Bilaketa aurreratua

Ogi apurrak

Egungo Euskararen Hiztegia (EEH)

Hasiera:

iragarpen 1 iz gertatu dena edo gertatuko dena iragartzea.

Danborrada Inauterien aurrerapen bat, iragarpen bat dela. Askoren artean   «Rataplan» - 34. orr.

Izan ere, 1939ko martxoa zen, eta egun gutxi lehenago, ia iragarpen hotsandiko berberaz ("Habemus Papam") eman zitzaion amaiera Eugenio Pacelli kardinala Petriren Aulkira jaso zuen elizburuen bilkurari. Juan Garzia   «Sistema periodikoa» - Primo Levi - 63. orr.

Urak botatzeak, eta ondoko erditzearen iragarpen jakinak, bizkarra okertu zion. Anton Garikano   «Maitea» - Toni Morrison - 123. orr.

Zuhurtziaz eta mesfidantzaz hartu du Nafarroako Gobernuak ETAren su-eten iragarpena. Berria - Harian   2006-03-23

ETAren su-eten iraunkorraren iragarpena «baikor» hartzen dutela esan zuen. Berria - Harian   2006-03-23

Desarme iragarpena taktikatzat jotzen dute Londresko gobernuak «kontzesioak» egin ditzan. Berria - Harian   2005-07-29

Londresko gobernuak ere iritzia eman zuen su-eten iragarpenaz. Berria - Harian   2006-03-23

Behar zen bulegora eraman nituen gure paperak, egunkarian azaldu zen gure ezkontza-iragarpena. Joxe Austin Arrieta   «Homo Faber» - Max Frisch - 82. orr.

Laster gertatzekoa zen zerbait handiaren iragarpen gisa. Askoren artean   «Asisko Frantzizko, Asisko Klara» - 424. orr.

Frantziskorentzat, hitz eta gertakari, iragarpen eta historia da Eukaristia. Askoren artean   «Asisko Frantzizko, Asisko Klara» - 106. orr.

Arnasa sakon hartu zuen goragale iragarpena eteteko. Josu Landa   «Odolbildua» - 104. orr.

2 iragarkia.

Gilda filmaren iragarpen kartela zen, "inoiz ez da izan Gilda bezalako andrerik!" esloganaren azpian Fordek Hayworthi jotako zaplaztekoaren unea jasotzen zuena. Josu Landa   «Odolbildua» - 71. orr.

Telebistan ikusten zuen iragarpen bakoitzeko [...]. Unai Elorriaga   «SPrako tranbia» - 72. orr.

3 igarle batek edo, zerbait gertatuko dela esatea.

Eta iragarpen bat egingo dizut: hilabete hau amaitu eta hurrengoa hastean izango duzu hementxe. Juan Kruz Igerabide   «Ulises» - Homero - 146. orr.

Iragarpen izugarri bat irakurri zuen han: Lilavati ezkontzen baldin bazen, hil egingo zen. Jon Muñoz   «Loroaren teorema» - Denis Guedj - 188. orr.

Eta iragarpen bat ere esango diat, eta bete egingo dela uste diat, ez azti naizelako edo hegaztien bidez iragartzen dakidalako, hilezkorrek bular barruan hitz horiek jarri dizkidatelako baizik. Juan Kruz Igerabide   «Ulises» - Homero - 13. orr.

Heriotza-zigorra ezarri zion inguruan aholkulari gisa erabiltzen zuen astrologoetako bati, bete ez ziren -edo erregeren gustukoak ez ziren- iragarpen zenbait egin zituelako edo. J.M. Olaizola "Txiliku"   «101 gau» - 32. orr.

Aspaldiko iragarpen bat bete zaidak. Juan Kruz Igerabide   «Ulises» - Homero - 58. orr.

Kiromantzia, etorkizunaren iragarpena, magia beltza... J.M. Olaizola "Txiliku"   «101 gau» - 85. orr.

Berarengana etorri zen etorkizunerako iragarpen eske. Felipe Juaristi   «Itzarri nahi ez zuen printzesa» - 242. orr.

