Deskribapena

Jardunaldiak medikuntzan emakumeek egindako rola aztertuko du

Ostiralean, urriak 16, 10:00etan, UPV/EHUko Medikuntza eta Odontologia Fakultateko Batzar Aretoan Latinoamericanas en Ciencia y Salud jardunaldia hasiko da. Medikuntza eta Odontologia Fakultateak, Foro Emakumeak Medikuntzan elkarteak eta UPV/EHUko Berdintasunerako Zuzendaritzak antolatu dute topaketa. Latinoamerikan medikuntzan lan egiten duten emakumeen esperientziak partekatzea da jardunaldiaren helburua, baita medikuntzaren historian eta zientziaren dibulgazioan emakumeak jokatu duen rolaz hausnartzea ere.