Bilaketa aurreratua

Ogi apurrak

Egungo Euskararen Hiztegia (EEH)

Hasiera:

indar 1 iz higitzeko edo aritzeko ahalmena, bereziki fisikoa. ik kemen.

Gizon garaia zen oso, eta indar beldurgarria zuen. Juan Kruz Igerabide   «Artur erregearen heriotza» - 60. orr.

Kristo gurutziltzatua Jainkoaren indar eta jakinduria. Elizen arteko biblia   1 Ko 1,18 tit

Gizon antzeko hark berriro ukitu ninduen eta indar berriak eman zizkidan. Elizen arteko biblia   Dn 10,18

Jauna dut indar eta babes, bera salbatzaile. Jose Antonio Mujika   «Agindutako lurraren bila I» - 173. orr.

Eta kalera irteten ahalegindu zen, bere indar guztiak baturik. banku gainera igo, barra lodiei heldu eta besoen indarrez altxatu zen, burdin saretik begiratu ahal izan zuen arte. Josu Zabaleta   «Fantasiazko ipuinak» - Guy de Maupassant - 79. orr.

ik beherago 14. 11248

Bere besoen indar hutsez. Jon Muñoz   «Loroaren teorema» - Denis Guedj - 236. orr.

Pedalen gainean altxatu eta indar biziz hasi nintzaien eragiten. Koldo Biguri   «On Camillo» - Giovanni Guareschi - 39. orr.

Baina zuen gain jaitsiko den Espiritu Santuaren indarra hartuko duzue. Elizen arteko biblia   Eg 1,8

Josafaten indar militarra. Elizen arteko biblia   2 Kro 17,10 tit

· Haizearen indar suminduak itsasoa astintzen eta ontzi eskergak iraultzen eta hodeiak sakabanatzen ditu. Xabier Amuriza   «Gauzen izaeraz» - Lukrezio - 47. orr.

Haizearen indarrez martxan jartzen den makinak oso emaitza dotoreak ematen ditu bere artearen fintasunagatik. Santiago Iruretagoiena   «Arkitekturaz hamar liburuak» - Vitruvio - 4630. orr.

Errobi ibaiaren hegian indar handiz zihoan ura. Berria - Harian   2005-12-07

Eta natura, Lukreziorentzat [...] indar sortzaile ez ezik, indar suntsitzaile ere bada. Xabier Amuriza   «Gauzen izaeraz» - Lukrezio - 18. orr.

Gorputzean duen zereginari ondo egokitutako indar eta gogortasuna du hezurrak. Irene Aldasoro   «Giza gorputza lanean» - John Lenihan - 30. orr.

Erlijio erlikien antzera, armek indar berezia ditek. Alberto Ladron Arana   «Eguzki beltzaren sekretua» - 42. orr.

Sobera denbora eta indar galdu da herri honetan eztabaida antzuetan. Filipe Bidart   «Bakartasunaz bi hitz» - 20. orr.

2 gizarteari eragiteko ahalmena.

Zientziaren kontrako mugimendu akademikoak sortu dira, eta batzuetan nahiko indar hartu ere, batez ere Frantzian eta Estatu batuetako zenbait tokitan. Pello Salaburu   «XX. mendearen argi-itzalak» - 20. orr.

Gutxi dira eta indar gutxi dute, ez dutelako gobernuen edo bankuen laguntzarik jasotzen. Berria - Gaiak   2004-06-02

Baina bizirik irtetea lortu zuen eta gaur egun indar handia du mugimendu errepublikanoan. Berria - Harian   2006-03-25

Masoneriak indar etikoa du. Berria - Gaiak   2004-05-12

Oraindik, hala ere, homofobiak indar handia du gizartean. Berria - Harian   2005-04-22

Sektore guzietan barne dira eta 1996etik goiti, ezin ukatuzko indar bat dira. Herria   2004-07-22

3 betekizuna betetzeko edo eragina izateko ahalmena.

Leku horietan eguzkiak udan indar handia izaten baitu jaiotzen den unetik, eta eguerdian kiskali egiten baitu. Santiago Iruretagoiena   «Arkitekturaz hamar liburuak» - Vitruvio - 610. orr.

Ordenagailuen indar itzelarekin. Fernando Morillo   «Gloria Mundi» - 46. orr.

Zer indar ulergaitz eta misteriotsuk erakartzen nau, bada, zuregana? Jose Morales   «Arima hilak» - Nikolai Gogol - 321. orr.

Kontzientzia psikologiko, moral eta profesionalaren pisuak berak ere [...] indar jasanezinez estutu gaitzake batzuetan. Xabier Olarra   «Antropologo bat Marten» - Oliver Sacks - 78. orr.

Oihartzun eta indar handiko irudiak. Xabier Olarra   «Antropologo bat Marten» - Oliver Sacks - 163. orr.

Fundamentalismoa ageri zaigu bere indar guztiarekin. Pello Salaburu   «XX. mendearen argi-itzalak» - 45. orr.

Oso indar eskasekoak dira, ordea, plazaraturiko argudioak. Juan Garzia   «Sagua, eulia, eta gizakia» - Franšois Jacob - 37. orr.

Jaiki zen Elias, jan eta edan zuen, eta janari haren indarrez berrogei egun eta berrogei gau ibili zen. Elizen arteko biblia   1 Erg 19,8

ik beherago 14. 11248

Neure indarrez egin dut hori guztia, neure trebeziaz, argia bainaiz. Elizen arteko biblia   Is 10,13

Egipto utzi eta Jerusalem hartu zuen armen indarrez. Elizen arteko biblia   2 M 5,11

Pentsaera bakarrak pentsamendu propioa du etsai, nork bere gogoeta askeaz eraikitzen duen pentsamoldea, alegia; sedukzioaren indarrean sinisten duen gogoeta eta ekintza-bidea da. Txema Ramirez de la Piscina   «Ikus gaitzazuen» - 114. orr.

ik beherago 11. 11252

Baina guk juduok, Liburuaren herriak, sinesten dugu oraindik hitzaren indarrean. Koro Navarro   «Zortzi kontakizun» - Isaac B. Singer - 117. orr.

4 irud

Eta indar goibel batek bultzaturik bideetan nabil. Piarres Aintziart   «Santiago oinez» - 212. orr.

Indar ezkuturen batek era horretantxe txikitzen ditu giza asmoak. Xabier Amuriza   «Gauzen izaeraz» - Lukrezio - 377. orr.

Arimaren indar goitiar hauek. Joan Mari Lekuona   «Mistika liburuak» - Eckhart-Tauler - 13. orr.

