Iñaki Goirizelaia errektorea aurrean zela, 209 ikaslek nork bere diploma jaso zuten ikastegian 2015/16 ikasturtean ikasketa amaitu ondoren. Ekitaldian ere egon ziren Ramiro González, Arabako diputatu nagusia, Francisco Javier Fernández Euskal Gobernuaren unibertsitate zuzendaria, Estíbaliz Canto Gasteizko udalaren kultura, hezkuntza eta kirol saileko zinegotzi ordezkaria, Javier Sancho Saiz eskolako zuzendaria eta Francisco Javier Fernández de Retana Aernnova Aerospace enpresaren erakunde harreman eta garapen teknologikorako zuzendaria, azken honek bere enpresari emaniko aitortza jaso zuelarik, ikasleen praktiketan izandako lankidetzarengatik. Ikasturte honetan Iñigo Etxeandia (Geomatika eta Topografia Ingeniaritzako graduan), Iñigo Quintana (Industria Elektronikaren eta Automatikaren Ingeniaritzako graduan), Henar Valera (Ingeniaritza Mekanikoko graduan), Arritxu Muxika (Industria Kimikaren Ingeniaritzako graduan), Ander Martínez de Argote (Kudeaketaren eta Informazio Sistemen Informatikaren Ingeniaritzako graduan) eta Josune Faces (Industria Antolakuntzaren Ingeniaritza) izan dira espediente onenen saria jaso dutenak.

Ekitaldiaren argazkiak eta bideoa.