Bilaketa aurreratua

Ogi apurrak

Egungo Euskararen Hiztegia (EEH)

Hasiera:

idor 1 izond urik edo hezetasunik ez duena. ik lehor.

Mahaia xahutu zuen, trapu busti batez igurtzi, eta zura oihal idor batez dirdirarazi. Elena Touyarou   «Hautsi da katea» - Toti Mtz. de Lecea - 39. orr.

Irazpaper zati idor baten gainean ezarri nuen. Juan Garzia   «Sistema periodikoa» - Primo Levi - 87. orr.

Jauntzi idorrak behar dituzte, gureak organ blai egin dira. Elena Touyarou   «Hautsi da katea» - Toti Mtz. de Lecea - 71. orr.

Alde batera eta bestera begiratu zuen aginduak eman nahian, baina ahoa idorra zuen. Fernando Rey   «Ararat mendiaren sumina» - Yasar Kemal - 96. orr.

Ziudadelako putzu bakarra idortzeko beldurrez. Aingeru Epaltza   «Mailuaren odola» - 224. orr.

Río Seco, "Erreka idorra" delakoak izen egokia dauka: ur tintik ez da uhobian. Piarres Aintziart   «Santiago oinez» - 139. orr.

Neskaren begitarteko ubelak zenbatzen ahal nituen, ubelak eta odol idorra zerien urrakoak. Itxaro Borda   «%100 basque» - 203. orr.

Pixa idor urrina zeriela karrikei. Itxaro Borda   «%100 basque» - 111. orr.

2 (lurraz eta kidekoez)

Beroak urtutako elurra lur idorrak irensten duen bezala. Elizen arteko biblia   Jb 24,19

Txarak eta sasiak, horra lur idor-antzu honek ematen duen guztia. Xabier Montoia   «Elektrika» - 145. orr.

Hor da oraindik lur idorra ketan, garaiz aurretik fruitua galtzen duten arbolekin, bai eta gatzezko zutabea ere, arima sinesgabearen oroigarri. Elizen arteko biblia   Jkd 10,7

Lur idorrezko pista. Itxaro Borda   «Zeruetako erresuma» - 235. orr.

Hondar-muino idorren arteko belargune zekenetan. Txillardegi   «Putzu» - 34. orr.

Mendoza, leku idorra, ezagutua da bere fruitu eta partikularzki bere mahasti eta arno onarendako. Herria   2005-06-02

Bihurgune bazterrean den leku idor zabal batetara gidatzen du bere zaldia. Michel Oronoz   «Oilandoiko ermita» - 209. orr.

Pertsiar barbaroen sorterria [...] menditsua eta idorra zen. Iñaki Mendiguren   «Historiaren azterketa II» - A.J. Toynbee - 54. orr.

Menditxo idor batzuk ikusten ahal ditugu aurrez, harresien gainetik. Koldo Izagirre   «Agirre zaharraren kartzelaldi berriak» - 135. orr.

Jaurtigailu gehienak eremu idorretan erori ziren, baina bakar batzuk inguruko herrietan erori ziren. Berria - Mundua   2006-04-05

3 (landare gauzez) ik ihar 3.

Hosto idor herbal bat. Itxaro Borda   «Zeruetako erresuma» - 62. orr.

Charly ene ondoan zegoen, bere ezker eskuko ahurraren gainean hosto pikatu idorrak tabako gorriarekin nahasten ari. Aingeru Epaltza   «Rock'n'roll» - 22. orr.

Belar idor izpiak ditu oraindik ilean eta aurpegian. Pello Lizarralde   «Larrepetit» - 20. orr.

Sasitzetan kiribilduriko liken idorrak eta lahar handiak edonon hasten ziren. Agustin Otsoa   «Eraztunen Jauna III» - J.R.R. Tolkien - 244. orr.

Ibarreko zuhaitzen artetik adar idor erori berri baten kraskada heldu zaio. Pello Lizarralde   «Larrepetit» - 108. orr.

