Deskribapena

Asteartez, azaroak 5 dituela, 11:30etan, Universidad del País Vasco/Euskal Herriko Unibertsitatearen Farmazia Fakultateko 1.7 ikasgelan, hitzaldia emango du Rafael Ocete Sevillako unibertsitateko irakasleak ‘De la vid silvestre a las variedades de cultivo’ [Basa mahatsetik laborantzarako barietateetara] tituluaz.

Hitzaldia Arabako Campusean irakasten den Enologia berritzailearen masterraren barruan kokatzen da, ikasleak ebaluazio sentsorialerako praktika berriak aplikatzeko gai bihurtzea helburu duena, merkatutik eta mundu mailako merkataritza estrategia ezberdinak oinarri eta abiapuntu hartuta.