Beharrak ekarri nau Hadesera, Tiresiasi iragarpena eskatu behar bainion. Juan Kruz Igerabide   «Ulises» - Homero - 77. orr.

-Telemako: hegazti hori iragarpen bat zuan. Juan Kruz Igerabide   «Ulises» - Homero - 112. orr.

Poztu zaitez, Ikarioren alaba; hau ez da amets bat, iragarpen bat baizik. Juan Kruz Igerabide   «Ulises» - Homero - 149. orr.

Ikuskari hutsalak eta iragarpen gezurtiak dituzte; "Jaunaren mezua" esaten dute, Jaunak bidali ez dituen arren. Elizen arteko biblia   Ez 13,6

Horregatik bada, hain sarri egiten diren iragarpen horietakoren bat, halabehar soilez, betetzen baldin bada eta heriotzaren batekin batera gertatzen bada, miraria aldarrikatzen da ber-bertatik, bertatik ahazten baitira bete ez diren gainerako amets guztiak, iragarpen guztiak, zorigaitzaren profezia guztiak. Josu Zabaleta   «Fantasiazko ipuinak» - Guy de Maupassant - 101. orr.

4 zerbait gertatuko dela zantzuetan oinarrituz iragartzea.

1960ko Iraultza abian ipini zen sasoi hartan, sarri egin ohi zen honako iragarpen hau: Euskara eskolan eta telebistan sartzen denean, betiko salbatuta izango da. Koldo Zuazo   «Euskararen sendabelarrak» - 131. orr.

Ekonomilariek bizitza erdia pasatzen dutela iragarpenak egiten, eta beste erdia zer dela eta ez duten asmatu azaltzen. Iban Zaldua   «Itzalak» - 95. orr.

Pertzepzio sistemak egiazko pertzeptuak sortzen ditu […] aldagaiak zenbait arauren arabera konbinatuz gero aurretiazko iragarpenak egiteko aukera ematen dutenak. Josu Zabaleta   «Irudia» - Jacques Aumont - 52. orr.

Datuak larriak dira, eta iragarpenak ez dira hobeak. Berria - Gaiak   2004-09-24

Iragarpenak egiteko ahalmena. J.M. Olaizola "Txiliku"   «101 gau» - 192. orr.

Inflazio-iragarpenak aldatzeko eta prezioen egonkortasuna berreskuratzeko. Koro Navarro   «Ekonomiaren globalizazioa» - Jacques Adda - 151. orr.

Iragarpena a posteriori da igarpen -"Ene, asmatu ere, asmatu egin zuen!"-. Edorta Agirre   «Baietz okerreko bidea aukeratu! » - 9. orr.

5 (meteorologian)

Gaur goizean egin du iragarpen bat, sekulako zaparradak, mendebaleko haizea, terrala, eta abar izango direla. Pello Zabala   «Zeruan zer berri» - 155. orr.

Saiatu naiz meteorologiaz jarduten, iragarpenak taxutzen, dakizkidanak erakusten eta zabaltzen. Pello Zabala   «Zeruan zer berri» - 23. orr.

Eta euria agintzen bazuen iragarpenak, ez zenekien noiz iritsiko zen. Pello Zabala   «Naturaren mintzoa» - 418. orr.

Albistegietako iragarpen laburrak. Pello Zabala   «Zeruan zer berri» - 117. orr.

Egun seinalatu horretan egin behar zuen eguraldiaren iragarpena. Iñaki Segurola   «Gaur ere ez du hiltzeko eguraldirik egingo» - 293. orr.

Eguraldi iragarpen batek diru puxkatxo bat ekar zezakeenik ere ez zitzaidan burutik pasatu. Pello Zabala   «Zeruan zer berri» - 127. orr.

Meteorologia iragarpen zerbitzuak antolatzeko. Pello Zabala   «Zeruan zer berri» - 32. orr.

Ez dakit 1916ko Nekazarientzako Eguraldi Iragarpen kanpaina horretan parte hartuko zuten Arantzazutik. Pello Zabala   «Zeruan zer berri» - 47. orr.

 



Nodoa: liferay1.lgp.ehu.eus