Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ukitu2 1 iz ukitzea. ik uki.

Pikturalismoak [...] lehen ikusian artistiko izango ziren obrak egin nahi izan zituen, horretarako manipulazioak, ukituak, urratuak ugari eginez. Josu Zabaleta   «Irudia» - Jacques Aumont - 286. orr.

Margolari askok kolorea banatzen eta jartzen duen eskuaren eginkizuna, ukituaren eginkizuna azpimarratzen dute beren idatzietan. Josu Zabaleta   «Irudia» - Jacques Aumont - 249. orr.

Ukitua eta usaina bihotzera heldu zaizkio Joxani. Paddy Rekalde   «Ragga-ragga dator gaua» - 40. orr.

Mesalinaren ukituak nerbio guztiak tentetu zizkion. Fernando Morillo   «Ortzadarra sutan» - 47. orr.

Sethek dardara egin zuen, zapi baten ukitua sentitu zuenean larruan. Anton Garikano   «Maitea» - Toni Morrison - 44. orr.

Norbaiten ukondoaren ukituak esnatu zuen. Xabier Aranburu   «Alkimista» - Paulo Coelho - 67. orr.

Hatz haien ukituaz oroitu zen Sethe, bereak baino ezagunagoak zituen eta. Anton Garikano   «Maitea» - Toni Morrison - 142. orr.

Kantaren izena The touch of your lips baitzen, "Zure ezpainen ukitua". Bernardo Atxaga   «Soinujolearen semea» - 51. orr.

Gizasemearen ile busti leunaren ukitua sentitu nahi izaten zuen. Mirentxu Larrañaga   «Hona hemen gu biok» - Dorothy Parker - 148. orr.

Oinen azpian belar bigun ongi zainduaren ukitua. Oskar Arana   «Brooklyngo erokeriak» - Paul Auster - 200. orr.

Esku sakratu haien ukitu leuna sentitu bezain laster, gangrena desagertu zen. Askoren artean   «Asisko Frantzizko, Asisko Klara» - 842. orr.

Gauza da bere ezpainen freskotasuna sentitu nuela; eta ustekabeko eta konpromisozko ukitu hark gerora jasoko nituen laztan sukartsu guztiak baino zirrara handiagoa eragin zidan. Ramon Saizarbitoria   «Gorde nazazu lurpean» - 92. orr.

Lasaikiro, gorrizko ukitu bat eman zuen ezpainetan. Lopez de Arana   «Manhattan Transfer» - John Dos Passos - 358. orr.

Auzoko ileapaindegiko propaganda txarteltxoari puska bat kendu eta hoditxo bat egin dut biribilduz; ezpainek kartoiaren ukitua behar dute. Pako Aristi   «Urregilearen orduak» - 238. orr.

Egungo euskal ahoskeraren analisia: gaztelera eta frantsesarekiko elkar-ukituen azterketa. Lourdes Oņederra   «Fonetika fonologia hitzez hitz» - 21. orr.

2 (hitz elkartuetan bigarren osagai gisa)

Kapela-ukitu batzuk egiten zituzten artean ere. Monika Etxebarria   «Goragalea» - Jean Paul Sartre - 100. orr.

Irudiaren beraren materia, atzemateko gaia den heinean, margolaritzan "pintzel ukitua" atzemateko. Josu Zabaleta   «Irudia» - Jacques Aumont - 130. orr.

Fusio-sukaldaritza: lehengaiez (beren aho-ukitu, usain, zapore, kolore eta guzti), egospenez [...] eta gainerakoez osaturiko sukaldaritza mestizatua. Edorta Agirre   «Baietz okerreko bidea aukeratu! » - 67. orr.

3 irud/hed

Koñakaren ukitu beroek beren lana egin zuten. Bernardo Atxaga   «Lekuak» - 231. orr.

Ukitu epel, umel eta apur bat itsaskorra sentitu nuen. Urtzi Urrutikoetxea   «Zoririk ez» - Imre Kertész - 44. orr.

"Goi-goiko, ahalguztidun, Jaun onaren" dohain da guztia eta haren aztarna eta ukitua darama. Askoren artean   «Asisko Frantzizko, Asisko Klara» - 93. orr.

4 konpontze edo antolatze arina.

Ipuina etxean bukatuxea nuen bezperatik, azken ukituen faltan. Aingeru Epaltza   «Lasto sua» - 35. orr.

Pedro Huizi azken ukituak emaiten ari zitzaion santa Klararen erretratuari. Joan Mari Irigoien   «Lur bat haratago» - 314. orr.

Arrain-zopari azken ukituak ematen. Mirentxu Larrañaga   «Hona hemen gu biok» - Dorothy Parker - 51. orr.

Begira nuela ederki jakinda, ukitu batzuk egiten nituen ezpain-barraz eta makillajeaz. Karlos Zabala   «Buda zoriontsuen etxea» - João Ubaldo Ribeiro - 68. orr.

Botoitxoa sakatu aurretik, atariko kristalean, ukitu batzuk eman zizkion bere buruari. Migel Angel Mintegi   «Denak du bere prezioa» - 99. orr.

Ez zen aparteko emakumea, baina janzkerari eta itxurari ukitu batzuk emanez gero [...]. Migel Angel Mintegi   «Denak du bere prezioa» - 44. orr.

