Bilaketa aurreratua

Ogi apurrak

Egungo Euskararen Hiztegia (EEH)

Hasiera:

imajinazio (orobat imaginazio g.er. eta imajinazino; Hiztegi Batuan imajinazio agertzen da) iz irudimena, asmamena.

Itzelak dira, inondik ere, imajinazioaren ahalmenak. Jon Alonso   «Lisboako Setioaren Historia» - José Saramago - 267. orr.

Alabak baino imajinazio gutxiago izanki. Itxaro Borda   «Hiruko» - 34. orr.

-Hik daukak imajinazinoa! Iñaki Iñurrieta   «Kuskue tanden» - 99. orr.

Erabil ezazue imajinazioa. Pako Aristi   «Gelatxo, soinuaren bidaia luzea» - 25. orr.

Imajinazioa lanean jarrita nola edo hala moldatuko nintzen. Migel Angel Mintegi   «Denak du bere prezioa» - 24. orr.

Mundua ulertzeko emanak izan zaizkigun dohain guztien artean imajinazioa da tresnarik zorrotz, ausart, eta osoena. Pako Aristi   «Urregilearen orduak» - 285. orr.

Izan ere, bizitza imajinazioaren ariketa badaezpadako eta halamoduzko bat baino ez da, borroka bat aurrez irudikatu genuen guztiaren eta sasoi bakoitzak bere orenean dakarkigun egia ergelaren artean. Pako Aristi   «Note book» - 114. orr.

Gaur, gizon-emakumeen barrenak gose dauden garaian, telebistak osatzen du horiei denbora nola pasa asmatzeko falta zaien imajinazioaren lekua. Pako Aristi   «Urregilearen orduak» - 322. orr.

Margaritak gehitu zuen errazagoa zela horrelako esperientziak izatea telebista eta zinema zabaldu zirenez geroztik, hain zuzen ere imajinazioak hainbat eta hainbat irudiren euskarria zeukalako orain. Bernardo Atxaga   «Lekuak» - 138. orr.

Eranzten saiatu nintzen, baina imajinazioa ikaratu egin zitzaidan flanelazko gonazpiko motzera eta belaunetaraino iritsiko zitzaizkion barneko galtza urdin ilunetara heldu zenean. Koro Navarro   «Artistakume baten erretratua» - Dylan Thomas - 89. orr.

Imajinazioa exijitzen diogu idazleari, eta hark hori bera itxaron du guregandik, ea bien artean liburua mediokritatetik salbatuko duen sendagai magiko antzekoa egosten duten. Pako Aristi   «Urregilearen orduak» - 285. orr.

Imajinazioak kalea zapaldu behar du, eszena barregarriak klasiko bihurtzen zituen Fellini maisu berdin ezinak esango lukeenez. Berria - Kultura   2004-07-31

Horregatik agertzen dira horrenbeste aipamen imajinazioak sorturiko mundu bati. Berria - Harian   2005-10-12

2 (izenondoekin)

-Imajinazio handia beharko dut, ez pentsa. Migel Angel Mintegi   «Denak du bere prezioa» - 150. orr.

Imajinazio lizuna zer den. Patziku Perurena   «Trapuan pupua» - 86. orr.

Ximurrak imajinazio eskasa zuen. Aingeru Epaltza   «Rock'n'roll» - 141. orr.

3 (hitz elkartuetan)

Gizakiak bere baitan eratzen duen mundu-irudikapena, zientzian oinarritua izan zein mitoan, imajinazio-kontua da hein handi batez. Juan Garzia   «Sagua, eulia, eta gizakia» - François Jacob - 169. orr.

Gero bizkarrak harrotu zituen, bere senarraren imajinazio falta barrutik deitoratuz. Berria - Kultura   2004-08-22

 



Nodoa: liferay1.lgp.ehu.eus