIAREN IKASKETA-HELBURUAK



IH1. Administrazioarekiko auzien jurisdikzioaren norainoko eta mugak ezagutu eta haren organoak zehaztea.



IH2. Administrazioarekikoa uzien prozedura osatzen duten elementuak mugatu eta haren urrats eta instantziak

espezifikatzea.



IH3. Jabari publikoko eta ondareko ondasunen izaera, elementuak eta babesteko teknikak aztertzea.



IH4. Administrazioak dituen jarduteko era keta haietako bakoitzari aplikatzen zaizkion printzipioak bereiztea.



IH5. Administrazio publikoek beren esku dituzten ordenazio, zerbitzu publikoen kudeaketa eta sustapeneko teknikak

alderatzea.



IH6 Administrazio-antolakuntzaren kontzeptuak eta printzipio konstituzionala kanalizatzea.



IH7. Entitate publiko lurraldetarren eta lurraldetarrak ez direnen egitura eta antolakuntza egiaztatzea.



4 PRAKTIKAREN BIDEZ GARATU BEHARREKO IKASKETA EMAITZAK



IE1. Kasua analizatzeko beharrezko baliabideak eskuratzen ditu.



IE2. Suposamendu bakoitzak dituen problema juridikoak antzematen ditu.



IE3. Aurkitutako problema juridikoei kontzeptu teorikoak aplikatzen ditu.



IE4. Hipotesi bakoitzaren alde argumentatzen du.



IE5. Erabakitzeko irizpideak zehazten ditu.



IE6. Ebazpenaren ondorioak balioesten ditu.

ADMINISTRAZIO ZUZENBIDEA III



Administrazioarekiko auzi errekurtsoa. Administrazio publikoen baliabide, ondasun eta jarduna. Antolakuntza.



Administrazioarekiko auzi-errekurtsoa.



1. IKASGAIA. Administrazioarekiko auzi errekurtsoa.



I. Administrazioarekiko auzien jurisdikzioaren hedadura eta mugak. II. Administrazioarekiko auzien jurisdikzioaren organoak. III. Administrazioarekiko auzien prozedurako alderdiak. IV. Administrazioarekiko auzien prozeduraren objektua. V. Alderdien uziak. VI. Lehen auzialdiko edo auzialdi bakarreko prozedura. VII. Prozedura bereziak. VIII. Kautela-babesa. IX. Administrazioarekiko auzien prozeduraren amaiera. X. Epaien exekuzioa. XI. Ebazpen judizialen

aurkako errekurtsoak.



Administrazio publikoen baliabide, ondasun eta jarduna.



2. IKASGAIA. Administrazioaren ondasunak.



I. Jabari publikoko ondasunen izaera eta elementuak: 1. Jabari publikoko ondasunen erabilpena. 2. Arloko legediaren azterketa. II Ondareko ondasunak: 1. Ondareko ondasunen oinarrizko ezaugarriak. 2 Ondareko ondasunen erabilpena. 3. Arloko legediaren azterketa.



3. IKASGAIA. Administrazioaren jarduna.



I. Ordenazio-jarduna: 1. Jardun pribatuen ordenazioa. 2. Ordenazio-tekniken erregimen juridikoaren printzipioak. 3. Ordenazio-tekniken sailkapena. II. Prestaziozko edo zerbitzu publikoko jarduna: 1. Zerbitzu publikoak ezartzea. 2. Zerbitzu publikoen kudeaketa antolatzea. 3. Zerbitzuen prestazioen erregimen juridikoa: zerbitzuaren estandar orokorrak eta erabiltzailearen estatutua. III. Promoziozko edo sustapenezko jarduna: 1. Sustapen-teknikak. 2. Diru-laguntzaren erregimena.



Antolakuntza.



4. IKASGAIA. Administrazio-organoa eta administrazio-antolakuntzaren printzipioak.



I. Administrazio-organoa. II. Administrazio-eskumena: 1. Kontzeptua. 2. Eskumenaren izaera, motak, mugatzeko irizpideak eta esleitzeko erak. 3. Eskumenaren egikaritza eskuz aldatzeko teknikak: eskuordetzea, abokazioa, ordezpena, ordezkotza eta kudeaketa gomendatzea. III. Antolatzeko ahala: 1. Administrazio-organoen sorrera. 3. Antolatzeko ahalaz baliatzea eta mugak. IV. Administrazio-antolakuntzari buruz Konstituzioak aurreikusitako printzipioak. 1. Eraginkortasunprintzipioa.

2. Hierarkia-printzipioa. 3. Deszentralizazio-printzipioa. 4. Deskonzentrazio-printzipioa. 5. Koordinazioprintzipioa. 6. Lankidetza-printzipioa.