Indar eta su ezezagun batek hartua zirudien zaldiak ere. Josu Zabaleta   «Fantasiazko ipuinak» - Guy de Maupassant - 126. orr.

5 hertsatzeko ahalmena.

Bazekien, agintean jarraituz gero, indarra erabili beharko zuela okerrak zuzentzeko. Askoren artean   «Asisko Frantzizko, Asisko Klara» - 30. orr.

Jesuitek, indarra erabiliz, Ingalaterra herri katoliko bihurtzeko eta Karlos III.a (1630-1685) erailtzeko asmoa zutela. Juan Martin Elexpuru   «Delituez eta zigorrez» - Cesare Beccaria - 117. orr.

Bazirudien giza bihotzetan lurperatutako guztia, usteldutako eta lirindutako guztia indar gupidagabe batez berpizten zela. Xabier Olarra   «Azken hitzordua» - Sandor Marai - 58. orr.

Gizon-emakumeak indar saihetsezinez lotzen dituen grina baino indartsuagoa. Xabier Olarra   «Azken hitzordua» - Sandor Marai - 154. orr.

Ongiak indarra baino zerbait gehiago behar du, eta hori ordena da: jakintsuenak dira ordena hobekien errespetatzen dutenak, dio Sokratesek. Askoren artean   «Filosofiako gida» - 46. orr.

6 ondorio bat eragiteko ahalmena.

Sugarren indarra moteltzeko. Askoren artean   «Asisko Frantzizko, Asisko Klara» - 778. orr.

Frantziskoren kordoiaren mirarizko indarra. Askoren artean   «Asisko Frantzizko, Asisko Klara» - 432. orr.

Greccioko belar onduaren mirarizko indarra. Askoren artean   «Asisko Frantzizko, Asisko Klara» - 432. orr.

Gauzak aldatzeko indarra emango didan irribarre bat. Pako Aristi   «Urregilearen orduak» - 241. orr.

7 boterea.

Estatu Batuen indar hegemonikoaren babespean, globalizatu egin zen mundu ekonomia kapitalista. Koro Navarro   «Ekonomiaren globalizazioa» - Jacques Adda - 57. orr.

Erlijioaren indar nagusia hartan sinestean datza. Iñaki Iñurrieta   «Legeen espirituaz II» - Montesquieu - 156. orr.

Ez dugu botere politikoa nahi, indar ebangelikoa baizik. Berria - Harian   2005-04-06

Ejertzito horrek enpresarioen indarra areagotzen du, oro har langileen elkartasun ahalmenaren eta negoziazio indarraren kalterako. Iñaki Heras   «Txanponaren bi aldeak» - 118. orr.

Kapitalaren atomizazioa dela medio [...] enpresaren goi mailako zuzendarien indarra areagotu egin da. Iñaki Heras   «Txanponaren bi aldeak» - 177. orr.

Nola artikulatu nazioz gaindiko enpresen indarra mugatuko duen nazioz gaindiko indar eragile bat. Iñaki Heras   «Txanponaren bi aldeak» - 246. orr.

Kanufaktura-lanaren, merkataritzaren eta kolonia-hedapenaren apologia ziren doktrina honen gai nagusiak, estatuaren indarra sendotzeari baitzegoen osorik emana. Koro Navarro   «Ekonomiaren globalizazioa» - Jacques Adda - 36. orr.

8 (fisikan) gorputz baten forma edo higiduraren norabidea edo lastertasuna alda dezakeen eragingarria.

Gizakiak 6 zaldi potentziako (zp) indarra egin dezake segundo batean edo bitan. Irene Aldasoro   «Giza gorputza lanean» - John Lenihan - 52. orr.

Katuaren kasuan, kilo batzuen indarra (eskuaren presioak palankaren muturrean egiten duena) tona bat edo gehiagoren indarra bihurtzen da automobila jasotzeko. Irene Aldasoro   «Giza gorputza lanean» - John Lenihan - 112. orr.

Normalean bi muskuluk edo gehiagok egindako indarren oreka delikatuak eusten dio hezurrari bere lekuan. Irene Aldasoro   «Giza gorputza lanean» - John Lenihan - 31. orr.

Zientzia abstrakzioez arduratzen da: indar, atomo eta geneez, esate baterako. Irene Aldasoro   «Giza gorputza lanean» - John Lenihan - 8. orr.

Habe solido batean, bada eskualde bat geruza neutral horren gainean eta azpian, konpresio- edo tentsio-indar nahiko txikiak jasaten dituena habea kargatzen denean. Irene Aldasoro   «Giza gorputza lanean» - John Lenihan - 25. orr.

indar horiek formulen bidez adierazten saiatuko da mekanikari-matematikaria. Jon Muñoz   «Loroaren teorema» - Denis Guedj - 72. orr.

Atomoen barne-egitura hori zela eta, indar berriak agertu zitzaizkigun: indar nuklearrak. Fernando Morillo   «Gloria Mundi» - 194. orr.

Teoria honek ekarpen garrantzitsua egin zion Eredu Estandarrari, hau da, indar elektromagnetikoarekin, indar ahularekin eta indar azkarrarekin loturiko fisika guztia azaltzen duen teoriari», esan zuen atzo Suediako Akademiak. Berria - Gaiak   2004-10-06

· Nire pubak zortzi bafle dauzka, eta 2.000 batioko indarra jaurtitzen dute lokalaren hesteetara. Pako Aristi   «Urregilearen orduak» - 62. orr.

Presio aldaketaren intentsitate edo indarra, berez, wattetan neur daiteke. Lourdes O˝ederra   «Fonetika fonologia hitzez hitz» - 124. orr.

9 pl botere edo iritzi talde jakin bat ordezkatzen duen pertsona multzoa.

Italia bi indar politiko indartsuren artean erdibituta zegoen. Koldo Biguri   «On Camillo» - Giovanni Guareschi - 11. orr.

Babeserako Batzarrean ordezkaritza zeukaten indar politiko eta sindikalak ez ziren ados jartzen nola jokatu behar zuten. Inazio Mujika Iraola   «Gerezi Denbora» - 87. orr.

