Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ilargi (orobat illargi g.er.) 1 iz Lurraren satelitea, Eguzkiak argitzen duena, gaueko argizagi nagusia.

Duela 35 urte Neil Amstrong izan zen Ilargian pausoak eman zituen lehen gizakia. Berria - Gaiak   2004-07-22

Ilargiko lurrazala aztertzeko robota bidali nahi du Bushek gizakia bidali aurretik. Berria - Gaiak   2004-01-15

Ilargiko harri kozkor batzuk eta han lurrean bildu dugun errautsa. Pello Salaburu   «XX. mendearen argi-itzalak» - 85. orr.

Ilargiko kraterren irudi bat. Josu Zabaleta   «Irudia» - Jacques Aumont - 64. orr.

Ilargiko beste mineral bat aurkitu dute, 2000. urtean Lurrera iritsitako meteorito batean. Berria - Gaiak   2004-04-28

Ilargiko ipar-poloko puntu batean. Berria - Gaiak   2004-03-21

Triku ikusi nuen Obabako ostatuan Amstrong eta bere kideak ilargira iritsi ziren egunean. Bernardo Atxaga   «Soinujolearen semea» - 444. orr.

Ilargira aurrenezkoz heldu zirenak sobietarrak izan ginen. Iban Zaldua   «Itzalak» - 138. orr.

Hiru eguneko bidaia da Lurretik ilargirakoa. Herria  

Teleskopioarekin ilargiko izakien bizitza ikus daitekeela. Berria - Kultura   2004-05-21

ik ilargitar. 8388

Ilargiak lurra inguratzeko behar duen denbora. Pello Salaburu   «XX. mendearen argi-itzalak» - 26. orr.

2 Ilargiaren itxura Lurretik ikusten den bezala.

Ilargi gabeko gau bat zen, aire gabea, erregarria. Josu Zabaleta   «Fantasiazko ipuinak» - Guy de Maupassant - 211. orr.

ik ilargigabe. 8391

Ilargirik gabeko gaua zen. Michel Oronoz   «Oilandoiko ermita» - 173. orr.

Biak ilargirik gabeko zeruari begira zeuden gau batean. Xabier Aranburu   «Alkimista» - Paulo Coelho - 179. orr.

Ilargiak argitzen zuen dena, eta gauzarik txikienak ere ikus nitzakeen. Koro Navarro   «Zertaz ari garen maitasunaz ari garenean» - Raymond Carver - 43. orr.

Eguzki, ilargi eta izarrek distira egiten dute eta esaneko dira eman zaien eginkizuna betetzen. Elizen arteko biblia   JrGt 1,59

Ilargi gorri handi-handi bat altxatzen da ezponda atzetik. Koldo Biguri   «On Camillo» - Giovanni Guareschi - 37. orr.

Ilargi zurbila baino zurbilago geratu zen aita. Joan Mari Irigoien   «Odolean neraman» - 98. orr.

Koroa txikia ilargiaren jiran uztaitua sarri ikusi ohi da. Pello Zabala   «Naturaren mintzoa» - 375. orr.

Ilargi koroatua, laster euri zioten Azpeiti aldean. Pello Zabala   «Naturaren mintzoa» - 375. orr.

Hiru brie gazta, ohol biribil batzuen gainean, malenkoniatsu ageri ziren, ilargi itzaliak iduri. Karlos Zabala   «Parisen sabela» - Emile Zola - 323. orr.

Ilargiak bere betealdia izan eta gero, ilzahartu eta gero, beheruntz abiatu denean. Pello Zabala   «Naturaren mintzoa» - 407. orr.

Ilargiaren gorapenean jarritako arrautzetatik, gehienak oilasko; beherapenean ipinitakoetatik, oilandak. Pello Zabala   «Naturaren mintzoa» - 103. orr.

Ilargi lehen laurdenean gaude eta beherapena. Herria   2001-10-04

Ilargiaren distira hor-hemen. Jose Morales   «Arima hilak» - Nikolai Gogol - 322. orr.

3 beste planeta baten satelitea.

Cassini-Huygens espazio zundak beste bi ilargi atzeman ditu Saturnoren orbitan. Berria - Gaiak   2004-08-18

Neptunon beste bost ilargi atzeman ditu nazioarteko astronomo talde batek. Berria - Gaiak   2004-08-20

Phobos, Marteren ilargia. Berria - Gaiak   2004-12-16

Jupiterren mapa bat hartu eta haren ilargien izenak ikasten hasi zen. Iñaki Mendiguren   «Harry Potter eta Azkabango presoa» - J.K. Rowling - 224. orr.