5. IKASGAIA. Lurraldeko administrazioak.



I. Estatuko administrazioa: 1. Organo zentralak eta organo periferikoak. 2. Kontsulta-administrazioa. II. Administrazio autonomikoa, forala eta lokala: 1. Administrazio autonomikoa. 2. Foru Administrazioa. 3. Toki administrazioa.



6. IKASGAIA. Administrazio instituzional eta korporatiboa.



I. Instituzio administrazioaren kontzeptua. Instrumentalitate- harremana. II. Entitate instituzionalen motak. Administrazio independenteak. III. Organismo autonomoak. IV. Enpresa entitate publikoak. V. Korporazio-administrazioa: tipologia.

Irakasgaiaren ikaskuntza ikasgelan bertan eginiko aurrez aurreko hainbat lanen eta handik kanpoko lan ez-presentzialen bidez gauzatuko da. Horrela burutuko dira irakasgaiaren kredituei dagozkien orduak.



Honako hauek izango dira unitate guztietarako jarduera erkideak:



A) Ikasgelako edo bulegoko eginkizun presentzialak



A1. Eskola magistralaren jarraipen aktiboa.



A2. Agiriak (eskuliburuak, doktrina-artikuluak, arau-xedapenak, jurisprudentzia) aztertu, iruzkin idatziak egin eta ondorioak elkarrekin partekatzea.



A3. Ikaskuntza bideratu eta jarraitzeko, tutoretzetara joatea.



A4. Prozesu dokumentuak idaztea.



A5. Kasu praktikoak aztertu eta horietan planteaturiko arazoei juridikoki arrazoituriko eta prozesalki zuzena den ebazpena ematea.



A6. Kasu praktikoen ebazpenak edo testu juridikoak (arau-xedapenak, epaiak) ahoz azaltzea.



A7. Legedi eta jurisprudentziako datu-baseak erabiltzen ikasteko ordenagailu bidezko ikasgela-praktikak gauzatzea.



B) Ikasgelaz edo bulegoz kanpoko jarduera ez-presentzialak



B1. Irakasleak ikasgai bakoitzerako eman edo gomendaturiko irakaskuntza-materiala ikastea.



B2. Ikas-materialak, aurkezpenak eta kasuen ebazpenak prestatzea, liburutegi edo datu-baseetan bilaketak eginez.



Jarduera horietan, aurrez aurrekoak izan ala ez, aurrez aipaturiko berariazko eta zeharkako gaitasunak landuko dira.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • - Ebaluazio mistoaren sisteman, azken kalifikazioaren %70 azterketa idatzi batek emango du, eta gainerako %30, berriz, praktikak, irakurketak edo lanen aurkezpenak emango dute. - Azken ebaluazioaren sisteman, azterketa teoriko praktikoa izango da irakasgaiaren kalifikazioaren %100 emango duena. (%): 100

Aurreko atalean esan bezala, ebaluazio mistoaren sistemak lauhilekoan zehar eskatutako lanak balioetsiko ditu, bai eskola magistraletan, bai ikasgelako praktikan eginak (praktikak ebaztea, bilaketak, irakurketak, ariketa teorikopraktikoak), eta %30ean balioetsi ere; azken azterketa, berriz, %70ean.



Azken emaitza bi kontzeptutan oinarritzen da (ebaluazio jarraitua eta azken azterketa). Alde batetik, azterketaren emaitzak azken kalifikazioaren %70 balio du; ebaluazio jarraitutik ateratako emaitzak, bestalde, azken kalifikazioaren %30 balio du.



Azken azterketak kurtsoan zehar emango diren ezagupen teoriko eta praktikoak ebaluatuko ditu.



Ebaluazio jarraitutik ateratako nota ez da kontuan hartuko ikasleak azken azterketan ez badu 10etik 5 puntuko emaitzarik lortzen (edo 3.5 7tik), zati teorikoa eta praktikoa kontuan hartuz, betiere.



Ikasleek ebaluazio jarraituari dagokien praktikak egiteari uko egin diezaiokete. Aukera hori hartzen badute, azken azterketak emandako emaitza behin betiko kalifikazioaren %100 izango da. Ikasleak lauhileko lehenengo bederatzi asteetan uko egin dezake, esan bezala, eta irakasleari horren berri epean eman.



Ebaluazio jarraitua eraman eta dagozkion praktikak egin arren, azterketara ez aurkeztea erabakitzen duen ikaslea "ez aurkeztu"-tzat hartuko da eta ez du kalifikaziorik izango.



Horrez gain, hurrengo atalean adierazi moduan, irakasleari praktikei dagozkien emaitzak gordetzeko eskatu ahal izango dio.