Horregatik, indar demokratikoek aurrera egitea exijitu behar da. Berria - Harian   2006-03-18

Bide horretan indar abertzaleek «prozesu soberanista abian jarri» behar dutela esan zuen. Berria - Harian   2006-04-16

Indar autonomista eta independentistei dagokienez, egoera aski nahasia zen. Berria - Harian   2005-05-31

Indar politiko independentista bateko burua. Berria - Mundua   2004-03-25

Indar Nazionalen Fronte Batua eta Elkarrizketa Nazionala taldeak izan ditu solaskide egunotan. Berria - Harian   2005-04-30

Indar bat sortu behar dugu gure herria aurrera ateratzeko; ez soilik bakea, baizik eta herria. Berria - Harian   2006-03-25

Eskuineko indarrek, Elizaren alderdi kontserbadoreenen laguntzaz. Joxerra Garzia   «Kurrin-kurrun vitae» - 67. orr.

Opus Deiren balioen araberako politika egiten duelako, eskuineko indar atzerakoien aldekoa. Berria - Harian   2006-03-09

Jainkoaren kontrako nagusitza, aginte eta indar guztiak ezereztu ondoren. Elizen arteko biblia   1 Ko 15,24

10 pl armada edo talde armatu bateko kideen multzoa.

Zati-zati egingo zukeen jendetzak indar armatuak azaldu ez balira. Josu Zabaleta   «Fantasiazko ipuinak» - Guy de Maupassant - 88. orr.

Bere erreinuko indar guztiak bildu eta gudaroste arras indartsua antolatzeko agindu zuen Antiokok. Elizen arteko biblia   1 M 3,27

Garai hartako indar okupatzaileekin kolaboratu zutenak. Eneko Bidegain   «Anbroxio» - 154. orr.

Bere indar guztiekin hegoaldeko erreinuaz jabetzea erabakiko du. Elizen arteko biblia   Dn 11,17

Errepublikaren indarrek faxisten erasoari azkenean ere aurre egiten asmatu zutelakoan. Juan Luis Zabala   «Agur, Euzkadi» - 13. orr.

Ratko Mladic jeneralaren indar serbiarrek 8.000 musulman bosniar hil zituzten. Berria - Harian   2005-07-10

Bukharako khanerria [...] estatu ikaragarria da, eta Errusiak indar handiak beharko lituzke hari kontra egiteko. Karlos Zabala   «Mikel Strogoff» - Jules Verne - 50. orr.

Talibanak ihesi, "indar askatzaileak" boterean. Iñigo Aranbarri   «Hizlandia» - 157. orr.

Aurpegia zapi gorriz gorderik indar errepresiboak mehatxatzen zituzten gazteak. Itxaro Borda   «Zeruetako erresuma» - 57. orr.

Iragan asteetan hasitako operazioaren haritik, Iraken zabalduta dituzten okupazio indarrak berritzen jarraitzen du AEBetako Armadak. Berria - Mundua   2004-01-16

Frantses Indar Libreak izeneko sarea osatzen zuten. Jokin Urain   «Errotarria» - 70. orr.

11 (hitz elkartuetan lehen osagai gisa)

Europa eta Japoniaren arteko indar-harremanen oreka berria. Koro Navarro   «Ekonomiaren globalizazioa» - Jacques Adda - 94. orr.

Indar-erlazio politiko berrien bila. Iñaki Heras   «Txanponaren bi aldeak» - 140. orr.

Orain indar metaketa hasi beharko da konponbiderako bidean jarri ahal izateko. Berria - Harian   2006-04-02

Gizakietan, nabarmen laburragoa da besaurrea besondoa baino; lastertasun- eta indar-betekizun kontrajarrien arteko hautsi-mautsi bat adierazten du diseinu horrek. Irene Aldasoro   «Giza gorputza lanean» - John Lenihan - 63. orr.

300 eta 350 bitarteko watt-en indar-gastu etengabea. Irene Aldasoro   «Giza gorputza lanean» - John Lenihan - 177. orr.

Indar eta diru galera bat. Harkaitz Cano   «Pasaia blues» - 45. orr.

Zenbaiti, odolberotasuna eta erronkazaletasuna, mugapen fisiko eta sozialekiko etengabeko indar-probaketa [nabari zitzaien]. Xabier Olarra   «Antropologo bat Marten» - Oliver Sacks - 91. orr.

Irudia indar-eremu bat bezala ikusten du. Josu Zabaleta   «Irudia» - Jacques Aumont - 143. orr.

Bazela Lajosengan indar-iturri misteriotsu bat. Ander Irizar   «Eszterren ondarea» - Sandor Marai - 16. orr.

Ortzegun aratsean, Kanbon, herriko pilota plazan, euskal indar jokoak. Herria   2003-08-07

12 (hitz elkartuetan bigarren osagai gisa)

Legeen barne-indar babeslea. Juan Martin Elexpuru   «Delituez eta zigorrez» - Cesare Beccaria - 85. orr.

Negoziazio indar handia dutenek, hau da, nolabaiteko botere ekonomikoa dutenek. Iñaki Heras   «Txanponaren bi aldeak» - 106. orr.

Honen erakarmen-indarra atsegin-egarrian baino gehiago heziketan dago. Jainkoaren salbamen-indar hau Jesu Kristoganako sinesmenaren bidez heltzen da. Juan Martin Elexpuru   «Delituez eta zigorrez» - Cesare Beccaria - 91. orr.

Gizarte indarrek hizkuntzan izan ohi duten eragina. Isabel Arrigain   «Hizkuntzalaritza orokorreko ikastaroa» - Ferdinand de Saussure - 109. orr.

Aristokrazia lurjabeak bere zapalkuntza-indar osoa berreskuratu zuen. Koro Navarro   «Ekonomiaren globalizazioa» - Jacques Adda - 32. orr.

Su berberak zintzoak janaritu zituela, berezko suntsipen-indarra ahaztuz. Elizen arteko biblia   Jkd 16,23

Garaiko legegileak suntsipen-indar gobernaezinekin gudua galtzera erremediorik gabe bideratuta daudenean. Iñaki Mendiguren   «Historiaren azterketa II» - A.J. Toynbee - 66. orr.

Bide bazterrean ezkutatuko bonba batek zuen eztanda egin okupazio indar horien konboi bat albotik igarotzean. Berria - Harian   2006-04-28

Zeharkakoak eta froga-indar eskasekoak ziren guztira emaitzak. Juan Garzia   «Sagua, eulia, eta gizakia» - Franšois Jacob - 53. orr.

Emozio-indar bitxi eta ilun bat. Xabier Olarra   «Antropologo bat Marten» - Oliver Sacks - 165. orr.

Mahayanaren adimen-indar iraunkorra budismo primitiboaren filosofi eskolatik hartutako ondarearen parte zen. Iñaki Mendiguren   «Historiaren azterketa II» - A.J. Toynbee - 104. orr.

