Samintasun handiz, unibertsitateko kideok agur esan diogu Javier González Velasco irakasleari: betor orain gure gorazarrea. Javierrek irakaskuntzari eman zion bizitza suhartasun eredugarriaz. Jakintza ez ezik, bere gogo bizia eta ikasleekiko begirunea ere hedatu zituen ikasgeletan, eta bera eredu izan zuten mediku eta fisioterapeuten belaunaldiek haren aztarna eramango dute, irakasle gisa nahiz gizaki gisa utzitakoa.

Fisioterapiako Graduan bere eskuzabaltasun eta konpromiso nabarmenagatik bereizi zen beti. Premia zuenari laguntzen jakin zuen, eta bere denbora eta esperientzia besteei apaltasunez eskaintzen. Haren lankideak izateko zoriona izan genuenok estimu bereziaz gogoratzen dugu: atsegina, hurbila, talde lanerako prest beti. Bere umoreaz eta zorroztasun profesionalaz, ikasteko eta partaidetzarako abagune bihurtu zuen elkarrekin eman genuen etapa bakoitza.

Irakasle eta ikertzaile izatetik haratago, Javier pertsona oso-osokoa, hurbila eta maitagarria izan da. Gure artetik joatean hutsune sakona utzi digu, baina haren ondareak bizirik jarraituko du ikasgeletan eta bera ezagutu dugunon oroimenean, esker onez.

Bakean bego Javier González irakaslea. Gure unibertsitatean eta bihotzetan biziko da haren oroitzapena.

Sinaturik:

María José Aguirre

Nora Cívicos

Maite Pacheco

Susana Pinedo