EZAGUERAK

E1. Epe luzeko makroekonomiari eta errealitate ekonomikoaren edozein alderdiren analisi eta deskribapenari arrazionaltasuna gaineratzeko gai izatea.

E2. Politika ekonomikoak dituen ekintza-aukera ezberdinen ondorioak ebaluatu eta buruzagi ekonomikoak dituzten helburu bakoitzerako egokienak aukeratzeko gai izatea.

E3. Aldagai makroekonomiko garrantzitsuenei buruzko informazioa bildu, iturri estatistiko ofizialetatik batez ere. Datuetatik, profesionalak ez direnek ezagutu ezin duten informazio garrantzitsua ondorioztatu eta ebaluazio-txostenak idazteko gai izatea.



IRAKASKUNTZAREN HELBURUAK:

H1. Makroekonomiaren rola aztertzea eta Gizarte Zientzien testuinguruan eskaintzen dizkigun aukerak erakustea.

H2. Agregatu makroekonomiko nagusiak oinarritzen dituzten kontzeptuak ulertzea, nola kalkulatzen diren jakitea eta nork egiten eta argitaratzen dituzten jakitea.

H3. Errenta eta errentaren banaketa determinatzeko eredu basikoak erabiltzea, ekonomia itxietan zein irekietan, ereduak grafikoen bitartez irudikatzeko gai izatea eta analitikoki eta numerikoki ebazteko gai izatea.

H4. Ekonomien arteko hazkunde prozesuetan dauden aldeak analizatzea. Solowen eredua erabiltzea, ekonomien epe luzeko portaera aurreikusteko.

H5. Langabeziarekin lotuta dauden kontzeptuak ulertzea, epe luzea kontuan hartuta.

H6. Ekonomia modernoetan diruaren garrantzia oinarritzea; moneta teoria klasikoaren bidez, moneta politikaren rola ulertzea.

H7. Ziklo ekonomikoen kontzeptua ulertzea. Prezioen malgutasunaren hipotesiak duen garrantzia aztertzea, prezioen zurruntasunaren hipotesiarekin konparatuz.



IKASKUNTZAREN EMAITZAK:

IE1. Agregatu makroekonomikoei buruz, nola kalkulatzen diren deskribatzea eta nork egiten eta argitaratzen dituzten datuak jakitea.

IE2. Epe luzeko kuestioak ikasteko erabiltzen diren eredu makroekonomikoen balizkoak interpretatzea, grafikoen bitartez analizatzeko gai izatea, eta, matematikak erabiliz, problemak ebazteko gai izatea.

IE3. Fiskal eta Moneta politiken eragina analizatzea, ikasgai honetan aztertzen diren ereduak erabiliz.

IE4. Txosten ebaluatiboak idaztea eta, ariketa kuantitatiboetan oinarritzen diren emaitzak kontuan hartuta, politika ekonomiko gomendio sinpleak ematea.



Irakasgaiaren ZEHARKAKO HELBURUAK:

Z1. Ekonomiari buruzko informazio iturriak ezagutu eta edukiak aztertzea.

Z2. Komunikazio eta informazio teknologien ohizko erabilera bermatzea jarduera profesionalean.

Z3. Bere inguruarekin komunikatzeko jariotasuna lortzea.

1. Makroekonomiari sarrera.

2. Datu makroekonomikoak.

3. Barne produkzioa, banaketa eta esleipena.

4. Hazkunde ekonomikoa

5. Dirua eta Inflazioa.

6. Langabezia.

7. Ekonomia irekia.

8. Fluktuazio ekonomikoei sarrera.

Irakasgai honetan irakaskuntza-metodologia desberdinak erabiltzen dira ikasleek konpetentziak garatu ditzaten eta finkatutako ikasketa emaitzak lor ditzaten. Lehentasunezko helburua lan autonomoa garatzea da ikasleei materiaren alderdi desberdinak ulertzera laguntzen dieten baliabide informatiko eta bibliografikoen bitartez.



Materiaren kontzeptu-edukien klaseak emango dira, gaien eztabaida irekia sustatuz, ikasleek ahozko komunikazioarekin erlazionatutako trebetasunak lor ditzaten.



Banaka edo taldean garatuko dituzten jarduerak, buruketak eta ariketak emango dira, materiaren ezaguera teoriko-praktikoan sakontzea eta Makroekonomia kideko beste area batzuekin erlazionatzea baimenduko duelarik. Lan arduratsua taldean sustatuko da.



Hazkunde ekonomikoarekin erlazionatutako ordenagailuko lan bat egingo da, ikasleen trebetasun informatikoa sustatuko duena.



Kurtsoaren hasieran irakasgaiaren jardueren egutegia (kronograma) banatuko da.



Irakasgaiaren materialak eGELA plataforman eskuragarri izango ditu ikasleak.