Bizirik ateratzen bada, erabat zigorkatua etorriko zaizu, toki hura benetan Jainko-indarrez inguratua baitago. Elizen arteko biblia   2 M 3,38

Festa hau lege-indarrez ezarriko duzue belaunez belaun. Elizen arteko biblia   Ir 12,14

Une saminak eta une pozgarriak, betiere bizi-indarrez eta itxaropenez gainezka, borborka. Juan Kruz Igerabide   «Hauts bihurtu zineten» - 148. orr.

Igeltseroak dira, linterneroak, peoiak..., beren esku indarrez edozelako gailuak erabilgarri, bizigarri, gozagarri bilakatzen dituen jendea. Pako Aristi   «Urregilearen orduak» - 11. orr.

Lurrun-indarrez funtzionatzen zuen gaztalekua. Koldo Biguri   «On Camillo» - Giovanni Guareschi - 171. orr.

Dotzena bat ile-mozteko, elektrika indarrez ari direnak. Marzel Etxehandi   «Alemaniara deportatua» - Grégoire Joannateguy - 40. orr.

Lurrun indarrezko trena. Ibon Uribarri   «Loti ederrak» - Yasunari Kawabata - 41. orr.

Egun batean, alabaina, Errepublikako Seguritate Indarrek egin ziguten eraso. Rafa Egiguren   «Mentxakaren aitorpena» - Jose Ramon Goikoetxea - 40. orr.

13 indarrean1 adlag legeez, ohiturez eta kidekoez mintzatuz, balio duena edo erabiltzen dena.

Indarrean dagoen araudiaren arabera. Urtzi Urrutikoetxea   «Zoririk ez» - Imre Kertész - 43. orr.

Indarrean dauden nazioarteko erregimenak zaintzeko, edo are nazioarteko ordena ere zaintzeko. Apartheid sistema egon da indarrean hainbeste urtez Hegoafrikan. Koro Navarro   «Ekonomiaren globalizazioa» - Jacques Adda - 49. orr.

Artean plan zaharra zelarik indarrean, bosgarren kurtsoan ematen nuen neure ikasgaia. Joxerra Garzia   «Kurrin-kurrun vitae» - 133. orr.

1971ko martxo hartan Salbuespen Egoera zegoen indarrean. Rafa Egiguren   «Mentxakaren aitorpena» - Jose Ramon Goikoetxea - 9. orr.

Heriotza zigorra indarrean dagoen lekuetan. Berria - Gaiak   2004-04-07

Hemen "ateak zabalik" deritzan politika dago indarrean, aspaldisko. Jose Angel Irigaray   «Denboraren mugan» - 62. orr.

Izan ere, indarrean zegoen hiriko agintariaren erabaki bat, ez gauerdian bakarrik, baizik eta kanpaiaren hirugarren joaldiaz geroztik hirian barrena inor ibiltzea debekatzen zuena. Askoren artean   «Asisko Frantzizko, Asisko Klara» - 575. orr.

Oraindik ere indarrean dauden ideiekin. Juan Garzia   «Sagua, eulia, eta gizakia» - Franšois Jacob - 143. orr.

Gure administrazioan 35 orduko lanaldia indarrean jarri zenetik. Iñaki Heras   «Txanponaren bi aldeak» - 141. orr.

Diru-batasuna 1999ko urtarrilean jarri zen indarrean. Koro Navarro   «Ekonomiaren globalizazioa» - Jacques Adda - 191. orr.

Legeek indarrean iraun zuten artean, inor ez zen kexu izan feudoa kendu ziotela-eta, legeak ez baitzion betiko ematen. Iñaki Iñurrieta   «Legeen espirituaz II» - Montesquieu - 308. orr.

Leninek duela ia ehun urte, sobietar iraultzaren garaian, landu zuen teoriak oraindik ere indarrean dirau zenbait tokitan. Txema Ramirez de la Piscina   «Ikus gaitzazuen» - 88. orr.

Kyotoko Protokoloa indarrean sartzen denean, sinatzaileak behartuta egongo dira, legez, berotegi efektua eragiten duten gasen emisio mugak betetzera. Herria  

Napoleonen gerlen ondotik, lehengo erresumaren lege zaharra berriz indarrean sartu zelarik, Lapurdiko bazter hondatuetan ez ziren aitzineko desmasiak berehala ordaindu. Piarres Xarriton   «De re publica edo politikaz» - 109. orr.

14 indarrean2 adlag indartsu, sasoian.

Bidegabez erasotzen zidaten etsaiak indarrean ziren. Askoren artean   «Asisko Frantzizko, Asisko Klara» - 79. orr.

1874an zuriek indarrean segitzen zuten. Anton Garikano   «Maitea» - Toni Morrison - 245. orr.

Existentzialismoa indarrean zebilenean. Joxe Azurmendi   «Euskal Herria krisian» - 35. orr.

Indarrean sentitzen zen, mendia azpikoz gora jartzeko lain. Josu Zabaleta   «Fantasiazko ipuinak» - Guy de Maupassant - 126. orr.

Arratsaldea indarrean dago oraindik. Pako Aristi   «Gelatxo, soinuaren bidaia luzea» - 78. orr.

Haizea eta hotza sartzen ziren indarrean bagoiaren zirrikitu guztietatik. Anjel Lertxundi   «Ihes betea» - 173. orr.

Eta aitte eta ama bixak indarrean ageri dozak. Txillardegi   «Labartzari agur» - 25. orr.

Bereziki Etcheto arras indarrean agertu da partida huntan, lehen finalerdia zelarik hau. Herria   2004-09-30

15 indarrean3 adlag indarrez.

Ura indarrean zihoan Bilboko Alde Zaharreko kaleetatik dendak eta tabernak hondatuz. Bernardo Atxaga   «Groenlandiako lezioa» - 121. orr.

Behin baino gehiagotan, indarrean sartu ziren ia hiri barruraino. Mirentxu Larrañaga   «Peaceful soldadua» - Michael Morpurgo - 140. orr.

Esku batetik indarrean hartu eta [...] harritzar kubiko horietako baten kontra ipini ninduen erdi etzanik. Joxean Agirre   «Romain zen bere izena» - 118. orr.

Baina inor ezin da indarrean eztei paliora eraman. Koro Navarro   «Zortzi kontakizun» - Isaac B. Singer - 26. orr.

Ukondo bat egiten bada, urak indarrean bultza eta hautsi egingo ditu hodi arteko junturak. Santiago Iruretagoiena   «Arkitekturaz hamar liburuak» - Vitruvio - 3990. orr.