Bildu belar metatxo baten gainean, bi egur idor bermatu zituen Martizek eta gizonetarik batek sua eman zion. Itxaro Borda   «Zeruetako erresuma» - 15. orr.

Su eman zioten zamak gerizatzeko erabiltzen zuten lasto idorrari. Elena Touyarou   «Hautsi da katea» - Toti Mtz. de Lecea - 292. orr.

Garai batean arakatu zuen, pipermin idor bat aurkitu arte. Aingeru Epaltza   «Rock'n'roll» - 214. orr.

4 (janariez)

Txokolatesnea edo kafea aukeran eta bizkotxa xerra idor bana. Itxaro Borda   «Zeruetako erresuma» - 166. orr.

Galleta idor batzuk. Aingeru Epaltza   «Rock'n'roll» - 208. orr.

Eguerditan salda ura eta ogi puska idor bat. Itxaro Borda   «Zeruetako erresuma» - 243. orr.

Arrain idorraren hezurrak. Juan Garzia   «Bizi alegiazkoak» - Marcel Schwob - 39. orr.

"Banque alimentaire" edo jateko idorren biltzea. Herria   2003-11-27

· Datilak jan dituzue, piku idorrak, pastiza zati zenbait. Xabier Montoia   «Elektrika» - 153. orr.

Foagras klase frantses guziak, aintzinako ahate-gibel piko idorrez gozatu haien kopia txarrak baino ez direla. Patziku Perurena   «Harrizko pareta erdiurratuak» - 18. orr.

5 (eguraldiaz, klimaz) ik ihar 4.

Gertatzen zen, udak idorregiak zirenean, belarra eskas eta pittikek korda ausikika hausten zutela. Itxaro Borda   «Zeruetako erresuma» - 299. orr.

Sasoin idorra abendutik maiatza arte. Ramuntxo Etxeberri   «Skyroom» - 167. orr.

50 eguneko lehorte idorrean. Pello Zabala   «Naturaren mintzoa» - 324. orr.

Uda guziz komedia bera, aroa idor izaiten den pondutik. Herria   2004-07-29

Hotz idorra baino txarragoa zen hura, hezurretaraino sartzen baitzen eta egun guziko gelditzen. Eneko Bidegain   «Anbroxio» - 121. orr.

6 hed/irud

Lurraren izerdian usain beroak eta hotzak, hezeak eta idorrak dira nahasian. Pello Lizarralde   «Larrepetit» - 11. orr.

Urratua dut aurpegia, zimur idorrez betea, arraildua azala. Berria - Kultura   2006-02-28

Naftalina-kiratsa omen zerion eta heste-idor aurpegia omen zuen. Juan Garzia   «Sistema periodikoa» - Primo Levi - 161. orr.

Sukaldean sua behiaren ximaur idortuarekin egiten da oraindik ere. Gotzon Garate   «India harrigarria» - 13. orr.

Sute idorraren beroa. Itxaro Borda   «Zeruetako erresuma» - 13. orr.

Hastapenean kosta zitzaidan, adibidez, [...] ene familian ikasi nuen "dautzut" uztea, diptongoaren galtzea, "dizut" idorra hautatzeko... Ana Urkiza   «Zortzi unibertso, zortzi idazle» - 145. orr.

Hilobi Sainduko batimendu idor beltzairea. Txillardegi   «Putzu» - 184. orr.

Bi pareak elgarren bete izanez partida luze eta idorra izan da. Herria   2004-07-22

Hain kolpe idorra nun gaixoak begi bat galdu baitu. Herria   2003-08-14

7 edariez mintzatuz, azukre kopuru txikia duena, gozoa ez dena.

75 tona sagarrekin atera dituzte 35000 pinta sagarno idor, 5000 pinta goxo eta 5000 sagarno-jus. Arno xuri idor bat bainan hautua, biziki ona! Menane Oxandabaratz   «Ez da musik» - 209. orr.

