Gaur egungo hedabideen paisaia aldakorraren azterketa egingo du ikasleak. Batetik, hedabideak errealitatea eraikitzeko tresna gisa aztertuko ditu; bestetik, hedabideen berrikuntza prozesu etengabea analizatuko du; eta, ondoren, hedabide eredu ezberdinak arloz arlo aztertuko ditu. Halaber, jendarteko aldaketen, teknologia garapenaren eta hedabideen ereduen arteko elkarreragite estuaz gogoeta egingo du.

Ikasleek eskuratuko dituzte:



1.-Hedabideen paisaia ulertu eta kritikoki aztertzeko ezagutza eta lanabes kontzeptualak.



2.-Hedabideen ereduetan etengabe gertatzen diren aldaketak ulertzeko eta kritikoki aztertzeko ezagutza eta lanabes kontzeptualak.



3.-Egungo hedabideen paisaian egoki aritzeko gaitasunak.



4.-Hedabideen paisaiako aldaketetara eraginkortasunez egokitzeko gaitasunak.



5.-Hedabideen ereduetan gertatuko diren aldaketak aurreikusteko eta haietara jartzeko gaitasunak.

GAITEGI TEORIKOA



Lehen zatia: Hedabideak testuinguru aldakorrean



1.1. Hedabideen mapa orokorra.

1.2. Hedabideen ildo editorialak. Agenda, ikuspuntua eta iritzia.

1.3. Egitura: enpresa eta antolaketa.

1.4. Negozio eredu berrien bilaketa.

1.5. Merkatua eta hedapena.



Bigarren zatia: hedabideen tipologiak



2.1. Tokiko hedabide multimediak

2.2. Papereko prentsa

2.3 Hedabide digitalak

2.4. Irratiak eta telebistak

2.5. Beste hainbat eredu



Gaitegi praktikoa:



-Hedabide zehatz banaren azterketa sakona egingo dute ikasleek, binaka.

-Beste hedabide batzuei buruzko bestelako lanak, banaka.

-Eduki teorikoekin zuzenean lotutako ariketak, banaka zein taldeka.

-Lanketa teorikoa: klase magistralak, irakurgaietan oinarritutako solasaldiak, teoriarekin lotutako ariketak eta ikasleen aurkezpenak izango dira eduki teorikoak lantzeko bitartekoak.



-Lanketa praktikoa: hedabide jakin baten azterketa sakona izango atal praktikoaren eginbehar nagusia, baina beste hainbat ariketa ere egingo dira, banaka nahiz taldeka. Hedabide baten egoitza ere bisitatuko da, posible baldin bada.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 20
  • Banakako lanak (%): 30
  • alde lanak (arazoen ebazpenak, proiektuen diseinuak) (%): 50

Etengabeko ebaluazioak hiru atal izango ditu:



1. Hedabide bati buruzko analisia, binaka (%50).

2. Banakako hainbat lan (%30)

3. Teoria klasetako astez asteko ariketak edo azterketa teorikoa (%20)



* Beste lan guztiez gain astez asteko ariketen %80tik gora egiten dituzten ikasleek ez dute azterketa teorikoa egin beharko. Ehuneko horretatik beherakoek, azterketa teorikoa egingo dute.



* Azterketa presentziala egiterik ez badago, egela bidez egingo da azterketa: garatzeko moduko galdera irekiei erantzun beharko zaie, modu pertsonalean, eduki teorikoetan eta irakurketetan oinarrituta, azterketaren egun ofizialean.



Ikasgaia gainditzeko derrigorrezkoa da, batetik, binaka egin beharreko analisi lana gainditzea eta, bestetik, gainerako atal guztien batez bestekoa ere gainditzea.



Ikasleek aukera izango dute azken ebaluazioaren bidez egiaztatzeko ikasgaiak ezarritako jakintza eta gaitasunen jabe direla. Ikasleen Ebaluaziorako Arautegiaren 8.3 artikuluari jarraiki ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta horretarako, bederatzi asteko epea izango du lauhilekoa hasita.



