Deskribapena

Asteazkena, otsailaren 21ean, 12:00etan, Euskal Herriko Unibertsitateko Carlos Santamaría Zentroaren Txillardegi aretoan, Donostian, Euskal Herriko Unibertsitateko Joxe Azurmendi Katedrak eta Jakin Fundazioak elkarlanean bideratutako Ur-jauzia bildumaren liburu berria aurkeztuko da. Iñaki Zabaleta Gorrotxategi UPV/EHUko Filosofia Saileko irakasleak idatzitako ‘Nazioa eta hizkuntza Humboldten pentsamenduan’ lanak humanista ezagunaren pentsamenduan nazioak eta hizkuntzak hartzen duten lekua du aztergai. 

Ekitaldian parte-hartuko dute:  

• Agustin Erkizia, Gipuzkoako Campuseko errektoreordeak  
• Sebastian Zurutuza, Gipuzkoako Foru Aldundiko Estrategia zuzendariak 
• Lorea Agirre, Jakin Fundazioko zuzendariak
• Beronika Azpillaga, Campuseko Euskararen eta Kulturaren arloko zuzendariak 
• Xabier Eizagirre, Ur-jauzia bildumaren editoreak 
• Iñaki Zabaleta Gorrotxategi, liburuaren egileak