Ohar honen bidez Unibertsitateak baieztatzen du salatu duten Letren Fakultateko irakaslea jada klaseetatik at dagoela eta ez dela ikastegira joango kasua argitu arte.

Protokoloak eskatzen duen diskrezioa zorroztasunez zaintzen ari da Errektoretza Taldea eta lehentasuna biktimen segurtasuna bermatzea dela nabarmendu du.

Egoerak eskatzen duen ardurarekin jokatzea eta biktimenganako kalteak areagotu besterik egiten ez dituzten espekulazioetan ez sartzea eskatzen die unibertsitateak komunitate osoari eta eragile sozial guztiei.