Ezaugarri hauek izango ditu azken ebaluazioak:

1. Hedabide bati buruzko analisia, banaka (%50).

1. Eduki teorikoei eta praktikoei buruzko idatzizko azterketa (%50).*



* Azterketa presentziala egiterik ez badago, egela bidez egingo da azterketa: garatzeko moduko galdera irekiei erantzun beharko zaie, modu pertsonalean, eduki teoriko-praktikoetan eta irakurketetan oinarrituta, azterketaren egun ofizialean.



Ikasgaia azken ebaluazioaren bidez gainditu ahal izateko lan praktikoa zein azterketa teorikoa gainditu beharko dira, modu bereizian.



Ikasleen Ebaluaziorako Arautegiaren 12.2 artikuluari jarraiki deialdiari uko egin nahi dioten ikasleek irakaskuntza aldia bukatu baino hilabete lehenago egin beharko dute eskaria, hau da, azaroaren 22a baino lehenago (apirilaren 23a baino lehenago bigarren lauhileko irakasgaietan). Eskari hori idatziz aurkeztu beharko zaio irakasgaiaren ardura duen irakasleari.

Ohiko deialdiko ebaluazio sistema berberarekin egingo da ezohiko deialdia.



- Ohiko ebaluazioan parte hartu duten ikasleek gainditu dituzten atalak ez dituzte berriro egin beharko eta atal horietan ohiko ebaluazioan ateratako notari eutsiko diote. Beraz, gainditu gabeko atalak baino ez dituzte egin beharko ezohikoan.



- Ohiko ebaluazioan parte hartu ez duten ikasleek, ezohikoan azken ebaluazioan egin beharreko bi atalak gainditu beharko dituzte: analisi lana (%50) eta azterketa (%50)

2. Hedabide bati buruzko ikerketa lanaren entrega (%50).



Ikasgaia gainditu ahal izateko bi atalak gainditu beharko dira.

Oinarrizko bibliografia

APM. Informe Anual de la Profesión Periodística 2016. Madrid: APM, 2017.

ARANA, Edorta, AZPILLAGA, Patxi, NARBAIZA, Bea. "Telebista lokalen panorama Hego Euskal Herrian", ZER aldizkaria, 15. zenbakia, Leioa: EHU, 2003, 81-98. orr.

ARANGUREN, Asier. Euskarazko komunikabide lokalak Euskal Herrian, Leioa: Servicio Editorial de la UPV-EHU, 1999.

BEHATEGIA. Euskal Hedabideen Urtekaria 2017. Bilbo: Euskal Hedabideen Behatokia, 2018.

BEHATEGIA. Euskal Hedabideen Urtekaria 2016. Bilbo: Euskal Hedabideen Behatokia, 2017.

BEHATEGIA. Euskal Hedabideen Urtekaria 2015. Bilbo: Euskal Hedabideen Behatokia, 2016.

CAGÉ, Julia. Salvar los medios de comunicación. Barcelona: Anagrama, 2016.

CANTALAPIEDRA, M.J. La información local en los periódicos de Vizcaya. Bilbo: UPV, 1997.

COCA, César; PEÑALVA, Jose Luis. Modelos de los medios de comunicación social. Leioa: UPV-EHU. 1998.

DIAZ NOCI, Javier; MESO, Koldo. Komunikabideen Ereduak, Leioa: Servicio Editorial de la UPV-EHU, 1999.

DIEZHANDINO, Pilar; y COCA, César. La Nueva Información. Bilbo: UPV, 1997.

HARDING, James. Future of News. London: BBC, 2017.

LEONHARDT, David; Rudoren, J.; Galinsky J.; Skog K.; Lacey M.; Giratikanon T.; eta Evans T. Journalism That Stands Apart. The Report of the 2020 Group. January 2017. New York: The New York Times, 2017.

NAFRÍA, Ismael. La reinvención del The New ork Times. Bartzelona: autoedizioa, 2017.