"Ekonomiarako Sarrera I" irakasgaian landutako kontsumitzailearen hautapenaren teorian oinarrizkoak diren aspektuak errepasatzea eta sakontzea. Truke ekonomietan oreka orokorraren eta ongizatearen analisia burutzea.



Gaitasun espezifikoak



1.- Hoberenatzearen printzipioan oinarritzen diren eredu matematikoen bitartez kontsumitzailearen jokaeraren ezaugarriak zehaztu, gizabanakoak eskuragarri dituen kontsumo otarreen artean onena deritzona aukeratzen duela suposatzen delarik eta horretarako hurrengo urratsak emanez:

a.- Ondasunen prezioak eta kontsumitzailearen errenta ezagututa honen aurrekontu multzoa lortu.

b.- Kontsumitzailearen lehentasun erlazioa eta lehentasun hauek adierazten dituen baliagarritasun funtzioa lortu.

2.- Aurrekontu murriztapena kontuan izanik, baliagarritasuna maximizatzearen emaitzatik eskari funtzioak lortu.

3.- Emaitzak formalizatu eta ekonomikoki azaltzen jakin, baita aldagai ekonomiko garrantzitsuenek emaitzetan dituzten eraginak aztertu ere estatika konparatiboaren analisiaren bitartez.

4.- Efizientzia, oreka orokorra eta ekitatearekin erlazionatutako aspektu ekonomikoak identifikatu, aztertu eta ereduak eratu.



Irakasgaiaren ikaskuntzaren emaitzak



1.- Hoberenatzearen printzipioan oinarritzen diren eredu matematikoen bitartez kontsumitzailearen jokaeraren ezaugarriak zehaztu. Horretarako gizabanakoak eskuragarri dituen kontsumo otarreak definitzen ikasi behar du ondasunen prezioak eta kontsumitzailearen errenta emanik, eta kontsumitzailearen lehentasun erlazioa eta lehentasun hauek adierazten dituen baliagarritasun funtzioa lortzen jakin behar du.

2.- Aurrekontu murriztapena kontuan izanik, baliagarritasuna maximizatzearen emaitzatik eskari funtzioak lortzen ikasiko du.

3.- Emaitzak formalizatu eta ekonomikoki azaltzen ikasiko du, baita aldagai ekonomiko garrantzitsuenek emaitzetan dituzten eraginak aztertzen ere, estatika konparatiboaren analisiaren bitartez.

4.- Efizientzia, oreka orokorra eta ekitatearekin erlazionatutako aspektu ekonomikoak identifikatzen, aztertzen eta ereduak eratzen ikasiko du.





Zeharkako gaitasunak



1.- G3: Arrazoi bidez balorazioak egin eta gaitasun kritikoaz garrantzizko auzietan erabakiak hartzea. Informazioa perspektiba ezberdinetatik aztertu: ahozko arrazoibidea, analitikoa eta grafikoa.

2.- G6: Idatzizko komunikaziorako gaitasuna, bereziki txosten argi eta koherenteen elaborazioan.

3.- G8: Taldean lan egiteko gaitasuna, arduraz eta errespetuz, ekimenaz eta lidergoaz. Lantalde prozesuetan ikasleen partaidetza landu.

1 Gaia. Merkatuak eta prezioak. (1go kapitulua)

1.1. Eskaria eta eskaintza.

1.2. Merkatuaren mekanismoa.

1.3. Merkatuaren oreka aldakuntzak.



2 Gaia. Kontsumitzaileen lehentasunak. (3. kapitulua)

2.1. Lehentasunen propietate desiragarriak.

2.2. Baliagarritasuna.

2.3. Indiferentzi kurbak eta Ordezte Erlazio Marjinala.

2.4. Zenbait adibide.



3 Gaia. Baliagarritasuna maximizatzea eta hautapena. (4. kapitulua)

3.1. Aurrekontu murriztapena. Aurrekontu murriztapenaren aldaketak.

3.2. Baliagarritasuna maximizatzea.

3.3. Gastua minimizatzea.



4 Gaia. Banakako eskaria. (5. eta 6. kapituluak)

4.1. Ordezte eta errenta eraginak.

4.2. Banakakoaren eskari kurba.

4.3. Eskari konpentsatu kurbak.

4.4. Kontsumitzailearen gaineratikoa.

4.5. Ondasun osagarriak eta ordezgarriak.



5 Gaia. Merkatuaren eskaria. (7. kapitulua)

5.1. Merkatuaren eskari funtzioa: eratzea eta desplazamenduak.

5.2. Merkatuaren eskaria eta elastikotasuna.



6 Gaia. Truke ekonomia eta efizientzia ekonomikoa. (17. eta 25. kapituluak)

6.1. Efizientzia truke eredu batean: kontratu-kurba.

6.2. Trukea hasierako zuzkidurekin.

6.3. Lehia oreka truke ekonomietan.

6.4. Ongizate sozialaren funtzioak: efizientzia eta ekitatearen arteko gatazka.

Atal nagusia klase magistralak dira; hauetan irakasgaia osatzen duten gaiak garatuko dira. Praktika eskoletan irakasleak ikasgaiari buruzko ariketak egingo ditu. Mintegietan ikasleek klase magistraletan eta praktiketan aztertutako gaiei buruzko test erako zenbait galderei banaka erantzungo diete eta, talde lanean, galdera teorikoak eta kasu praktikoak ebatziko dituzte.

Osasun egoera dela-eta aurrez aurreko klaseak ezinezkoak suertatzen badira, presentziala izan beharrean irakaskuntza online egingo da, eGela plataformaren bidez antolatuta.

Ohiko deialdian ebaluazioa jarraia izango da. Dekanotzak jarritako datan, ikasleak azken azterketa bat egingo du. Idatzizko proba honetan ariketa teoriko zein praktikoak ebatziko ditu eta emaitza, notaren % 70 izango da. Horretaz gain, ikasleak mintegietan egindako lana ere ebaluatuko da eta emaitza, notaren % 30 izango da. Honetarako idatzizko proba bat egingo da kurtsoan zehar, eta ikasleak ariketa teoriko zein praktikoak ebatzi beharko ditu. Ebaluazio partzial honen data eGela plataformaren bitartez aditzera emango da ikasturtearen hasieran. Ikasturtean zehar ebaluazio proba honetara aurkeztu ondoren azken azterketara aurkezten ez diren ikasleek Ez Aurkeztua nota izango dute.



Dagokion kasuan ebaluazio jarraia egin behar ez duten ikasleak azken azterketa baten bidez ebaluatuko ditugu azterketa hau irakasgaiaren notaren % 100 izango delarik.



Ezohiko deialdian. Azken ebaluazioa. Dekanotzak jarritako datan, ikasleak proba bat egingo du notaren % 100 balioko duena.



Oharra: Osasun egoera dela-eta azterketak egitera bertaratzea ezinezkoa baldin bada, probak aurrez aurre izan ordez online izango dira eta test motakoak.

Oinarrizko bibliografia eta irakasleek banatutako ariketa bilduma (gai bakoitzari dagozkion ariketak Moodle plataforman argitaratuko dira).

Oinarrizko bibliografia

Nicholson, W. (2006): Teoría Microeconómica. Principios Básicos y Ampliaciones. Thomson, 8ª edición.



Varian, H. (2007): Microeconomía Intermedia: Un enfoque moderno. Ed. Antoni Bosch, 7ª edición.

Gehiago sakontzeko bibliografia

Pindyck, R. S. y D. L. Rubinfeld (2009): Microeconomía. Prentice Hall, 7ª edición.