Saturnoren Titan ilargi gorrixkan lur hartuko du robotak, ilargi hori solidoa baita. Berria - Gaiak   2004-06-30

Diotenez, Uranoko gainerako ilargien antzekoa dirudi sateliteak. Berria - Gaiak   2006-04-08

Titan ilargiaren orain arteko irudirik zehatzenak. Berria - Gaiak   2004-12-28

Xena-k ilargi bat duela. Berria - Gaiak   2006-02-03

Sedna planetak ez du ilargirik. Berria - Gaiak   2004-04-16

2008ko udaberrian beste aukera bat izango du Cassini zundak Enceladusi argazkiak egiteko, ilargitik 350 kilometrora igaroko baita. Berria - Gaiak   2006-03-11

Planeta eta ilargietan laginak hartu behar dituzten misioek ziurtatu behar dute aurkituko diren gaiak ez dituela zundak berak lurretik eraman. Berria - Gaiak   2004-11-07

4 (hitz elkartuetan lehen osagai gisa)

Ez zen oroimen-irudimenetan agertzen zitzaidan bezalakoa, ametsezkoa eta ilargi-argiak argitua. Ander Irizar   «Eszterren ondarea» - Sandor Marai - 68. orr.

Hegazkinaren hegalak ilargi-argitan diz-diz, hotz. Joxe Austin Arrieta   «Homo Faber» - Max Frisch - 36. orr.

Ilargi-gaua zenean, haren argitan aritzen zitunan lanean. Anton Garikano   «Maitea» - Toni Morrison - 95. orr.

Bizarginaren ilargi-itxurako aurpegi koipetsua. Lopez de Arana   «Manhattan Transfer» - John Dos Passos - 36. orr.

Aurrerantzean ez duzu eguzkirik beharko eguna argitzeko, ez eta ilargi-distirarik ere gauez. Elizen arteko biblia   Is 60,19

Ilargi-errainuarena aitzakia hutsa baitzen, neska erromantikoren bat engainatzeko. Xabier Mendiguren Elizegi   «Uda betiko balitz» - 101. orr.

Begira jarri zen ilargi esnez bustita zirudien ganbera hartan. ik 16. Felipe Juaristi   «Itzarri nahi ez zuen printzesa» - 252. orr.

Agindu horiei jarraituz, ilargi giroko eszena misteriozko bat eratuko da. Josu Zabaleta   «Sei pertsonaia autore bila» - Luigi Pirandello - 129. orr.

Ilargi-paisaje hartan. Jon Alonso   «Erretzaileen eremua» - 101. orr.

Noiz hasten da ilargi eguna? Pello Zabala   «Naturaren mintzoa» - 389. orr.

Ilargi urte bateko epean, ikusezin izendatu naute. Juan Garzia   «Ipuin hautatuak» - Jorge Luis Borges - 47. orr.

Nor bere Ilargi-urtearen arabera. Patxi Iturritegi   «Behi eroak» - 135. orr.

Babiloniarrek, esaterako, ilargi egutegia zuten, 30 eguneko hamabi hilabetekoa. Pello Salaburu   «XX. mendearen argi-itzalak» - 29. orr.

Zilar-koloreko ilea eta bizar luzeak zituen, ilargi-erdiaren tankerako betaurrekoak eta sudur guztiz kakotua. Iñaki Mendiguren   «Harry Potter eta sorgin harria» - J.K. Rowling - 78. orr.

Mendi ostean erortzear dagoen ilargi laurden hori mehe batek odaiertzaren ertzetik argitzen duen gau hits zuhaila. Josu Zabaleta   «Fantasiazko ipuinak» - Guy de Maupassant - 282. orr.

Badakigu ilargi betealdi bakoitzak 29 egun eta puxka bat dituena. Pello Zabala   «Naturaren mintzoa» - 35. orr.

Arropa amerikano arruntak zeramatzaten soinean, beren ilargi-ospakizunerako. Joxe Austin Arrieta   «Homo Faber» - Max Frisch - 65. orr.

Elizak [...] bere egun eta festa nagusiak ilargi jokoaren mende kokatzen ditu. Pello Zabala   «Naturaren mintzoa» - 105. orr.

Ilargi izpi bat ere ez zen ageri. Pello Zabala   «Naturaren mintzoa» - 403. orr.