Ohiko bezeroak behean, piano-barrean, beren martini idorrei hurrupaka. Oskar Arana   «Brooklyngo erokeriak» - Paul Auster - 121. orr.

8 hotsez mintzatuz, erresonantziarik ez duena.

Tanpez erori da presoa, hots idorra ateraz. Xabier Montoia   «Elektrika» - 113. orr.

Semaforoen klask idorra baino ez zen entzuten. Iban Zaldua   «Itzalak» - 146. orr.

Urruneko urratsen harrabots idorrak. Filipe Bidart   «Bakartasunaz bi hitz» - 11. orr.

Bi eztul idorren oihartzun ahula. Itxaro Borda   «%100 basque» - 213. orr.

· Bere barrunbean ate-danbada idor bat entzuten du, eta danbada horrek adierazten dio beste zorigaitz bat erori zaiola gainera. Iñaki Segurola   «Gaur ere ez du hiltzeko eguraldirik egingo» - 148. orr.

9 gozotasunik edo txerarik gabea (pertsonetan).

Irribarre idor bat zuzentzen dio Hakim jaunari. Oskar Arana   «Lotsaizuna» - John Maxwell Coetzee - 66. orr.

Irribarre idor bat zuela aho zilarrezkoan. Karlos Linazasoro   «Ez balego beste mundurik» - 26. orr.

Sarrerazainaren keinu idorra ikusirik, desenkusaka hasi nintzaion: banekiela ixteko ordua zela eta barkatzeko. Anjel Lertxundi   «Argizariaren egunak» - 224. orr.

Sekula ez ziren enekin mintzatzen, beti aurpegi ilun idor bat, ateak kliski-klaska zabaltzen, goizetan bonjour! eta arratsetan bonsoir!, besterik deus... Filipe Bidart   «Bakartasunaz bi hitz» - 67. orr.

Haurrak aita idor eta bakarti hortatik urrundu ziren. Ramuntxo Etxeberri   «Skyroom» - 38. orr.

Joantto Ithurbide ezagutzen zuen, kasik haurrak zirenetik, eta haren aire otzan eta idorrak beti erakarri zuen. Elena Touyarou   «Hautsi da katea» - Toti Mtz. de Lecea - 65. orr.

-Edo joatera behartzen dituztenean -zehaztu zuen gazteak, molde idorrean. Elena Touyarou   «Hautsi da katea» - Toti Mtz. de Lecea - 32. orr.

Norbait balditurik utzi nahi zuenean bozari ematen ohi zion doinu idorraz. Elena Touyarou   «Hautsi da katea» - Toti Mtz. de Lecea - 132. orr.

10 (gauzetan)

Ezin jasanezko pena baten zama idorrak lehertua zeukan Josepe. Janbattitt Dirassar   «Bihotzeko mina» - 181. orr.

Behin eta berriz ametsaldiak kitto, eta errealitate idorra gailen. Txillardegi   «Labartzari agur» - 138. orr.

Badela oraino nun zer egin jendetasun gehiagoren sartzeko lanaren mundu hortan, frangotan idorregia kausitzen ahal den mundu hortan... Herria   2004-04-29

Eta bada tristura more bat, idorra, iharra, izerdi larria bezain hotza. Iñaki Segurola   «Gaur ere ez du hiltzeko eguraldirik egingo» - 132. orr.

Baina ilargiak baditu bere aldiak, argia batean halako xuri azkar eta idorrean, bestean halako herbail eta minduan. Michel Oronoz   «Oilandoiko ermita» - 58. orr.

Lau mende lehenago Behenafarroa Nafarroa zen, baina gizonen lege idorrek aspaldian ahantzirik zeukaten. Angel Aintziburu / Jean Baptiste Etxarren   «Luzaiden gaindi» - 168. orr.

Bere gauak iragaiten zituen beztiturik eta taula idorraren gainean etzanik; goizetan hirur orenetan jeikia zen eta otoitzari lotua. Xipri Arbelbide   «Janpierre Arbelbide» - 129. orr.

