Deskribapena

Osteguna, maiatzak 22, 11.00etan, UPV/EHUko Carlos Santamaria Zentroko Andrestegi aretoan, Donostia, Euskal Herriko Unibertsitateko eta Etxepare Euskal Institutuko arduradunek prentsaurreko batean jakinaraziko dituzte formakuntza berri baten gaineko xehetasunak.

Euskal Herriko Unibertsitateak (Graduondoko Ikasketen eta Nazioarteko Harremanen arloko Errektoreordetzak) atzerriko goi-mailako zentroetan euskara atzerritar hizkuntza gisara irakasteko prestakuntza ikastaroa eskainiko du udazkenetik aurrera, Etxepare Euskal Institutuarekin lankidetzan.

Prentsaurrekoan parte hartuko dute:

• Nekane Balluerka, UPV/EHUko Graduondoko Ikasketen eta Nazioarteko Harremanen arloko errektoreordea
• Mari Jose Olaziregi, Etxepare Euskal Institutuko Euskararen Sustapenerako eta Hedapenerako zuzendaria