Ez dirudi pozik daudenik, izuturik baizik, ilargi kolorea hartu die aurpegiak. Felipe Juaristi   «Airezko emakumeak» - 162. orr.

Mitxeletak zebilzkion buruaren inguruan, mitxeleta zuri, ilargi-kolorekoak. Felipe Juaristi   «Itzarri nahi ez zuen printzesa» - 199. orr.

Ilargi aldaketa garaietan. Itxaro Borda   «Zeruetako erresuma» - 13. orr.

Ilargi-izpi eskukadak harrapatzeko. Julen Gabiria   «Peter Pan» - James Matthew Barrie - 245. orr.

5 ilargitan ilargiaren argitan

-Ilargitan bezain ederra zara eguzkitan ere -eten zuen Andreasek isiltasuna. eta eguzkitan, ilargitan eta izar guztien argitan zabalduko dituzte. Anjel Lertxundi   «Azkenaz beste» - 118. orr.

Harryk Firenzeren buruaren atzealdeari begiratu zion, eta ilargitan zilarreztatua ematen zuen. Iñaki Mendiguren   «Harry Potter eta Azkabango presoa» - J.K. Rowling - 234. orr.

Badoa apaiza maldan gora, arnaska, ilargitan itzal beltza arrastaka daramala. Anjel Lertxundi   «Konpainia noblean» - 227. orr.

Gure itzalak ilargitan: guraizez ebakitako siluetak!, Sabethen irudiko. Joxe Austin Arrieta   «Homo Faber» - Max Frisch - 228. orr.

6 eguzki-ilargi pl eguzkia eta ilargia.

Eguzki-ilargiok, bedeinka ezazue Jauna. Elizen arteko biblia   DnGr 3,62

Haien aurrean dardar dagi lurrak, ikara da zerua; eguzki-ilargiak ilundu egiten dira, izarrek beren dirdira galtzen. Elizen arteko biblia   Jl 2,10

Zureak dira gau-egunak, zuk eratuak eguzki-ilargiak. Elizen arteko biblia   Sal 74,16

Haren edertasuna eguzki-ilargiek miresten baitute. Askoren artean   «Asisko Frantzizko, Asisko Klara» - 1201. orr.

Eguzki-ilargien orbitak nola sortu zituen. Xabier Amuriza   «Gauzen izaeraz» - Lukrezio - 331. orr.

· Handik isurtzen baitigute eguzki-ilargi-izarrek euren argia lurrera. Imanol Unzurrunzaga   «Hainbat idazlan» - San Agustin - 236. orr.

7 ezti-ilargi eztei bidaldia.

Eta Gabriel Grettarekin zihoan berriro kotxean, lauhazka, ontzia hartzera, lauhazka, beren ezti-ilargira. Irene Aldasoro   «Dublindarrak» - James Joyce - 318. orr.

8 ilargi amandre

Atarian eserita, izarrei eta ilargi amandreari begira. Aitor Arana   «Onan» - 59. orr.

Xarma berezia dizu ilargi amandreak horrelakoetan. Pello Zabala   «Naturaren mintzoa» - 437. orr.

Ilargi amandrea, zeruan zer berri? Pello Salaburu   «XX. mendearen argi-itzalak» - 36. orr.

-Gu biok eta Ilargi Amandrea. Koro Navarro   «Artistakume baten erretratua» - Dylan Thomas - 225. orr.

· Ilgora eta ilbehera, hortxe dabil gizendu eta flakatu, bete eta hustu gure amandre ilargia. Pello Zabala   «Naturaren mintzoa» - 287. orr.

9 ilargi beltz ilargi berria.

Hilabete hastapeneko gau batez, ilargi beltzaren ilunaz baliatuz, haren lantegitik hartu trukesekin alanbre xixtadun 8atzuen moztera ahalegindu zen. Eneko Bidegain   «Anbroxio» - 146. orr.

10 ilargi berri ik ilberri.

Asteartearen edo ostiralaren maldiziotxoa berekin ekarriko ote zuen ilargi berri edo ilbeteak. Pello Zabala   «Naturaren mintzoa» - 218. orr.

Izan zen udazken bat, aspaldikoa, zeinetan ilargi berria San Martin egunez egokitu zen, azaroaren 11n. Pello Zabala   «Naturaren mintzoa» - 399. orr.

Pazkoz ilargi-zar, hausterrez ilargi berri akordatuko ziren. Pello Zabala   «Naturaren mintzoa» - 133. orr.

