Bilaketa aurreratua

Ogi apurrak

Egungo Euskararen Hiztegia (EEH)

dastarazi (orobat jastarazi), dastaraz, dastarazten 1 du ad dastatzera behartu.

Ondoan Izal-ko gazta dastarazi didate; eta aurrerago Baigorritik etorritako bat.  Txillardegi   «Labartzari agur», 2005 - 92. orr.

Gero, bi ogi pusken artean arroltze moleta baratzeko biperrekin janik, xahakoak hiruzpalau itzuli eginik -bakoitzak bere etxeko arnoa jastarazteko doia, auzokoarenarekin konparatzeko- abiatu ziren berriz beheiti gizonak.  Michel Oronoz   «Oilandoiko ermita», 2001 - 15. orr.

Jean Michel Ayçaguer-ek aldiz bere sagardoiko fruituak tinkatuko ditu eta heien jusa jastaraziko.  Herria   2005-11-24

Min zuriaren mende gertatu nintzen ia-ia Honorék bere pekari ananaren kutsuan, inolaz ere probatu behar nuela eta, dastarazi eta gero, baina neure senera itzultzea lortu nuen.  Joxan Elosegi   «Ahardikeriak» - Marie Darrieussecq, 2004 - 50. orr.

2 irud/hed

Beste emakume bat izan balitz, aiseago kanporatuko zuen, baina tantaz tanta dastarazi nahi izan zion etsipenaren kopa.  Patxi Zubizarreta   «Mirarien kalezuloa» - Nagib Mahfuz, 2006 - 327. orr.

Gaixoa herrazko oskol batean ixten doa eta dastarazi nahi izaten die mingostasuna bere esku bihurtutako ahaideei edo adiskideei.  Jon Alonso   «Erretzaileen eremua», 2006 - 67. orr.

3. zikloko 350 bat haurreri bertsularitza jastarazteko.  Herria   2003-10-30

Bertsoaren alde magikoa dastarazteko.  Berria - Kultura   2006-04-29

Juanitok berak mendizale-talde bat sortu zuen, herriko gazteei mendia maitatzen irakatsi eta, bide batez, aberriaren ederra ere dastarazteko.  Xabier Mendiguren Elizegi   «Errautsen distira», 2002 - 64. orr.

Hura joan eta gero, planetak jiraka jarraitu zuen, baina jiratze hark ez zidan ekartzen lehen bezalako zorabio gozorik, urdailaren ahoa inurritzen zidan hura bezalakorik, [...] bizitzera nindoan une bakoitzaren zirrara dastarazten zidan hura bezalakorik.  Juan Kruz Igerabide   «Hauts bihurtu zineten», 2005 - 214. orr.

Argi eta distira eginez uxatu duzu nire itsumena; zure usain gozoa zabaldu duzu eta arnastu dut, eta zure irrikaz nabil ordutik; dastatu zaitut eta gose-egarri naiz; ukitu nauzu eta zure bakeak sugarretan nauka.  Imanol Unzurrunzaga   «Hainbat idazlan» - San Agustin, 2003 - 250. orr.

hitz multzoen maiztasunak (gutxienez 3 aldiz agertzen direnak)

dastarazi nahi (3)

 



Nodoa: liferay1.lgp.ehu.eus