Deskribapena

Ostegunez, apirilak 25, 12.00etan, Euskal Herriko Unibertsitateko Farmazia Fakultatean, Vitoria-Gasteizen, I+Med ikasgela inauguratuko da. Arabako Campusaren eta I+Med S.Coop. enpresaren artean izenpetutako lankidetza hitzarmenaren ondorioz, Euskal Herriko Unibertsitatearen Farmazia Fakultatean UPV/EHU-i+Med Medikuntza Pertsonalizatuko Ikasgela sortu da, farmaziaren eremuan prestakuntza, ikerkuntza eta jakintza transferentziako jarduerak sustatzeko. 

Inaugurazio ekitaldian izango dira Manoli Igartua Olaechea UPV/EHUko Arabako Campuseko errektoreordea, Manuel Muñoz Morentin i+Med S.Coop-eko zuzendari exekutiboa, Mirari Aierbe Farmazia Fakultateko dekanoa, Rosa Hernández i+Med ikasgelako zuzendaria eta Sandra Benito Cid i+Medeko Laborategiko gerentea.