Astearte huntaz geroz ilargi berriarekin gorapena, Astearte huntako ilargi berriarekin gorapentzen gira. Herria   2003-07-31

Ortzegun huntan ilargi berria, gorapentzen, aro ederraren meneko gaude. Herria   2001-06-21

11 ilargi bete ik ilbete.

Ilargi betea da gaur. Xabier Etxabe   «Lurtarra da begiratua» - 169. orr.

Ilargi betea ortzegun huntan. Herria   2002-12-19

Ilargi beteko gauetan. Joan Mari Irigoien   «Lur bat haratago» - 602. orr.

Ilargi betetik ilargi betera. Pello Zabala   «Naturaren mintzoa» - 67. orr.

Jo turuta ilargi berrian, eta ilargi beteko gure jaiegunean. Elizen arteko biblia   Sal 81,4

Nire buru gainean, ilargi handi, bete, zabal bat hedatzen zen, zeru urdinkara esnezko baten erdian argi ematen. Josu Zabaleta   «Fantasiazko ipuinak» - Guy de Maupassant - 97. orr.

Mutil galant bat irten zen, ilargi betearen parekoa, bibote sarriekikoa eta masail gorriduna. Patxi Zubizarreta   «Mila gau eta bat gehiago» - Anonimoa - 74. orr.

Nire bi titiek salto egin zuten aske, xamurrak eta ederrak bi ilargi beteen antzera. Karlos Zabala   «Buda zoriontsuen etxea» - João Ubaldo Ribeiro - 84. orr.

Zenbat, haur eta heldu, txundituta egon izan diren ilargi bete-beteari begira! Pello Zabala   «Naturaren mintzoa» - 437. orr.

Ilargi ia betea leihotik. Joxean Sagaztizabal   «Kutsidazu bidea Ixabel» - 20. orr.

Ilargi betearekin beherapenean sartu gira aste huntan. Herria   2002-07-25

Ilargi betea eta beherapena igandean. Herria   2003-07-10

12 ilargi-eri ilargi-joa.

Ebanjelioan ageri diren ilargiak-jotako haien gaitza, Jesusi senda zitzan bazter guztietatik eramaten zizkioten haiena: ilargi-eriak, halaxe deitu izan zaie aspaldiko itzulpenetan. Pello Zabala   «Naturaren mintzoa» - 404. orr.

Ilargi-eriz jota etorri badira. Pello Zabala   «Naturaren mintzoa» - 404. orr.

13 ilargi eklipse

Bezperatik komunikabideetan iragarrita zegoen gau hartan ilargi-eklipsea izango zela. Aitor Arana   «Onan» - 59. orr.

Egun hartan egokitu zen ilargi-eklipse bat. Pello Zabala   «Naturaren mintzoa» - 445. orr.

Ilargi-eklipse bat zertan datzan ongi aski ez baneki bezala. Joxe Austin Arrieta   «Homo Faber» - Max Frisch - 187. orr.

Ordura arte sekula ez baikenuen, ezta nik ere, hain ilargi-eklipse argirik ikusi. Joxe Austin Arrieta   «Homo Faber» - Max Frisch - 188. orr.

Almanaka bati esker ilargi-eklipse baten berri izan zuen. Martin Anso   «Elezaharren bidetik» - 55. orr.

14 ilargi-erdi (orobat ilargierdi g.er.) diskoaren erdia edo gutxiago argitua duen ilargiaren irudia.

Andaluziar ikurrak azaltzen dira, arabiar ilargi erdiarekin batera. Berria - Kultura   2004-11-03

Launa zauri ziren esku bakoitzean, ilargi erdien antzekoak. Alberto Ladron Arana   «Eguzki beltzaren sekretua» - 201. orr.

Zortzi ilargi erdi odoltsu haiei begira. Alberto Ladron Arana   «Eguzki beltzaren sekretua» - 201. orr.

Estalpeko kale nagusiaren gangaren armazoi garaiak argitasunezko ilargi erdi bat ebakitzen zuen zeruaren urdin zurbilean. Karlos Zabala   «Parisen sabela» - Emile Zola - 47. orr.

Ikusi nuen bihotzaren aldea gurutzatzeko xedeaz pentsatua zegoela ilargierdia. Koro Navarro   «Kontakizunak» - Edgar Allan Poe - 109. orr.

Zilar-koloreko ilea eta bizar luzeak zituen, ilargi-erdiaren tankerako betaurrekoak eta sudur guztiz kakotua. Iñaki Mendiguren   «Harry Potter eta sorgin harria» - J.K. Rowling - 78. orr.