Ohiko deialdian, ebaluazioa mistoa izango da. Nota finalaren %25a kurtsoan zehar egindako lan batean oinarrituko da. Gainera, ikasleek azterketa partzial bat egingo dute, nota finalaren beste %25 lortzeko. Gainontzeko %50a azterketa finalaren bitartez lortuko da, Fakultateak finkatzen duen datan. Beharrezkoa da ikasleak gutxienez 3/10 ateratzea azterketa finalean irakasgaia gainditzeko. Ikasleek azterketa finalean, partzialean lortutako baino nota hobea lortzen badute, azterketa finalaren pisua %75a izango da notan; eta gainonetzeko %25a lanaren nota izango da (partzialaren nota "ahaztuz", beraz, finalean nota hobetzea lortzen badute). Notaren hobekuntza hau aplikagarria izan dadin, beharrezkoa izango da partzialean gutxienez 3/10 ateratzea. Ikasgelan parte hartzeagatik eta eskatzen diren jarduerak egiteagatik azken nota %10 arte igo ahal izango da.



Ebaluazio jarriatuari (mistoari) uko egiteko eta %100a balio izango duen proba egiteko aukera izango du ikasleak ohiko deialdian. Horretarako, dekanotzak zehazten duen epean barne, ebaluazio jarraituari uko egiten diola komunikatu beharko dio ikasleak irakasgaiaren ardura duen irakasleari, idazki edo email baten bitartez. Ebaluazio mota hau aukeratzen duten ikasleen ebaluazioa hurrengo erakoa izango da: Test azterketa bat (notaren %70) bat eta praktika bat (notaren %30). Praktika ebaluatu ahal izateko test azterketan 10etik 3 puntu lortzea beharrezkoa izango da. Praktika klasean egindakoen antzekoa izango da.



Ebaluazio probak presentzialak izango dira. Arrazoi estra-akademikoengatik ebaluazio probak era presentzialean ezin balira egin, irakasgaiaren azterketen proba motak aldatu ahal izango dira.

Hau ikasleei aurrerapen nahikoarekin iragarriko zaie, azkeneko proben aldaketak jakinaraziz.

[1] Testu liburua: Mankiw, N. G., "Macroeconomía". 8ª edición, 2014, Antoni Bosch Editor.

[2] Ariketa liburua: Gutiérrez, M.J., De la Rica, S., Ugidos, A. y J. Vázquez, “Macroeconomía de Largo Plazo: Ejercicios tipo test resueltos”, 2002. Servicio Editorial de la UPV-EHU. ISBN 84-8373-457-5.

[3] Ikasleen koadernoa

[4] Kurtsoan zehar eGELA-n argitaratutako materiala.

Oinarrizko bibliografia

[1] Testu liburua: Mankiw, N. G., "Macroeconomía". 8ª edición, 2014, Antoni Bosch Editor.



[2] Ariketa liburua: Gutiérrez, M.J., De la Rica, S., Ugidos, A. y J. Vázquez, “Macroeconomía de Largo Plazo: Ejercicios tipo test resueltos”, 2002. Servicio Editorial de la UPV-EHU. ISBN 84-8373-457-5.



[3] Ikasleen koadernoa



[4] Kurtsoan zehar eGELA-n argitaratutako materiala.

Gehiago sakontzeko bibliografia

[1] Abel, A. B. eta B.S. Bernake, "Macroeconomía". 4ª edición, 2004, Pearson Addison Wesley.
[2] Bajo, O., Díaz, C., eta M.A. Mones, "Ejercicios de Macroeconomía Intermedia". (1997). Antoni Bosch Editor.
[3] Bajo, O. eta A. Monés. "Curso de Macroeconomía". 2000. Antoni Bosh Editor.
[4] Barro, R.J., Grilli, V., eta R. Febrero. "Macroeconomía. Teoría y Política". 1997. McGraw-Hill, Madrid.
[5] Bergstom, R.S. eta T.C. Varian. "Ejercicios de Microeconomía Intermedia". 5ª Edición, 2001. Antoni Bosch Editor.
[6] Blanchard, Oliver, "Macroeconomía". 2006, Pearson Educación.
[7] Díaz-Giménez, "Macroeconomía: Primeros Conceptos". 1999. Antoni Bosch Editor.
[8] Dornbusch, R., Fischer, S. eta R. Startz. "Macroeconomía". 8ª edición, 2002. McGraw-Hill.
[9] Gámez, C. Mochón, F., Grana, J. F., García-Alarcón, B. y J.L. Torres. "Cuestiones y Problemas de Macroeconomía". 1996. McGraw-Hill, Madrid
[10] Gutiérrez, M.J., De la Rica, S., Ugidos, A. eta J. Vázquez, ¿Macroeconomía de Largo Plazo: Ejercicios tipo test resueltos¿. 2002. Servicio Editorial de la UPV/EHU. ISBN 84-8373-457-5.
[11] Wyplosz, C. eta Burda, M., "Macroeconomía. Un Texto Europeo". 1994, Ariel, Barcelona.