Deskribapena

Ostegunean, otsailak 18, Martera helduko da Marte Esploratzeko NASAren Programako Mars 2020 misio espaziala. Misio horretan UPV/EHUko bi ikerketa taldek parte hartzen dute: Bilboko Ingeniaritza Eskolako Planeta Zientzien taldea eta Zientzia eta Teknologia Fakultateko IBeA ikerketa taldea. Talde horien zuzendariek, Agustín Sánchez-Lavegak eta Juan Manuel Madariagak, hurrenez hurren, prentsaurrekoan azalduko dituzte misioa eta bere helburuak. Beren partaidetza dituzten tresnak ere erakutsiko dituzte, eta tresna horien datuak nola ustiatuko dituzten ere.

Prentsaurrekoan mintzatuko dira:

- Eva Ferreira, UPV/EHUko errektorea

- Agustín Sánchez-Lavega, UPV/EHUko Fisika Aplikatuko katedraduna eta Planeta Zientzien taldeko zuzendaria

- Juan Manuel Madariaga, UPV/EHUko Kimika Analitikoko katedraduna eta IBeA ikertaldeko zuzendaria