Ilargi erdi baten itxurako kateorratz bat. Patxi Zubizarreta   «Mirarien kalezuloa» - Nagib Mahfuz - 323. orr.

Zaldiraino joan eta ilargi-erdi itxurako ezpata luzea hartu zuen Alkimistak. Xabier Aranburu   «Alkimista» - Paulo Coelho - 164. orr.

Ararateko gailurraz bestaldean eguzkia artean ez zen ilargi-erdi gorri bat besterik. Fernando Rey   «Ararat mendiaren sumina» - Yasar Kemal - 20. orr.

Azazkaletako ilargi erdiak akasgabeak zituen. Irene Aldasoro   «Dublindarrak» - James Joyce - 102. orr.

15 Ilargi Erdi Gorri Ilargi gorria.

«Inongo babesik gabe sartu dira, Armada estatubatuarraren kontrol batean minutu batzuk geldi pasa ondoren», adierazi zuen Ilargi Erdi Gorriko bozeramaile batek. Berria - Mundua   2004-11-14

Munduko Elikadura Programako (PAM) bi langile sudandar eta Ilargi Erdi Gorriko beste hiru bahitu zituztela larunbatean Darfur hegoaldean. Berria - Mundua   2004-08-31

Ilargi Erdi Gorriak artatu behar izan zituen. Berria - Mundua   2004-11-13

16 ilargi esne

Mineral sekundario ezezagunez osatutako egoera berezi hori osatzen zuen substantziari moonmilk edo ilargi esne izena jarri zioten orduan zientzialariek. Berria - Gaiak   2004-12-31

Aizarnan ilargi esnezko erreka bat dagoela argitu du Aranzadi elkarteak. Berria - Gaiak   2004-12-31

Ilargi esnea paretetan dagoen estaldura bat da, zuria eta distiratsua. Berria - Gaiak   2004-12-31

Ernioko errekako ilargi esnea, berriz, egoera likidoan dago. Berria - Gaiak   2004-12-31

17 Ilargi Gorri Gurutze Gorriaren arabiar kidekoa.

Ilargi Gorria erakundearen arabera. Ilargi Gorriko bozeramaile Ahmed Al Rauiak. Herria  

Ilargi Gorriko arduradun Ahmedu Uld Haiek azaldu zuenez. Berria - Mundua   2006-03-07

Irakeko Ilargi Gorriak azaldu duenez, Falujako erasoa baino lehen, 300.000 pertsonak alde egin zuten hiritik. Ilargi Gorriko zuzendariak, Fardous al Ubaidik giza hondamendia gertatzen ari dela ohartarazi zuen. Herria  

Ilargi Gorriak Mauritanian duen ordezkaritzak atzo jakinarazi zuenez. Berria - Mundua   2006-03-09

Emakumea Ilargi Gorriak Bamen duen ospitalean dago orain. Berria - Mundua   2004-01-04

«Populazioarentzat osasun arrisku handia dira gorpuak», azaldu zuen Gurutze Gorriaren eta Ilargi Gorriaren Elkarteen Nazioarteko Federazioko kide Marko Kokicek. Berria - Mundua   2004-05-29

18 ilargi-jo (orobat ilargijo) Ilargiaren eraginpean dagoen pertsona, aldizkako zoroaldiak dituena.

Badira, bai, artean ere, ilargi-joak eta ilargi-aldiak dituztenak... Pello Zabala   «Naturaren mintzoa» - 404. orr.

Ilargitar [...] Ilargiko biztanlea, ilargi-joarekin nahasi behar ez dena; hori ilargiak. Xabier Olarra   «Deabruaren hiztegia» - Ambroise Bierce - 150. orr.

Eta Hitlerrek halako ilargijo bat dauka bere buruzagien artean? Alberto Ladron Arana   «Eguzki beltzaren sekretua» - 102. orr.

18a ilargi urte Lurreko behatzailearentzat Ilargiak eguzkiaren inguruan 12 itzuli egiten ematen duen denbora, gutxi gorabehera 354 egunek osatzen dutena.

Ilargi urte bateko epean, ikusezin izendatu naute: oihu negien eta ez zidaten erantzuten, ogia ebasten nuen eta ez zidaten bururik mozten. Juan Garzia   «Ipuin hautatuak» - Jorge Luis Borges - 47. orr.

Mahai inguruan esertzeko orduan ere oso kontuan hartzekoa omen zen Kua zenbakia, eta halaxe jarri ginen, txintxo-txintxo, nor bere Ilargi-urtearen arabera. Patxi Iturritegi   «Behi eroak» - 135. orr.

