Giza zientzien hamabosgarren promozioko 48 ikaslek titulua jaso dute Carlos Santamaria Zentroko areto nagusian izandako itxiera ekitaldian. UPV/EHUko errektore Nekane Balluerka; campuseko errektoreorde Agustin Erkizia; Ikasleen eta Enplegagarritasunaren arloko errektoreorde Txelo Ruiz; Gipuzkoako Esperientziaren Ikasgeletako zuzendari Josu Chueca; eta, campuseko Euskara, Eleaniztasuna eta Ikaslegorako zuzendari Errapel Ibarloza ekitaldiaren buru izan dira. Halaber, Hezkuntza, Filosofia eta Antropologia Fakultateko irakasle Kiko Ruizek ‘Niños, jóvenes y lectura literaria' izeneko hitzaldia eskaini du. Ikasleen ordezkariak Martina Ullak eta Jose Mari Sagarnak ekitaldian parte hartu dute ere.