Araudiaren arabera, ebaluazio jarraituari uko egiten bazaio, ikasleak azken ebaluazioaren sistema jarraitzeko eskubidea izango du. Sistema honetan, aldiz, azken ariketa teoriko-praktikoak emango du irakasgaiaren emaitzaren %100.



EBALUAZIOAREN EGOKITZAPENA, AURREZ AURRE EGITERIK EZ DAGOEN KASURAKO



- EBALUAZIO-SISTEMA MISTOA:



Ebaluazio mistoko sisteman, azken kalifikazioaren % 30, gutxienez, proba edo jarduera desberdinen baloraziotik lortuko da: test moduko probak, ariketa praktikoak egitea, banakako lanak, talde-lanak... Azken kalifikazioaren % 70 amaierako proba batetik lortuko da. Proba horren diseinua honako hau izan daiteke: test motako proba, kasu praktikoen ebazpena, galdera laburrak, lanak egitea, edo ahozko proba bat.



Talde bakoitzeko irakasle arduradunak aukera izango du ebaluazio jarraituaren ehunekoa % 100era igotzeko.



- AMAIERAKO EBALUAZIO-SISTEMA



Amaierako ebaluazio-sisteman, kalifikazioaren % 100 amaierako proba teoriko-praktiko bat egitetik etorriko da.



Aurrez aurrekoa ez den azken ebaluazio-proba hori diseinatzeko, taldeko irakasle arduradunak honako aukera hauek erabaki ditzake, besteak beste: kasu praktikoak ebaztea, test moduko azterketa bat, galdera laburrak, ahozko proba bat, edo aurrekoen konbinazioa.



Nolanahi ere, talde bakoitzeko irakasle arduradunak, ikasturtea hasi baino lehen, ikasgaia gainditzeko egin beharreko jarduerak eta probak zehaztu beharko ditu eGelan, bai ebaluazio mistoko sisteman, bai amaierako ebaluazio-sisteman.

Ebaluazio mistoaren sistema jarraitu bada, baina ikaslea ez bada deialdi arruntean aurkeztu, lauhilekoan egindako ariketa teoriko-praktikoekin lortutako emaitza gorde egingo zaio aparteko deialdira arte. Ondorioz, azterketa teoriko-praktikoa emaitzaren %70ean balioetsiko zaio.



Gainerako kasu guztietan, azken ebaluazioaren sistema jarraituko da eta bertan ohiko deialdiaren eskema bera jarraituko da (azterketa teoriko-praktikoa emaitzaren %100ean balioetsiko da).



Aparteko deialdiari uko egiteko, nahikoa izango da azterketara ez aurkeztea.



EBALUAZIOAREN EGOKITZAPENA, AURREZ AURRE EGITERIK EZ DAGOEN KASURAKO



- EBALUAZIO-SISTEMA MISTOA:



Ebaluazio mistoko sisteman, azken kalifikazioaren % 30, gutxienez, proba edo jarduera desberdinen baloraziotik lortuko da: test moduko probak, ariketa praktikoak egitea, banakako lanak, talde-lanak... Azken kalifikazioaren % 70 amaierako proba batetik lortuko da. Proba horren diseinua honako hau izan daiteke: test motako proba, kasu praktikoen ebazpena, galdera laburrak, lanak egitea, edo ahozko proba bat.



Talde bakoitzeko irakasle arduradunak aukera izango du ebaluazio jarraituaren ehunekoa % 100era igotzeko.



- AMAIERAKO EBALUAZIO-SISTEMA



Amaierako ebaluazio-sisteman, kalifikazioaren % 100 amaierako proba teoriko-praktiko bat egitetik etorriko da.



Aurrez aurrekoa ez den azken ebaluazio-proba hori diseinatzeko, taldeko irakasle arduradunak honako aukera hauek erabaki ditzake, besteak beste: kasu praktikoak ebaztea, test moduko azterketa bat, galdera laburrak, ahozko proba bat, edo aurrekoen konbinazioa.



Nolanahi ere, talde bakoitzeko irakasle arduradunak, ikasturtea hasi baino lehen, ikasgaia gainditzeko egin beharreko jarduerak eta probak zehaztu beharko ditu eGelan, bai ebaluazio mistoko sisteman, bai amaierako ebaluazio-sisteman.

-SANCHEZ MORON, Miguel: Derecho administrativo. Parte General. Tecnos (gaurkotutako ediz.)

Gai-zerrendako gaiak besarkatzen dituen legedi-kodea. Honako hauetako bat izan liteke:

-GARCÍA DE ENTERRÍA, E. Código de las Leyes administrativas. Civitas.