19 ilargi zuri (orobat xuri) ilargiaren argia. ik ilargite.

Beha egoiten gara, beha luzaz, ilun beltza da -ilargi xuri. Marzel Etxehandi   «Alemaniara deportatua» - Grégoire Joannateguy - 148. orr.

Gaua ederra da, ilargi xuri eta hotzik ez. Angel Aintziburu / Jean Baptiste Etxarren   «Luzaiden gaindi» - 128. orr.

Ilargi-zuritan ikusi zen altzairuaren distira. Xabier Aranburu   «Alkimista» - Paulo Coelho - 152. orr.

Ur beltz dirdiradunaren klaxka-klaxka ilargi zuritan. Aurelia Arkotxa   «Septentrio» - 148. orr.

Eduardo Gerra burusoila, Zilarbizi ezizenez ezagunagoa, ilargi zuritan haren buruak zilarbiziak bezala egiten baitzuen distira. Felipe Juaristi   «Itzarri nahi ez zuen printzesa» - 242. orr.

Arrats hartan bi gizon, ingelesak, mugaraino lagundu behar zituen, ekaineko aro eder eta epel batez, ilargi xuria lagun. Eneko Bidegain   «Anbroxio» - 59. orr.

Azken dolarra ere joka dezakek ez dela ez ilargi xuririk ez ele-melerik izango. Irene Aldasoro   «Dublindarrak» - James Joyce - 118. orr.

Ilargi zuria zen, orbainez estalia. Koro Navarro   «Zertaz ari garen maitasunaz ari garenean» - Raymond Carver - 43. orr.

Haren begiak bi ilargi zuri ziren, handi-handiak. Jon Muñoz   «Ispiluen gainean lotan» - Jordi Sierra i Fabra - 233. orr.

· Ilargi-xuritea dela gauero sartu zaigu buruan. Pello Zabala   «Naturaren mintzoa» - 403. orr.

20 ilargi zahar ilargi betea. ik ilbete.

Pazkoz ilargi-zar, hausterrez ilargi berri akordatuko ziren. Pello Zabala   «Naturaren mintzoa» - 133. orr.

Goian ilargi izoztu eta zahar-zaharra ñirñirka ari zen, mendigainak erdizka estalirik. Fernando Rey   «Ararat mendiaren sumina» - Yasar Kemal - 49. orr.

hitz multzoen maiztasunak (gutxienez 4 aldiz agertzen direnak)

eguzki eta ilargi (4); ilargi aldera (5); ilargi amandrea (4); ilargi argitan (8); ilargi aurpegiduna (4); ilargi bat (7); ilargi berria (11); ilargi berriarekin (7); ilargi bete (7); ilargi betea (31); ilargi betea zegoen (4); ilargi beteak (14); ilargi betearekin (5); ilargi betearen (11); ilargi beteari (4); ilargi beteko (13); ilargi beteko gau (4); ilargi beteko gauetan (4); ilargi eklipse (4); ilargi eklipsea (6); ilargi erdi (11); ilargi erdiaren (7); ilargi esnea (5); ilargi gabeko (4); ilargi gorria (6); ilargi gorriak (19); ilargi gorriaren (5); ilargi gorriko (10); ilargi handi (5); ilargi izpi (5); ilargi koska (5); ilargi zuria (4); ilargi zuritan (5); irakeko ilargi (4); saturnoren ilargi (10)

(4); eguzki ilargiak (5); eguzkia eta ilargia (9); eguzkiak eta ilargiak (4); gure ilargia (4); ilargia agertu (8); ilargia agertu zen (4); ilargia baino (4); ilargia bezain (10); ilargia distiratsu (4); ilargia ere (15); ilargia eta (21); ilargia zapaldu (4); ilargiak argitzen (4); ilargiak bere (6); ilargiak distira (6)

eguzkiaren eta ilargiaren (7); eguzkiari eta ilargiari (4); ilargiaren adar (5); ilargiaren argi (6); ilargiaren argia (10); ilargiaren argiak (6); ilargiaren argipean (4); ilargiaren argitan (32); ilargiaren distira (6); ilargiaren distirak (4); ilargiaren sekretua (11); ilargiari begira (10); ilargira eta martera (4); ilargirik gabeko gau (4); lurretik ilargira (4); saturnoren ilargirik (4); saturnoren titan ilargiaren (4); titan ilargiaren (8)

 



Nodoa: liferay1.lgp.ehu.eus