Bilaketa aurreratua

Ogi apurrak

Egungo Euskararen Hiztegia (EEH)

Hasiera:

indusketa (orobat induskaketa) 1 iz induskatzea.

Indusketa abiatu berria zuten makinek Bartzelonatik gertuko Hostalets de Pierola herrian, zabortegi bat egiteko. Berria - Gaiak   2004-11-20

Nafarroako Gobernuak ez baitu inolako indusketarik agindu eraitsitako herrietan. Edurne Elizondo   «Itoiz, porlanezko gezurra» - 141. orr.

Zuhaitzak bota, indusketak egin eta etxolak eta etxeak nonahi eta nolanahi eraiki zituzten. Agustin Otsoa   «Eraztunen Jauna III» - J.R.R. Tolkien - 367. orr.

Lurra atera bedi indusketa ahalik eta sakonena eginez. Santiago Iruretagoiena   «Arkitekturaz hamar liburuak» - Vitruvio - 2490. orr.

Beraz, leku horietan aurkitzen badira ur beroko iturriak, eta egindako indusketa guztietan lurrun beroa ateratzen bada, [...]. Santiago Iruretagoiena   «Arkitekturaz hamar liburuak» - Vitruvio - 1090. orr.

2 (arkeologian)

Ponpeiako indusketetan aurkitutako hebrear eskuizkribu bat balitz bezala saltzen baitzuen liburuzaleak. Josu Zabaleta   «Fantasiazko ipuinak» - Guy de Maupassant - 45. orr.

Atapuerca Burgosko probintzian dago, eta hango indusketan gauza asko aurkitu dira, balio handikoak. Joxerra Garzia   «Itsasoan euri» - 150. orr.

Alvaro Arrizabalaga Aranzadiko elkarteko arkeologo eta Irikaizko indusketen arduradunak. Berria - Kultura   2004-08-19

Herrialdean abiatutako indusketen emaitzari esker. Berria - Kultura   2004-04-08

Debako koba batean ere indusketak hasi ditu Aranzadik. Berria - Kultura   2004-05-27

Indusketak hasi dituzte Bosniako muino batean, piramide bila. Berria - Gaiak   2006-04-16

Herriko etnografoarekin, eta bertako harrespil eta trikuharrietan egiten ari ziren indusketen berri eman zidan. Xabier Mendiguren Elizegi   «Errautsen distira» - 39. orr.

Ostegunean hasi ziren hobian indusketak egiten. Berria - Harian   2005-07-10

Hasi besterik ez dira egin indusketak, baina dagoeneko hainbat aztarna aurkitu dute. Berria - Mundua   2006-04-29

Los Arcosen egin indusketek frogatzen dute Euskal Herrian laborantza ezagutzen zutela duela 7.000 urte. Berria - Euskal Herria   2004-07-07

Irikaitzen udan egindako indusketek garrantzi handiko aztarna arkeologikoak azaleratu dituzte. Berria - Kultura   2004-08-19

Beriainen egin behar dituzten urbanizazio lanen aurretik indusketa arkeologikoak egiteko baimena eman du Nafarroako Gobernuak. Berria - Kultura   2004-01-09

3 (hitz elkartuetan lehen osagai gisa)

Galdames indusketa lantegiaren atarian bildu ziren, bezperan Artzentalesen behargin bat hil zela salatzeko. Berria - Ekonomia   2004-09-11

Indusketa eremua babesteaz gain, bertaratutako bisitariek arkeologoen lanak ikusi ahal izatea erraztuko du plataforma batek. Berria - Kultura   2004-05-21

Indusketa obrek aurrera egiten duten bitartean elizaren jarduera mantenduko da. Berria - Kultura   2004-06-19

Eraikinaren hegoaldean kokatuta dago indusketa zona. Berria - Kultura   2004-06-19

Iazko indusketa denboraldian gertatu zena dute gogoan arkeologoek. Berria - Harian   2006-03-22

4 (hitz elkartuetan bigarren osagai gisa

Industria gehiegia, kutsadura, berotegi-efektua, itsas zolaren zulaketaz baliaturiko petrolio-indusketa; hots, munduaren andeagarritzat jotzen dugun guztia. Juan Garzia   «Sagua, eulia, eta gizakia» - François Jacob - 93. orr.

Bildutako informazioa eta material kopurua hiri indusketetan biltzen ohi dena baino askoz handiagoa delako. Berria - Harian   2006-03-07

Arkeologia indusketa baten antzekoa izango da. Berria - Gaiak   2006-01-14

5 indusketa lan

Istripuaren unean, indusketa lanetan ari ei zen eta hondeamakina batek atzerantz maniobra arraro bat egitean gizona harrapatu zuen. Berria - Ekonomia   2006-03-07

Indusketa-lanak areagoturiko makurdurarengatik. Jon Alonso   «Lisboako Setioaren Historia» - José Saramago - 371. orr.

Zenbat Erroma diren elkarren gainean, arkitektuek indusketa lanen bati ekiten dioten orotan ageri da. Edorta Jimenez   «Europako mugetan barrena» - 338. orr.

Indusketa lanak amaitu bitartean, biltegian ere izango da bai lanik. Berria - Kultura   2004-08-14

· irud Problema soin-enbor zigortua jasoz konpon nezakeen, baina beldur nintzen kasko barneko konpresoreak ta-ta-ta areagotuko zuen bere indusketa lana. Aingeru Epaltza   «Rock'n'roll» - 353. orr.

6 indusketa makina ik indusmakina.

Istiluak 10:15 aldera hasi zirela azaldu zuen Gazte Asanbladako kideak; indusketa makinak agertu eta udaltzainak haiei bidea egiten saiatu zirenean. Berria - Euskal Herria   2004-09-28

Eraikina beste biren erdian zegoenez, ezinezkoa egin zitzaien indusketa makinei kolpe batez ziplo lurrera botatzea. Berria - Euskal Herria   2004-09-28

hitz multzoen maiztasunak (gutxienez 3 aldiz agertzen direnak)

indusketa lanak (4); indusketa lanetan (4); indusketak egiten (4)

 



Nodoa: liferay1.lgp.ehu.eus