-MARTÍN REBOLLO, L. Leyes administrativas. Aranzadi (eguneratzeak: www.aranzadi.es).

-ORTEGA ÁLVAREZ eta SÁNCHEZ MORÓN, M. Derecho administrativo. Normas básicas. Lex Nova.

-SANTAMARÍA PASTOR, J.A. Derecho administrativo. Normas básicas. McGraw Hill.

-Código administrativo. La Ley (eguneraketak: internet)


Legegintza-informazio zehatza: www.laley.net ("Noticias de Legislación" atala).

Oinarrizko bibliografia

Oinarrizko bibliografia



-GARCÍA DE ENTERRIA, E - FERNÁNDEZ RODRÍGUEZ, T.R. Curso de Derecho Administrativo. Civitas.



-GARCÍA URETA, A. Temas de Derecho Administrativo. II. alea. Marcial Pons.



-LASAGABASTER HERRARTE, I. Las fuentes del Derecho. Lete.



-PARADA VÁZQUEZ, J. R. Derecho Administrativo. Marcial Pons.



-PAREJO ALFONSO, L. Lecciones de Derecho Administrativo. Tirant lo Blanch.



-SANCHEZ MORON, M. Derecho Administrativo. Parte General. Tecnos.



-SANCHEZ MORON, M. Los bienes públicos. Régimen jurídico. Tecnos.



-SANTAMARÍA PASTOR, J. A. Principios de Derecho Administrativo. Iustel.



-URRUTIA LIBARONA, I. Administrazio Zuzenbideko ikasgaiak II. HAEE/IVAP.



-EE. AA. Materiales para el estudio del Derecho. www.iustel.com

Gehiago sakontzeko bibliografia

Oinarrizko bibliografian arlo bakoitzean aipatutako argitalpenak begiratu.

Aldizkariak

- Contratación Administrativa Práctica, La Ley.

- Eleria, Euskal Legelarien Aldizkaria, Eusko Ikaskuntza.

- Herri Arduralaritzaren Euskal Aldizkaria - Revista Vasca de Administración Pública (HAEA-RVAP), Herri Arduralaritzaren Euskal Erakundea - Instituto Vasco de Administración Pública (HAEE-IVAP).

- Justicia Administrativa. Lex Nova.

- Noticias de la Unión Europea (ex Noticias CEE), CISS

- Revista de Administración Pública (RAP), Centro de Estudios Políticos y Constitucionales.

- Revista de Derecho Comunitario Europeo, Centro de Estudios Políticos y Constitucionales.

- Revista de Estudios de la Administración Local (ex Revista de Estudios de la Administración Local y Autonómica y Revista de Estudios de la Vida Local), Instituto Nacional de Administración Pública.

- Revista Española de Derecho Administrativo (REDA), Civitas.

- Revista Española de Derecho Europeo, Civitas.

- Revista General de Derecho Administrativo, Iustel.

Web helbideak

-Diputatuen Kongresua (www.congreso.es)

-Senatua (www.senado.es)

-Botere Judizialaren Kontseilu Nagusia (www.poderjudicial.es)

-Konstituzio-Auzitegia (www.tribunalconstitucional.es)

-Estatuko Gobernua (www.la-moncloa.es)

-Estatuko Administrazio Orokorra (administracion.gob.es)

-BOE (www.boe.es)

-Estatu-Kontseilua (www.consejo-estado.es)

-Eusko Jaurlaritza (www.ejgv.euskadi.eus)

-Eusko Legebiltzarra (www.legebiltzarra.eus)

-Euskal Herriko Agintaritzaren Aldizkaria (www.euskadi.eus/bopv)

-Euskadiko Autonomia Erkidegoko Aholku Batzorde Juridikoa (www.jusap.ejgv.euskadi.eus)

-Indarrean dagoen araudi europarraren bilduma (eur-lex.europa.eu)

-Batasun Europarraren Aldizkari Ofiziala (eur-lex.europa.eu/oj/direct-access.html)

-Erkidego Europarren Justizia Auzitegia (curia.europa.eu)

-Giza Eskubideen Auzitegi Europarra (www.echr.coe.int)

-Auzitegi Gorenaren Jurisprudentzia (www.poderjudicial.es)

-Arabako Foru Aldundia (www.araba.net)

-Gipuzkoako Foru Aldundia (www.gipuzkoa.eus)

-Bizkaiko Foru Aldundia (www.bizkaia.eus)



Ondoko webguneotan dokumentazio juridiko ugari aurki dezakezue:

-www.iustel.com
-www.aranzadi.es
-www.laley.net
-noticias.juridicas.com