Munduaren jaun eta jabeek Operation Iraqi Freedom jarri zioten izena Mesopotamia zaharra indarrean irabazteko azio odoltsuei. I˝aki Segurola   «Gaur ere ez du hiltzeko eguraldirik egingo» - 257. orr.

16 indarrez1 adlag indarra erabiliz.

Emadazu berehala; bestela, indarrez kenduko dizut. Elizen arteko biblia   1 Sm 2,16

Aliatuak indarrez edo akordioen bitartez lortzen dira. Esteban Antxustegi   «Herritarra» - Thomas Hobbes - 72. orr.

Baina eraso eta indarrez jabetu zen hiriaz. Elizen arteko biblia   1 M 6,63

Haien [Erdialdeko Europa eta Baltikoko herrialdeen] industrializazioa, historikoki, eremu komunistak indarrez beretu aurrekoa da. Koro Navarro   «Ekonomiaren globalizazioa» - Jacques Adda - 146. orr.

Izan ere, indarrez bahituta ekarri ninduten hebertarren herritik. Jose Antonio Mujika   «Agindutako lurraren bila I» - 111. orr.

Bisitariek indarrez atera zituzten bera, emaztea eta bi alabak, eta hiritik kanpo utzi. Elizen arteko biblia   Has 19,16

Gotorleku bat indarrez hartzera doan gerlariaren antzera. Jose Morales   «Arima hilak» - Nikolai Gogol - 247. orr.

Estatu Batuek 1960 inguruan indarrez ezarritako blokeoari aurre egiteko. Jon Mu˝oz   «Ispiluen gainean lotan» - Jordi Sierra i Fabra - 119. orr.

Ez dakigu nahita alde egin zuen edo indarrez kanporatu zuten. Jose Morales   «Arima hilak» - Nikolai Gogol - 251. orr.

Handik aste betera indarrez Haarlem izeneko galeoi batean sartu zuten. Felipe Juaristi   «Airezko emakumeak» - 98. orr.

Babiloniako errege Nabukodonosor gure lurraldean indarrez sartu zenean. Elizen arteko biblia   Jr 35,11

Esan zieten modu hartan amaituko zutela Arturren lurretan indarrez sartzen ziren guztiek. Juan Kruz Igerabide   «Artur erregearen heriotza» - 110. orr.

Etxeetan indarrez sartze, ebaste, su emate, ukaldika erabiltze, emakume bortxatze, aihotzez kolpatze... nork bere istorio ikaragarria zekarren. Aingeru Epaltza   «Mailuaren odola» - 125. orr.

Han, polizia errukigaberen batek ontzira igotzea galaraziko zion indarrez! Karlos Zabala   «Mikel Strogoff» - Jules Verne - 99. orr.

Hiltzea nahi lituzketen atxilotuak berez hil daitezen, guziak indarrez hiltzea atzerritarren eskandalugarri bailitzateke. Jokin Urain   «Errotarria» - 77. orr.

Hi indarrez edo amarruz hiltzen saiatu al da norbait? Juan Kruz Igerabide   «Ulises» - Homero - 56. orr.

Neskak uzkurtu egin ditu ipurdiak, baina gizonak indarrez zabaldu dizkio. Juan Martin Elexpuru   «Esku bakarrarekin irakurtzeko kontuak» - Pilar Cristobal - 50. orr.

Eztarritik behera indarrez sartu zioten koñaka gizonari. Irene Aldasoro   «Dublindarrak» - James Joyce - 223. orr.

17 indarrez2 adlagindartsu.

Haizea indarrez hasi zen, ipurdantzari, mendebaletik. Felipe Juaristi   «Airezko emakumeak» - 18. orr.

Hari-laukotearen allegroari ekin zioten, gogoz eta kemenez ekin ere, tresnen sokak indarrez joz. Felipe Juaristi   «Airezko emakumeak» - 222. orr.

Selifanek indarrez dantzatu zuen zigorra. Jose Morales   «Arima hilak» - Nikolai Gogol - 318. orr.

Hiru aldiz inarrosi zuen sorbaldatik, lehena poliki, bigarrena kemenez, hirugarrena indarrez. Jon Alonso   «Lisboako Setioaren Historia» - JosÚ Saramago - 389. orr.

Bat-batean, eskua jaso eta indarrez jo ninduen matrailan. Fernando Rey   «Hobe nuen etxean gelditu» - Horace McCoy - 88. orr.

18 indarrezko izlag

Honela hasi zen gatazka, hasieran agiri-gerra gisara, laster indarrezko gerra izatera endekatu zena, non alde bakoitzaren baliabideak "dirua eta pistolak" baitziren. Iñaki Mendiguren   «Historiaren azterketa II» - A.J. Toynbee - 136. orr.

Oroit gaiten 2004ko maiatzaren zazpian Miarritzeko aireportuan gertatu zela indarrezko kanporaketa bat. Herria   2005-03-10

Ez dut indarrezko neurririk hartu ordena publikoa berrezartzeko. Berria - Mundua   2004-12-26

Globalizazioak merkatuen eta estatuen arteko indarrezko harremanak arras aldatzea esan nahi du; alegia, kapitalaren metaketaren legeen eta gizarteak gidatzen dituzten legeen arteko harremanak aldatzea. Koro Navarro   «Ekonomiaren globalizazioa» - Jacques Adda - 99. orr.

Homerok, darabilen indarrezko gizarte egituraren barruan ere, ez dio muzin egiten zuzenbideari zibilizazioaren hasiera deskribatzen duenean, errege zuzena aurkezten duenean edo herritarren eskubideak aipatzen dituenean. Askoren artean   «Filosofiako gida» - 38. orr.

Nola hari lezio bat eman -indarrezko mendekura iritsi gabe? Pablo Sastre   «Eguzkipekoak» - 210. orr.

Halako indarrezko gerruntze moduko bat, oholtxoz eta sokaz egina. Josu Zabaleta   «Fantasiazko ipuinak» - Guy de Maupassant - 153. orr.

19 indar egin

Nik indar egiten nuen, jiraka, daratuluaz egurra zulatzen ari banintz bezala. Juan Kruz Igerabide   «Ulises» - Homero - 55. orr.

Astiro eta jarraituki indar egiteko diseinaturik dago muskulu lisoa. besoak alde banatara luzatuz indar egin zuen, ibaiertzak bata batera eta bestea bestera aldenduz. Irene Aldasoro   «Giza gorputza lanean» - John Lenihan - 51. orr.

