Deskribapena

PuntuEUS Fundazioak eta UPV/EHUko Informatika Fakultateak, Gipuzkoako Foru Aldundiko Berdintasunerako Organoaren babesarekin, sustatzen duten Gladys sariaren aurkezpena egingo da prentsaurrekoan. Gladys sariaren helburua da ingurune digitalean ari diren emakume gazte euskaldunak saritzea, gazteentzat erreferenteak sortzea eta lan hori jendarteratzea, Gladys del Estal informatikaria gogoratzearekin batera.

Ekitaldian parte hartuko dute:

-Miren Elgarresta, Gipuzkoako Foru Aldundiko Berdintasuneko zuzendaria

-Itziar Irigoien, UPV/EHUko irakaslea eta Informatikan doktorea

-Leire Palacios, PuntuEUS Fundazioaren proiektu-arduraduna

*Ohar garrantzitsua komunikabideentzat: osasun egoera dela-eta plazak mugatuak dira, beraz, etortzekoa bazara jakinarazi mesedez.