Irakasgaia garatzen den bitartean, honako gaitasun hauek landuko dira:



Gaitasun orokorrak:

G003: Metodo eta teoria berriak ikasteko gaitasuna emango duten eta egoera berrietara egokitzeko aldakortasuna emango duten oinarrizko irakasgaiak eta gai teknologikoak ezagutzea.



Gaitasun transbertsalak:

T001: Arazoak ekimenez, erabaki-hartzeaz, sormenaz eta arrazoiketa kritikoaz ebazteko gaitasuna, betiere pertsona guztientzako diseinuaren printzipioak errespetatuz.

T007: Lankidetzarako eta talde-lanerako gaitasuna.



Gaitasun espezifikoak:

M01FB02: Mekanikaren, termodinamikaren, eremuen eta uhinen eta elektromagnetismoaren lege orokorrei buruzko oinarrizko kontzeptuak ulertzea eta menderatzea, eta ingeniaritzaren berezko arazoak ebazteko aplikatzea.



Ikaskuntzaren emaitzak:

RAG06: Graduatuak ingeniaritzaren esparruan aplikagarriak diren fisikaren eta kimikaren oinarrizko legeak identifikatuko ditu.

RAT1: Graduatua arazoak ekimenez, erabakiak hartuz, sormenez eta arrazoibide kritikoz ebazteko gai izango da.

RAT3: Graduatua taldean modu eraikitzailean lan egiteko gai izango da.

01: Eremu elektrikoa

02: Korronte zuzeneko zirkuituak

03: Eremu magnetikoa

04: Indukzio elektromagnetikoa

05: Uhinak

Irakaskuntza klase magistraletan eta ikasgelako eta laborategiko praktiketan banatuko da.



- Klase magistraletan irakasleak ikasgaiaren atal teorikoa azalduko du, honako materiala erabiliz: powerpointeko aurkezpenak, bideoak, irudiak eta argazkiak, arbeleko garapenak edota saiakera txikiak. Erabili beharreko material guztia eGela plataforman egongo da ikasleentzat eskuragai klaseetan azaldu aurretik. Halaber, oso gomendagarria da proposatutako bibliografia erabiltzea, ikasleek eskolako liburutegian aurki dezaketena.



- Azalpen teorikoetan agertutako kontzeptuak sendotzeko ariketen bidezko adibideak ere tartekatuko dira klase teorikoetan.



- Gai bakoitzeko atal teorikoa ikusi eta gero gai horri dagozkion ariketak ebatziko dira ikasgelako klaseetan.



- Laborategiko praktika bakoitzerako gidoia egongo da eGelan eskuragarri. Ikasleek gidoia irakurri eta ulertu beharko dute aurretiaz. Laborategian daudenean binaka edo hirunaka antolatuko dira lan praktikoa egiteko, gidoia jarraituz. Gero praktikaren txosten bat prestatuko dute egindako lana eta lortutako emaitzak azalduz.

Ebaluazio jarraituaren sistema aukeratzen duten ikasleak:



Hiru proba labur egingo dira kurtsoan zehar, hiru laborategiko praktika eta idatzizko azterketa bat:



- Proba laburretan ariketa bat ebatzi beharko da, eta eskola-ordutegian egingo dira, banaka. Proba labur bakoitzaren pisua %5-ekoa izango da ikasgaiaren azken kalifikazioan.



- Laborategiko praktikak binaka egingo dira eta kalifikatu egingo dira. Praktika bakoitzaren pisua %5-ekoa izango da ikasgaiaren azken kalifikazioan.



- Idatzizko azterketa lauhilekoa amaitzean egingo da, eta haren pisua %70-ekoa izango da azken kalifikazioan.



Beraz, ebaluazio jarraitua aukeratuz gero, ikasgaiaren kalifikazioa horrela kalkulatuko da:



0.15 x proba laburren batez besteko nota + 0.15 x laborategiko praktiken batez besteko nota + 0.7 x azterketa



Beharrezkoa da laborategiko praktiken azterketa gainditzea irakasgaia gainditzeko. Laborategiko praktikak gainditu ez dituzten ikasleen kalifikazio maximoa 4 izango da, aurreko formularen emaitza edozein izanda ere.

Azken azterketara aurkezten ez diren ikasleak ez aurkeztuko bezala agertuko dira ohiko deialdian.



****************



Azken ebaluazio sistema aukeratzen duten ikasleak:



Ebaluazio jarraituari uko egin nahi duten ikasleek hori jasotzen duen idatzi bat aurkeztu beharko diote irakasgaiaren

ardura duen irakasleari. Idatzia aurkezteko 9 asteko epea izango dute lauhilekoa hasten denetik kontatzen hasita.



Lauhileko amaieran idatzizko azterketa baten bitartez atal teorikoa ebaluatuko zaie (%85) eta horrez gain laborategiko praktika

bat egin beharko dute (%15). Beharrezkoa da laborategiko praktiken azterketa gainditzea irakasgaia gainditzeko.



Beraz, azken ebaluazioa aukeratuz gero, ikasgaiaren kalifikazioa horrela kalkulatuko da:



0.15 x laborategiko praktikaren nota + 0.85 x azterketa



Laborategiko praktiken azterketa gainditu ez duten ikasleen kalifikazio maximoa 4 izango da, aurreko formularen emaitza edozein izanda ere.

Azken azterketara aurkezten ez diren ikasleak ez aurkeztu bezala agertuko dira ohiko deialdian.

eGela aplikazioa.

Oinarrizko bibliografia

"Física", Tipler y Mosca; Vols 1 y 2, 5ª Edición (2005) o 6ª Edición (2010) Reverté



"Física Universitaria", Young y Freedman (2018) Ed. Pearson



"Física conceptual", P.G. Hewitt (2013) Pearson Mexico



"Fisika zientzialari eta ingeniarientzat", P. Fishbane (2008) EHU Argitalpen zerbitzua



Emandako bibliografia EHU-ko liburutegian dago ingelesez eta gaztelaniaz. Fishbane euskaraz ere badago.