Universidad del País Vasco/Euskal Herriko Unibertsitatearen Letren Fakultateko Areto Nagusian egin zen UPV/EHUren Hezkuntza eta Kirol Fakultateko Haur Hezkuntzako eta Lehenengo Hezkuntzako graduetako ikasleen graduazio-ekitaldia, 2019-2020 eta 2020-2021 ikasturteei dagokiena.

Manoli Igartua Olaechea Arabako Campuseko errektoreordea izan zen ekitaldiko buru, eta Miren Artaraz Miñón Eusko Jaurlaritzako Unibertsitate Politika eta Koordinazioko zuzendaria izan zen bertan. Miguel Ángel Santos Guerra Malagako Unibertsitateko katedradun emerituak emandako hitzaldiaren ondoren, diplomak banatu zitzaizkien ikasle graduatuei, eta aipamen bereziak egin zitzaizkien titulazio bakoitzean espediente onena zuten ikasleei.