Heldu egin dio, ukondotik gertu; aurreko hankekin indar eginez, tira egiten dio, orroka. Oskar Arana   «Lotsaizuna» - John Maxwell Coetzee - 265. orr.

Goraka indar eginez emakumea zaldi gainean eserarazi zuen, bere atzean. Felipe Juaristi   «Itzarri nahi ez zuen printzesa» - 131. orr.

Lan horretan indar egiteko asmoa azaldu du EAJk. Berria - Harian   2005-06-25

· Oso indar handia egin behar denean. Irene Aldasoro   «Giza gorputza lanean» - John Lenihan - 64. orr.

Azkenean, soldaduak indar apur bat eginez askatu zizkion eskuak. Jose Morales   «Zazpi urkatuak» - Leonid Nikolaievitx Andreiev - 96. orr.

20 indar eman

Zurrumurru horiei indar eman zien Dumbledorek... Iñaki Mendiguren   «Harry Potter eta sorgin harria» - J.K. Rowling - 286. orr.

Beren asmoari indar emateko, sinadurekin batera Europako zenbait naziotan egiten dena azaldu dute. Gotzon Garate   «Zakurra, zeure laguna» - 67. orr.

Tatariarren prestalanek Ivan Ogareffen gomendioei indar ematen zieten. Karlos Zabala   «Mikel Strogoff» - Jules Verne - 440. orr.

Holako arrazoinek indar eman diote Egiptoko buruzagien esku gogorrari. Herria   2003-09-11

Eskualde eta nazioak Europar Batasunean agente aktibo izatea lortzeko, beharrezko da estatuez azpiko erakundeek elkarlanari eustea eta indar ematea. Berria - Euskal Herria   2004-06-11

21 indar gabe (orobat indargabe) adlag indarrik gabe. ik indargabe.

Gorputza minduta nuen, indar gabe sentitzen nintzen eta negarrez blai nengoen. Berria - Euskal Herria   2004-12-29

Indargabe sentitzen zen. Itxaro Borda   «Zeruetako erresuma» - 209. orr.

Indar gabe sortu da Enpleguaren Kontseilua. Berria - Ekonomia   2004-09-17

Espainiako Gobernuak jarritako helegitea indar gabe uzten ahaleginduko direla azpimarratu zuten. Berria - Euskal Herria   2004-06-15

Lege hauek indarrean dauden egun beretik, Erromako legeak, ordenantzak, ohitura orokor zein bereiziak, estatutuak eta araudiak indargabe geratzen dira. Andres Urrutia   «Frantziako kode zibilaren lehen proiektua» - Jean di Portalis - 28. orr.

Kanadako Auzitegi Gorenaren epaiak indar gabe utzi du, hala, 2002. urtean beste auzitegi batek erabakitakoa. Berria - Gaiak   2004-05-25

Zintzotasunaren bertute nagusia ardurarik ezak eta iniziatiba hartu edo arriskatzeko joerarik ezak uzten baitzuen indar gabe. Iñaki Mendiguren   «Historiaren azterketa II» - A.J. Toynbee - 387. orr.

22 indar hartu

Indar hartzen ari zen sua ezpalei itsatsirik, txinpartaka, gero eta sorgin-dantza biziagoan. Anjel Lertxundi   «Konpainia noblean» - 109. orr.

Apezik eta elizkizunik gabe, nahi ala ez, jende ainitzen fedea ahuldu zen, kartsuenenek indar hartu baldin bazuten ere. Xipri Arbelbide   «Janpierre Arbelbide» - 13. orr.

Berrogei urtera hurbiltzen hasi zenean, zuhurtziak indar hartu beharrean, bizitzeko gogo eroak bultzatuta-edo, lehen egin ez zituen erokeriak egiten hasi zen. J.M. Olaizola "Txiliku"   «Bizitza eredugarriak» - 129. orr.

Susmo batek gure baitan indar hartzen duenean ematen duen argiarekin irudikatu nuen idazlea zahartzaroan maitasun berri batek eman dezakeen [...] bozkarioa eta tortura aldi berean gozatzen. Joxean Agirre   «Romain zen bere izena» - 113. orr.

23 indarra/indarrak hartu

XX. mendearen hasieran sekulako indarra hartu zuten kultur elkarteek eta aldizkariek. Askoren artean   «Filosofiako gida» - 320. orr.

Orijinaltasunaren kontzeptuak indarra hartu zuenetik, edo, txanponaren beste aldetik esanda, plajioa moralki gaizki ikusia eta lege aldetik ere kondenagarria izaten hasi zenetik, egonezina hedatu zen literatur gizartean. hizkuntza batek gizartean indarra hartzen duenean, orduan hasten dira hizkuntza horretan idatzitako obra literarioak -eta politikoak, legeei buruzkoak...- sortzen eta zabaltzen. Bernardo Atxaga   «Groenlandiako lezioa» - 75. orr.

Baina ordurako indarra hartua zuen gaitzak, eta, ezer egitekotan, mediku trebezia izugarria eta erremedio gogorrenak behar ziren. Askoren artean   «Asisko Frantzizko, Asisko Klara» - 246. orr.

Industriak indarra hartzen hasteko behar diren osagaietatik, hezkuntza da dudarik gabe garrantzitsuenetako bat. Koro Navarro   «Ekonomiaren globalizazioa» - Jacques Adda - 120. orr.

-Indarra hartzeko aukera eman behar zaiok gauean lanean ibili denari... -erantzun zidan, burlaizez. Inazio Mujika Iraola   «Gerezi Denbora» - 28. orr.

Ogi-puska bat ekarriko dizut; jan ezazu, indarrak hartzeko eta bideari ekin ahal izateko. Elizen arteko biblia   1 Sm 28,22

Negua pasatu ondoren, samuaren kumea esnatzen denean, babarrun ale osoa dauka elikagai, indarrak hartu eta zeru zabalera irten aurretik. J.M. Olaizola "Txiliku"   «101 gau» - 152. orr.

24 indarrak batu

Urtutzen ari zara, begiak itxi, indarrak batu, arnasa hartu eta zartatu, azkenean leher egin. Lourdes Oñederra   «Eta emakumeari sugeak esan zion» - 81. orr.

· Izan ere kontsumitzaileak benetako indar eraginkorra izateko, indar hori artikulatu egin behar baitu, indarrak batu eta bideratu, eta hori ez da, ez, lan makala. Iñaki Heras   «Txanponaren bi aldeak» - 246. orr.

