Egungo Euskararen Hiztegia (EEH)

Herenegun azenarioak eta ilarrak egin zizkion [...] gaur indaba pintoak prestatu behar dizkio, eta biharko eltzeko bat geratu diren azenarioekin.  Josu Zabaleta   «Anne Franken egunkaria» - Anne Frank, 2004 - 231. orr.

Zerbait prestatzen ari da sukaldaria, eltzeko baten usainak sudurra gozatu dio.  Aingeru Epaltza   «Mailuaren odola», 2006 - 300. orr.

Badakite, mila hitzek baino gehiago balio duela eltzeko beroak Madrilen, elurra mara-mara ari duenean.  Berria - Euskal Herria   2004-02-28

Orduantxe, eltzekoa egosi eta ontzi batean ogi-apurrak prestatu berriak zituen, eta sorora zihoan igitariei eramatera.  Elizen arteko biblia   DnGr 3,33

Ostatu txukuna da: txukruta eta eltzekoa ematen dute gau osoan.  Monika Etxebarria   «Goragalea» - Jean Paul Sartre, 2003 - 113. orr.

Zopa bikain bat, eltzekoa gantzez eta garbantzuz baina azafrairik eta piperrik gabe, legatz xerra batzuk oliotan frijituak, oilasko errea.  Koldo Izagirre   «Idi orgaren karranka» - Victor Hugo, 2002 - 125. orr.

Sua handitu zuen Ruche jaunak, eltzekoak irakiten jarrai zezan, eta azafraia bota zuen.     «Loroaren teorema» - Denis Guedj, 2006 - 186. orr.

Erantzun zidan, hasieran italieraz eta gero alemanez, tripaki-zopa zela egun hartako eltzekoa.  Anjel Lertxundi   «Ihes betea», 2006 - 179. orr.

Eltzeko, bezperako babarruna eta aza nahastuta atera zuen; guk geuk zerbitzeko.  Inazio Mujika Iraola   «Gerezi Denbora», 1999 - 49. orr.

Urdai gizena ezezik, zerri odolkiak, saiheskiak, hezurkiak, azarekin nahasita, neguko eltzekorik gutiziatuenak genituen oraintsu arte; eta geroztik, barazki berriak Ameriketatik sartu ahalean, aza babernak, aza patatak, eta antzekoak ere bai.  Patziku Perurena   «Trapuan pupua», 2001 - 42. orr.

Orain, joan zaitez Pepponek apaizetxean utzitako erbi-eltzeko goxoa jatera, zurea da eta.  Koldo Biguri   «On Camillo» - Giovanni Guareschi, 2001 - 81. orr.

Zenbait komunikabidetan entzundako harribitxiez, gezurrez eta hankasartzeez osaturiko eltzeko goxoa.  Berria - Kultura   2004-12-12

Eguerdian barau egin eta gero, Santa Ana erruki-etxera joan ginen familia osoa, etxean bazkaldu ez genituen barazkiak eta txerriki gatzatua, eta baita dozena bat arrautza ere, otar estalkidun batean hartuta: hiriko behartsuenei laguntzeko hilean behingo eltzeko domekaren usadio hori zen aitak Hitlerren erregimenari barkatzen zion neurri bakarrenetako bat.  Anjel Lertxundi   «Ihes betea», 2006 - 34. orr.

Jende dezente zebilen sartu-irtenean, nor bere otarrarekin, nor sarezko zakutoarekin, eltzeko domekarekikoak egitera etorrita.  Anjel Lertxundi   «Ihes betea», 2006 - 34. orr.

Badakizu eltzeko domeketako diruen arduradun egin dutela aurten.  Anjel Lertxundi   «Ihes betea», 2006 - 13. orr.