Mahai-joko batek hurbildu al zaitzake polimeroen esparruko berrikuntzara? Posible al da nerbio-sistema hackeatzea? Zer sekretu ezkutatzen dituzte gure lekuen izenek? Galdera horiek eta beste asko erantzungo dira maiatzaren 18an, 19an eta 20an Gipuzkoan egingo diren hitzaldi zientifikoetan, Pint of Science munduko doako zientzia-dibulgazioko ekitaldirik handienean. 

Jaialdi honetan, diziplina guztietako ikertzaileek beren lana jendearengana hurbiltzen dute, zientziarako oso ohikoa ez den ingurune batean: tabernetan, eguneroko espazio horiek ezagutzaren eta jakin-minaren arteko topagune bihurtuz. Honela, ikerlari hauen artean, Euskal Herriko Unibertsitateko (EHU) ikerlariak izango ditugu.

Donostian, Pint of Science Groseko (Mala Gissona eta Bidassoa Taproom), Antiguako (Duit), Egiako (Le Bukowski) eta erdialdeko (Lobo) tabernetan egingo da hiru egunetan. Gainera, hilaren 18an Lasarte-Orian (Buenetxea), 19an Errenterian (Kantina Lekuona) eta 20an GOe-Gastronomy Open Ecosystem estreinatu berrian (Basque Culinary Center, Gros) egongo da. Estatuko bigarren herria da hitzaldi kopuruan, 54 hitzaldi zientifikoekin, gure hirian garatutako zientziaren lagin txiki bat emango dutenak, nanomedikuntza, adimen artifiziala, konputazio kuantikoa eta iraunkortasuna, besteak beste.

Horrekin, eskualdearen dibertsitatearen eta potentzial zientifikoaren lagin bat eskaini nahi da, lurraldeko puntako zentroetako ikertzaileen hitzaldiekin: Euskal Herriko Unibertsitatea (EHU) bera, BCBL, Biogipuzkoa, CEIT, CFM, CIC biomaGUNE, CIC nanoGUNE, CIDETEC, DIPC, Mondragon Unibertsitatea, Polymat, Tecnalia, Tecnun, UPNA eta Vicomtech.

Jaialdia inklusibo izan dadin, bi saio (6 hitzaldi) izango ditugu, zeinu-hizkuntzan interpretatuak espainieraz: Mente Maravillosa, 18an Le Bukowskin eta Planeta Tierra, 19an Bidassoan.

Informazioa eta programa