nireEHU 
Derrigorrezko Bigarren Hezkuntzako eta Batxilergoko, Lanbide Heziketako eta Hizkuntzen Irakaskuntzako Irakasleen Prestakuntza Unibertsitate Masterraren zortzi espezialitateetako bat da. Espezialitate guztietarako berdina den Modulu Orokorra bukatutakoan ematen da.
Bi modulutan antolatuta dago. Lehenengo moduluaren helburu nagusia da Bigarren Hezkuntzako eta Batxilergoko musika irakasleen eta dantza eta arte eszenikoetako irakasleen irakaskuntza eta lan aukerak aurkeztea, eta, horrez gain, diziplina horien didaktika espezifikoa, curriculuma eta metodoak ezagutzea.
Bigarren moduluak programazioaren, didaktikaren, ebaluazioaren eta berrikuntzaren arloko prestakuntza eskaintzen du eta estrategia eta metodo horiek espezialitateko eduki eta gai zehatzetan aplikatzea du helburu, Bigarren Hezkuntzako, Batxilergoko edo pareko mailetan.