Jackek bazituen argitaratu gabeko ipuin batzuk, eta niri berdin gertatzen zitzaidan; ukitu batzuk eman, izenburu probokatzaile-antzeko batzuk ipini, ipuin berriren bat gehitu, eta bilduma bitxia osatuko genuen. Iban Zaldua   «Gezurrak, gezurrak, gezurrak» - 40. orr.

Erokeriazko katramila ikaragarri batean oldartu ginen azkenerako, baina ez naiz batere damutzen -ukitu txiki batzuk egingo nituzke, besterik ez-. Karlos Zabala   «Buda zoriontsuen etxea» - João Ubaldo Ribeiro - 144. orr.

5 xehetasun ezaugarria.

Alde batetik oso erromantikoa izan zitekeen gutunari ukitu hura ematea, baina modaz pasatako ukitua zela iritzi zion, berehala. Joxemari Urteaga   «Ordaina zor nizun» - 87. orr.

Ez da tradizio monastikoaren ukitua ere falta, San Benediktoren Erregela eta Hugolino kardinalak eman zizkien xedapenak medio. Askoren artean   «Asisko Frantzizko, Asisko Klara» - 1168. orr.

Itxierako erredaktoreak bere ukitu pertsonala uzteari uko egina zion behingoz, nire erreportaiei zegokienez. Aingeru Epaltza   «Rock'n'roll» - 87. orr.

Mutiko itsu gaixo horrek ez du gizatasunaren ukitu handirik; bestek eraginik bezala diharduen egile inkontziente bat dirudi emanaldietan. Xabier Olarra   «Antropologo bat Marten» - Oliver Sacks - 189. orr.

Aristokraziaren ukitu distiratsuarekin hornitu nahi zuten beren burua. Bernardo Atxaga   «Lekuak» - 74. orr.

Imintzio horiek oso ukitu garratza ematen zieten haren eztenkada satiriko ugariei. Izenburua aldatu, argitaratzaileak berak aukeratutako Goragalea jartzeko, bata, eta bestea aldaketa batzuk egitea, ukitu "populistenak" kentzeko. Jose Morales   «Arima hilak» - Nikolai Gogol - 231. orr.

Enrikek halatsuko ukitu bat zuen. Iņaki Iņurrieta   «Kuskue tanden» - 36. orr.

Eta larderiaren ukitua ere badik. Txillardegi   «Putzu» - 373. orr.

6 (hitz elkartuetan bigarren osagai gisa)

Orson Welles zahartuaren antz urrutiko bat sumatzen zion, munstro ukitu batez-edo. Iņaki Iņurrieta   «Kuskue tanden» - 36. orr.

Parajeek, inguruek, estazioetan ikusten genuen jendeak, bizilekuek eta txabolek azti-ukitua zeukaten. Gotzon Garate   «India harrigarria» - 37. orr.

Dotorezia neurrizkoa, fantasia ukitu batekin. Monika Etxebarria   «Goragalea» - Jean Paul Sartre - 147. orr.

Desolamentu ukitua areagotzen dute. Edorta Jimenez   «Europako mugetan barrena» - 169. orr.

Irribarreak, eztia eta halaber tristezia ukitua zuenak, liluratu egiten ninduen. Ramon Saizarbitoria   «Gorde nazazu lurpean» - 136. orr.

Sofistikatua baina ez gehiegi, utzikeria-ukitu ondo estudiatu batzuekin. Xabier Mendiguren Elizegi   «16 ipuin amodiozko» - 144. orr.

Erregu ukitua zuten begi izutuekin begiratzen zion noiz bukatuko zain. Bego Montorio   «Napomuceno da Silva Araujo jaunaren testamentua» - Germano Almeida - 76. orr.

Deskribapen gogoangarriak egin zituen aranaren azalaren argizari-ukitu labainaz, muxiken bixar-ukitu goxoaz eta nektarinen leuntasunaz. Xabier Olarra   «Antropologo bat Marten» - Oliver Sacks - 155. orr.

Emakumeak erakarri egiten bainau, haren "begi eder tristeek, bakardade-ukitu batez tindatuak". Eskarne Mujika   «Berdin dio» - Agota Kristof - 45. orr.

Bioletaren mirespena ergeltasun ukitu baten adierazle ere bazela iruditzen zitzaidan. Ramon Saizarbitoria   «Gorde nazazu lurpean» - 359. orr.

Gero, boza eta behakoa gogortasun ukitu baten inguruan lotzen zituela, erran zidan: [...]. Joan Mari Irigoien   «Lur bat haratago» - 428. orr.

7 (hitz elkartuetan lehen osagai gisa)

Weldon andrea ez zen bereziki ukitu-emaile abila. Mirentxu Larrañaga   «Hona hemen gu biok» - Dorothy Parker - 131. orr.

8 ukia.

Ukitu leuna du koadernoak. Anjel Lertxundi   «Konpainia noblean» - 12. orr.

Ukitu leuna zuen arren, ezin zuen ikusi eskuaren ehundura fina. Ibon Uribarri   «Loti ederrak» - Yasunari Kawabata - 31. orr.

Ukitu arraroa zuen, ura ehundu eta material bihurtu zela ematen zuen. Iñaki Mendiguren   «Harry Potter eta Azkabango presoa» - J.K. Rowling - 181. orr.

Sentimenei on eta ukituari txar zaizkion zer guztiak egitura ezberdina daukatelako dira elkarren kontrako. Xabier Amuriza   «Gauzen izaeraz» - Lukrezio - 121. orr.

 



Nodoa: liferay1.lgp.ehu.eus