Egungo Euskararen Hiztegia (EEH)

"Ez dik meritu handirik, ez", pentsatu du, "arratsaldero mekanoa hartu eta garabi berbera egiteak".     «Bizia lo», 2003 - 28. orr.

Baina amak ez daki mekanoa montatzen.     «Bizia lo», 2003 - 18. orr.

Mundu bizia elementu kopuru finitu baten konbinazio modukoa da, eta mekano erraldoi baten itxura du, eboluzioak atergabe darabilen brikolajetik sortua.  Juan Garzia   «Sagua, eulia, eta gizakia» - François Jacob, 2004 - 13. orr.

Espezieak konbinatoria batek, "Lego" joko edo mekano moduko batek sortu balitu bezala.  Juan Garzia   «Sagua, eulia, eta gizakia» - François Jacob, 2004 - 120. orr.

Gazteluan sartu zen, sartzen den bakoitzean hain txikia izateak harritzen du, jostailuzkoa dirudi, lego edo mekano bat bezalakoa da.  Jon Alonso   «Lisboako Setioaren Historia» - José Saramago, 2000 - 162. orr.

Sapaia altua da, lau metro bai, eta horma bat, sapairaino iristen diren mekano-itxurako apalategi batez dago beteta.  Harkaitz Cano   «Piano gainean gosaltzen», 2000 - 61. orr.

Gure gelako mekano-apalategi handian kokatu ditut diskoak, han eta hemen.  Harkaitz Cano   «Piano gainean gosaltzen», 2000 - 101. orr.

Pabilioia erabat hutsik zegoen, hormen kontra jarritako mekano-apalak salbu.  Harkaitz Cano   «Pasaia blues», 1999 - 117. orr.

Udalak festetarako ekartzen ohi zuen zezen plaza aldakorretik mekano ketu bat baino ez zen gelditu, burdinazko hondakin erromatarra.  Koldo Izagirre   «Sua nahi, Mr. Churchil?», 2005 - 164. orr.

Horretarako, ukipen errezeptoreak garatu zituzten -mekanoerrezeptoreak; guk haiengandik jaso genituen gero-, eta horien nerbio bukaerek bulkada elektriko bihurtzen dituzte estimulu mekanikoak; ondoren, bulkada horiek ziztu bizian burmuineko plazeraren gunera joango dira.  Luis Elberdin   «Sexua noiznahi», 2005 - 177. orr.

Larruazaleko geruza guztietan daude, eta mekano-errezeptore esaten zaie; izan ere, kanpotik datozen estimulu mekanikoak hartzen espezializatutako korpuskuluak dira.  Luis Elberdin   «Sexua noiznahi», 2005 - 236. orr.