Alfonso Aijón sustatzaileak eta Idoia Solores ikertzaileak Donostiako Orfeoia-UPV/EHU XXIV. Saria jaso zuten. Ekitaldia Euskal Herriko Unibertsitateko I.M.Barriola Zentroan ospatu zen, Donostian.

Idoia Solores ikertzaileak jaso du saria, ‘La construcción estético-moral de la Pasión según San Mateo de J.S. Bach y su persistencia en el tiempo’ izeneko lanarengatik. Saritutako lanaren helburu nagusia "mendebaldeko musikaren historian funtsezkoa izan den lan honen balio estetiko-morala argudiatzea izan da. Ikerketa honek Pasioa San Mateoren arabera (PSM) kontsolatzeko arrazoiak aztertzen ditu, konpositorearen bizitza eta obraren arteko erlazioa aztertuz, eta afektuen estetika XVII. eta XVIII. mendeetako ekoizpen musikalaren testuinguruan”.

Halaber, musika klasikoko kontzertuen sustapenean egindako lanarengatik eta izandako ibilbide nabarmenagatik jaso du saria Alfonso Aijón sustatzaileak. Aijonek 1970ean sortu zuen Ibermúsica, Espainian dagoen musika klasikoko enpresa pribaturik handiena. Artisten agentzia gisa hasi ondoren, Ibermúsica erreferentzia bihurtu zen Europan musika klasikoko kontzertuen sustapenean.

Donostiako Orfeoiaren presidente Antxon Elosegui eta UPV/EHUren Gipuzkoako Campuseko errektoreorde Juana Goizueta ekitaldiaren buru izan ziren. Ekitaldia amaitzean, Donostiako Orfeoiko ordezkari batzuek, Sainz Alfaroren zuzendaritzapean, emanaldi labur bat eskaini zuen, ekitaldi akademiko hunkigarriari amaiera emanez.