KONPETENTZIAK



Gorputz baliabideen bidez erritmoa eta musika lantzeko gai izatea.



Musika hezkuntzan gorputz kontzientziak duen garrantziaz jabetzea eta jarduera ezberdinetan erabiltzeko gai izatea.



Musika hezitzaile bezala mugimendu eta espazio baliabideak ezagutu eta erabiltzen ikastea.



Dantza eskolan bultzatzearen garrantziaz jabetu eta horretarako baliabideak eskuratzea.



IKASKUNTZA EMAITZAK



Oinarrizko eskema erritmikoak interpretatzea.



Musika jardueretan mugimendua integratzea.



Musika entzuterakoan modu askean mugitzea.



Oinarrizko dantza errepertorioa ezagutzea.



Mugimendu ariketetan ikasle talde bat modu egokian kudeatzea.

1. MUSIKAREN BIZIPENA GORPUTZ ESPERIENTZIATIK ABIATUZ

Gorputz esperientzian oinarritutako musikaren bizipena eta ezagutza landu eta aztertzen da. Musika hezkuntzan oinarrizko baliabide honek suposatzen dituen eragin eta ekarpenen inguruko hausnarketak burutzen dira.

2. ADIERAZPEN ETA SORMENAREN GARAPENA

Gorputz adierazpena musika adierazpenaren manera eta baliabide gisa lantzen da. Inprobisaketak eta talde sormena bultzatzen dira.

3. ADIERAZPEN ERRITMIKOA ETA BERE DIDAKTIKA

Gaitasun erritmikoen garapena sustatzeko oinarri eta baliabide ezberdinen ezagutzak eskuratzen dira, praktikatik habiatuz.

4. DANTZA ESKOLAN.

Dantzak eskola komunitatearen dinamizaio eta integraziorako eta musika hezkuntzari eskaintzen dizkion aukerak ezagutzen dira. Dantza errepertorioa ikasi eta eskolan lantzeko baliabide didaktikoak eskuratzen dira.

5. TALDE JARDUERAK ETA DINAMIZAZIOA GORPUTZ ETA ESPAZIO BALIABIDEEN IKUSPUNTUTIK

Gorputz eta espazio ikuspuntuak kontutan hartzearen garrantzia musika adierazpen jarduerak modu egokian dinamizatzeko. Horretarako esperientzia zuzenetik abiatuz, taldeak dinamizatzeko baliabideak jorratzen dira.

Esperientziatik abiatuz edukiak modu progresiboan kurtsoan zehar lantzen dira. Irakurketa eta hausnarketak ere irakasgaiaren ibilbidearen parte izango dira barneratze prozesuan. Lan talde finkoak ikasturte osorako eratzen dira prozesua aurrera eraman eta aurkeztu beharreko lan gehienak egiteko. Asistentzia eta parte hartze aktiboa ezin bestekoak dira.

Ohizko deialdian ebaluazioa jarraia izango da eta horretarako irakasgaian zehar lortutako ezagutza eta trebetasun ezberdinak ebaluatuko dira. Irakasgaia gainditzeko kurtsoan planteatutako ariketa guztiak burutu beharko dira.



Azken kalifikazioa jartzeko kontutan hartuko dira: Kurtsoan zehar egindako eboluzioa eta eskuratutako baliabideak %10, Klaseko aurkezpenak %10, sormen proiektua %20, aurkeztutako memoria %20, erritmo azterketa praktikoa %20, dantza azterketa praktikoa %20.





EBALUAKETA JARRAIARI UKO EGITEA



Ikasleak ebaluaketa jarriari uko egin eta azken ebaluaziora pasatzea eska dezake. Horretarako irakasgaia hasten denetik bederatzigarren astea bete arteko epea izango du eskaera idatziz irakasleari zuzentzeko. Kasu honetan azterketa egun ofizialean aurkeztu eta eskatzen diren ariketa guztiak gainditu beharko dira irakasgaia aprobatzeko. Azken kalifikazioa jartzeko kontutan hartuko dira: erritmo azterketa praktikoa %20, dantza azterketa praktikoa %20, idatzizko azterketa teoriko-praktikoa %40 eta prestatuta ekarri beharko den mugimendu sorkuntza lan baten zuzeneko aurkezpena %20.

EGELA PLATAFORMAN ESKEGITAKO ORIENTABIDEAK ETA MATERIALAK: irakasgaiaren antolaketa, lan ezberdinak egiteko irizpideak, irakurketarako erreferentziak.

IKUS ENTZUNEZKO BALIABIDEAK

Oinarrizko bibliografia

BACHMANN, M. L. (1998) La rítmica Jaques-Dalcroze. Una educación por la música y para la música. Madrid: Pirámide

WIGMAN, M. (2002) El lenguaje de la danza Barcelona: Ediciones del aguazul

BLASER, A. / FROSETH, J.O/ WEIKART, P. (2001): Música y Movimiento. Actividades rítmicas en el aula. Barcelona: Graó

GARCIA RUSO, H. M. (1997): La danza en la escuela. Sevilla: dip. Foral de Sevilla

Gehiago sakontzeko bibliografia

FUENTES, S. (2008) Pedagogía de la Danza. Bilbao: Asociación cultural danza Getxo
PALACIOS, P. (1985) Cuerpo, sonido, música y otros lenguajes. Bilbao: Cuadernos de ADARRA
SACHS, CURT (1942): Historia Universal de la Danza. Buenos Aires: Centurión
ZAMORA, A. (1999) Danzas del mundo. Madrid: CCS

Aldizkariak

Eufonía: Didáctica de la música. Barcelona: Graó
Música y Educación. Madrid: Musicalis S.A.
Música, Arte y Proceso. Salamanca: Amarús Ediciones