11 (erkaketetan)

Ostegunetako eten hori gabe astea basamortua bezain idorra da. Oskar Arana   «Lotsaizuna» - John Maxwell Coetzee - 19. orr.

· 12 (predikatu edo adizlagun gisa) ik idorki.

Kasko kaskoan den harrokaren inguruan, belarra idor eta motz. Michel Oronoz   «Oilandoiko ermita» - 16. orr.

-Jaiki bai, esnatu ez oraindik -ihardesten diegu irri etsia ezpainetan, begiak idor eta mihiak totel. Itxaro Borda   «%100 basque» - 149. orr.

Egokitzen zaigun tokian kausitzen gara, begiak idor eta aho zokoak lehor. Itxaro Borda   «%100 basque» - 171. orr.

Aho zokoa idor neukan. Itxaro Borda   «Entre les loups cruels» - 25. orr.

Idor eta antzu nengoen. Itxaro Borda   «%100 basque» - 135. orr.

Zu ez kezkatu horretaz -erantzun zion funtzionarioak, idor. Jose Morales   «Zazpi urkatuak» - Leonid Nikolaievitx Andreiev - 50. orr.

Horra Baionattipiko trinket zaharra airestatu dela, partida huntako lekua sano eta idor utziz. Herria   2005-01-20

· Han-hemen bildu duzuna behar duenean, aski du zu estutzea, eta aurki zaude, belaki, ostera ere idor-idor. Juan Garzia   «Hamlet» - William Shakesperare - 161. orr.

· 13 (-en edo -ko atzikien eskuinean, izen gisa) idortasuna.

Bizitzaren idorrak kontrastea egiten zuen naturaren oparotasunarekin. Jon Maia   «Riomundo» - 67. orr.

Bozaren idorrean ezagun du gaizki hartu duela bere hitzen hista egitea. Aingeru Epaltza   «Lasto sua» - 58. orr.

Medikuaren idorra ez nuen onartu, bidezkoa izanikan ere. Piarres Aintziart   «Azken apeza» - 85. orr.

Bigarren izena lurraren idorrarekin dago erlazionatua. Pello Salaburu   «XX. mendearen argi-itzalak» - 39. orr.

· Egia esan, munduko ur guztiek ezin izango zuten nire eztarriko idorra beratu, laborriak eragin ohi duen egarria baitzen nirea. Edorta Jimenez   «Sukar ustelaren urtea» - 363. orr.

14 idorreko izlag

Inguruko soroak ez ziren baratzeak, idorreko lurlan erdi menditsuak baizik. Josu Zabaleta   «Jakintzaren arbola» - Pio Baroja - 139. orr.

15 idor-idorra adlag ipar idor-idor. ik gorago 12.

Ahoa idor-idorra. -Beste behin kontrabandoan? -galdegin zion, idor-idorra, paketa erakutsiz. Elena Touyarou   «Hautsi da katea» - Toti Mtz. de Lecea - 141. orr.

16 idor-idorrik adlag

Begiak sutan gorri eta idor-idorrik geneuzkan biok, beira goriari luzaroegi begiratzez. Juan Garzia   «Sistema periodikoa» - Primo Levi - 45. orr.

17 sos idor janaria barne ez duen lansaria.

Bidarten, etxe berri batzu egiten ari dituzten toki batean, polizak arrastatu ditu bost lagun, denak turkoak, beltzean ar-arazten zituztenak hargintzan, aterbea etxola batean segurtatuz kasik han berean eta jornala sos idorrez pagatuz. Herria   2004-10-14

hitz multzoen maiztasunak (gutxienez 3 aldiz agertzen direnak)

begiak idor (3); belar idor (6); hosto idor (3); idor idorra (5); idor idorra (5); idorra izan (5); leku idor (6); lur idor (6); lur idorra (3); ogi idorra (3); piko idorrez (3)

 



Nodoa: liferay1.lgp.ehu.eus