Miribillako frontoian burutu zen Bilboko Hezkuntza Fakultateko 2021-2022ko promozioaren graduazio ekitaldia.

Ekitaldiaren mahaiburua Eva Ferreira unibertsitateko errektorea izan zen, eta berarekin batera Jokin Bildarratz Hezkuntza sailburua, Urtza Garai fakultateko dekanoa eta promozio berri horren aitabitxia, Iñigo Salaberria, HEIZE Elkarteko lehendakaria, izan ziren.

Ekitaldian, omenaldia egin zitzaien promozioko sari berezi eta graduatuei. Era berean, ekitaldiak une hunkigarria izan zuen, unibertsitatean 30 urte lanean eman dituzten fakultateko langileen aitortzarekin. Ekitaldia UPV/EHUko abesbatzaren musika emanaldiarekin amaitu zen.