Autodeterminazioaren alde indarrak batzera deitu du Barrenak. Berria - Euskal Herria   2004-03-18

Tokian tokiko gobernuek, sektore pribatuak eta bestelako erakundeek indarrak batzea, «osasun publikoan diru gehiago inbertitu dadin. Berria - Gaiak   2004-05-12

Gizakiek esperientziaz ikasiko dute, bizkitartean, elkar lagunduz dituztela eskuratuko biziki errazkiago eskas dituztenak eta beren indarrak batuz baizik ez dituztela nonahi mehatxatzen dituzten arriskuak saihesten ahalko. Piarres Xarriton   «Etika» - Spinoza - 441. orr.

Erasoari aurre egiteko, Europak, Estatu Batuek eta Txinak euren indarrak batuko dituzte, baina dena alferrik izango da. Jon Arretxe   «Ostiralak» - 119. orr.

25 indarrak bildu

Altxatzeko indarrak bildu nituenean. Iban Zaldua   «Gezurrak, gezurrak, gezurrak» - 120. orr.

Carlosek, nola edo hala, indarrak bildu zituen irribarre egin eta 'pikutara kaka zahar hori guztia!' esateko. Bego Montorio   «Napomuceno da Silva Araujo jaunaren testamentua» - Germano Almeida - 9. orr.

Bezperatik indarrak bilduz, BARATXARTE ostatuan, non Battittik berexiko dituen tripotxik hoberenak beti bezala ; igandean ere, mokoxuri ñapurrek hartzen ahalko dute beren plazerra. Herria   2004-11-25

Hala, Euskal Herriko eragile politiko, sozial eta sindikalei indarrak biltzeko eta norabide horretan bultzatzeko deia egin zien Batasunak atzokoan. Berria - Harian   2005-05-27

· Hauteskundeotan abertzale eta ezkertiarren indarrak biltzeko benetako saioa. Berria - Euskal Herria   2004-06-08

«Konponbide demokratikoaren aldeko indarrak biltzea» dutela lehentasuna azpimarratu zuten. Berria - Harian   2006-03-18

Hala, Euskal Herriko eragile politiko, sozial eta sindikalei indarrak biltzeko eta norabide horretan bultzatzeko deia egin zien Batasunak atzokoan. Berria - Harian   2005-05-27

Denen indarrak bilduz geroz, iharduki dezakete menturaz tipiek eta gutiek boteretsuen oldarrari. Piarres Xarriton   «De re publica edo politikaz» - 45. orr.

26 indarrak berritu ik indarberritu.

Nekatuari indarrak berritzen dizkio, ezinduari ahalmena bihurtzen. Elizen arteko biblia   Is 40,29

Trago bat edan behar dut indarrak berritzeko. Lopez de Arana   «Manhattan Transfer» - John Dos Passos - 113. orr.

-Indarrak berritu behar dituzu -eta erretilua jarri zion neskari belaunen gainean. Anjel Lertxundi   «Azkenaz beste» - 117. orr.

Orduan ogi eta okela puskaren bat jan, basokada bat edo bi kwass edan, indarrak berritzeko, eta ordu baten buruan, bi orduren buruan gehienez ere, Irkutskeko bide amaiezinari ematen zion ahalegin guztian. Karlos Zabala   «Mikel Strogoff» - Jules Verne - 218. orr.

Indarrak berritzeko esertzen gara frantsesez Espace Détente deritzan pausalekuetan Atsedenaldi aspergarri eta gertakizunik gabeko bat besterik ez zuen desiratzen, indarrak berritzeko aukera bat. Oskar Arana   «Brooklyngo erokeriak» - Paul Auster - 85. orr.

27 indarrak neurtu

-Ez dakit oso ondo nondik hasi -neure indarrak neurtu nituen. Jon Mu˝oz   «Ispiluen gainean lotan» - Jordi Sierra i Fabra - 81. orr.

Orduan behar izren indarrak neurtu, gorputzaren mugak entzun, behar den denboraz pausatu... eta jo aintzina! Herria   2004-02-05

Antzinako tradizio bat errespetatzeagatik indarrak neurtu behar zituen berriz, norgehiagokan, Otomandarrarekin. Fernando Rey   «Ararat mendiaren sumina» - Yasar Kemal - 106. orr.

Gimnastika erritmikoko Euskadi eta Alemaniako taldeek indarrak neurtuko dituzte gaur Gernikan. Herria  

Eta behar ziren ere, "Napoleon Errebidea" leher egin gabe igan nahi bagenuen, indarrak neurtu. Piarres Aintziart   «Azken apeza» - 30. orr.

Ez ziren berriro jaiki, baina elkarren indarrak neurtu ondoren berriro borrokari lotu ez lotu zalantzatan dauden bi olde elkarren arerio bezala hasi ziren elkar aztertzen. Josu Zabaleta   «Fantasiazko ipuinak» - Guy de Maupassant - 83. orr.

28 indarrak probatu indarrak neurtu.

Lehenengo mugimenduetan, indarrak probatzeko-edo, xakean jarri zituen piezak mendebaldeko frontean, Hegoaldean eta Iparraldean. Agustin Otsoa   «Eraztunen Jauna III» - J.R.R. Tolkien - 247. orr.

Uste baitu hura dela tamainako etsaia, bere neurriko etsaia, bere indarrak probatzeko dina den etsaia, eta harekin nahi baitu ikasi zer den beldurra sentitzea. I˝aki Segurola   «Gaur ere ez du hiltzeko eguraldirik egingo» - 133. orr.

29 indarraren indarrez

Mende erdi bat geroago ere, Gaztela indarraren indarrez Nafarroa Garaiaren jabe egin zenean, Erasotarrek inbaditzaileekin bat egin omen zuten. Martin Anso   «Elezaharren bidetik» - 196. orr.

-Gu, orduan, mendez mende, herriz herri ele hori barreiatzeko lurrak aukeratutako ihiak baino ez gara! -esan du Kandidok indarraren indarrez ia zutituz. Pako Aristi   «Urregilearen orduak» - 134. orr.

30 lan indar (orobat lanindar g.er.) (ekonomia marxistan)

Era horretan hazi egiten ziren lur-jabeen errentak eta lan-indarra ugaltzearen kostua, eta, horren ondorioz, soldatak ere handitzen ziren. Koro Navarro   «Ekonomiaren globalizazioa» - Jacques Adda - 40. orr.

Lan-indarraren ordainketa da munduko espazio ekonomikoaren beste faktore desberdintasun-eragile egiturazko bat.Kapitalak ezin menderatu duen lan-indarra. Koro Navarro   «Ekonomiaren globalizazioa» - Jacques Adda - 143. orr.

Ez dioala sekula salduko heure lan indarrik hire ideologiarekin bat ez datorren inori! Unai Iturriaga   «Berandu da gelditzeko» - 198. orr.

1990eko hamarraldiaren hasieran industriak lan-indarraren ia %40 hartzen zuen lehen belaunaldiko herrialde industrializatu berrietan. Koro Navarro   «Ekonomiaren globalizazioa» - Jacques Adda - 181. orr.

Hiriek, haietan eskuratzen ziren soldatak zirela-eta, indartsu erakartzen zuten landa-giroko lan-indarra. Koro Navarro   «Ekonomiaren globalizazioa» - Jacques Adda - 32. orr.

Fabrikatik askoz haratago doan lan indar mugikorra da, klase osaketa guztiz ezberdina duena: langile prekarioak, emigranteak... Berria - Kultura   2004-04-22

hitz multzoen maiztasunak (gutxienez 11 aldiz agertzen direnak)

barne indar (14); bi indar (29); bigarren indar (12); bizi indar (15); indar abertzale (13); indar abertzaleak (12); indar abertzaleek (13); indar abertzaleen (19); indar armatu (69); indar armatuak (36); indar armatuek (36); indar armatuen (43); indar armatuetako (11); indar asko (13); indar berezi (47); indar berezia (39); indar berri (37); indar berria (12); indar berriak (21); indar betean (19); indar egin (33); indar eginez (19); indar egiten (22); indar erakustaldi (12); indar erakustaldia (30); indar fisikoa (12); indar gaitza (13); indar gehiago (121); indar gehien (21); indar gutxiago (22); indar guziak (16); indar guztia (69); indar guztiak (90); indar guztiarekin (36); indar guztiaz (56); indar guztiekin (31); indar guztien (16); indar guztiez (18); indar guztiz (37); indar handi (19); indar handia (226); indar handiago (13); indar handiagoa (124); indar handiagoarekin (15); indar handiagoz (61); indar handiena (11); indar handiko (54); indar handirik (15); indar handiz (60); indar joko (42); indar jokoak (115); indar korrelazioa (15); indar metaketa (45); indar nagusia (15); indar nahikorik (14); indar okupatzaileen (12); indar osoa (12); indar osoz (16); indar politiko (144); indar politikoa (23); indar politikoak (27); indar politikoek (26); indar politikoen (34); indar polizial (12); indar polizialek (11); indar serbiarrek (13); indar txikiko (17); nahikoa indar (20); nazioarteko indar (17); neure indar (12); nire indar (31); okupazio indar (13); segurtasun indar (43)

bere indar guztia (15); bere indar guztiaz (17); beste indar bat (14); euskal herriko indar (11); euskal indar jokoak (16); farc indar armatu (24); indar apur bat (11); indar armatu iraultzaile (30); indar berezi bat (37); indar berri bat (18); indar handia du (36); indar handia dute (16); indar handia eman (13); indar handia hartu (28); indar politiko guztiek (11); indar politikoen artean (11)

boluntarioen indarra (11); indarra dauka (15); indarra du (29); indarra egin (16); indarra egiten (11); indarra eman (46); indarra emango (19); indarra emateko (16); indarra ematen (51); indarra erabili (17); indarra erabiltzea (13); indarra erakusten (12); indarra erakutsi (20); indarra falta (12); indarra galdu (78); indarra galdu du (21); indarra galdu zuen (11); indarra galduko (14); indarra galtzen (48); indarra galtzen ari (12); indarra hartu (64); indarra hartu du (17); indarra hartu zuen (16); indarra hartuko (12); indarra hartzen (40); indarra hartzen ari (14); indarra izan (60); indarra izan zuen (20); jarraitzeko indarra (14); lan indarra (14); nolako indarra (16); sekulako indarra (18)

aldeko indarrak (32); autodeterminazioaren aldeko indarrak (13); azken indarrak (13); indarrak batu (32); indarrak batzea (15); indarrak batzeko (43); indarrak bildu (46); indarrak biltzea (25); indarrak biltzeko (40); indarrak biltzen (11); indarrak gorde (12); indarrak neurtu (24); indarrak neurtuko (17); indarrak neurtuko dituzte (11); indarrak neurtzeko (14); irakeko segurtasun indarrak (14); neurtu zituzten indarrak (25); neurtuko ditu indarrak (54); neurtuko dituzte indarrak (109); okupazio indarrak (70); segurtasun indarrak (93)

bere indarraz (13); indarrari esker (23)

berriz indarrean jartzeko (11); egun indarrean dagoen (37); indarrean da (11); indarrean dago (39); indarrean dagoela (18); indarrean dagoen (175); indarrean dagoena (11); indarrean daude (17); indarrean daudela (15); indarrean dauden (71); indarrean den (37); indarrean diren (20); indarrean duten (13); indarrean egon (42); indarrean egon den (16); indarrean egongo (15); indarrean ezarri (28); indarrean ezartzea (17); indarrean ezartzeko (12); indarrean izan (17); indarrean izango (13); indarrean jarraitzen (30); indarrean jarri (182); indarrean jarri nahi (11); indarrean jarri zuen (11); indarrean jarriko (48); indarrean jarritako (24); indarrean jartzea (55); indarrean jartzeko (83); indarrean jartzen (33); indarrean sartu (66); indarrean sartuko (16); indarrean sartzeko (11); indarrean zegoen (40); indarrean zeuden (11); jarri zen indarrean (23); jarri zuten indarrean (13); jarriko da indarrean (20); legea indarrean jarri (19); sartu zen indarrean (18); sartuko da indarrean (20)

aldeko indarrek (15); erresistentzia indarren (15); espainiako segurtasun indarrek (14); irakeko segurtasun indarrek (21); irakeko segurtasun indarren (15); nazioarteko indarren (11); okupazio indarrei (46); okupazio indarrek (180); okupazio indarrekin (22); okupazio indarren (178); okupazio indarren aurka (13); okupazio indarren aurkako (19); oposizioko indarrek (14); polizia indarrek (18); segurtasun indarrei (39); segurtasun indarrek (213); segurtasun indarrekin (11); segurtasun indarren (140)

indarrez agintzen (12); indarrez atera (15); indarrez botatzen (12); indarrez hartu (20); indarrez jo (13); indarrez sartu (26)

 



Nodoa: liferay1.lgp.ehu.eus