Deskribapena

Asteazkenean, urriaren 7an, 16:00etatik, 18:30etara, I.M.Barriola zentroko arkupeetan, showcooking bat egingo da. Jarduera EHUko Gipuzkoako Campusako Ongizate eta Jasangarritasun Zuzendaritzak antolatu du Elikaeskolarekin elkarlanean. Sarrera librea.

Nola erosi elikagai nutritiboak? Nola antolatu despentsa? Eta asteko otorduak nola planifikatu, beti denborarik edo gogorik ez badugu? Saio honetan, egunerokoan modu orekatuan eta nutritiboan jateko ideiak eta baliabide praktikoak ezagutuko ditugu. Elikadura osasungarria zailtzen diguten oztopoez eta ohiko mitoez ere hitz egingo dugu, eta horiei aurre egiteko hainbat gako partekatuko ditugu. Horrez gain, sukaldera salto egingo dugu showcooking saioan. Errezeta erraz, nutritibo eta zaporetsuak prestatuko ditugu, egunerokoan egiteko modukoak eta etxean erraz errepikatzekoak. Lekaleak, barazkiak, arrautzak, haragia eta arraina erabiliz, hainbat proposamen ezagutuko ditugu, baita gosari, askari eta postre nutritiboetarako ideiak ere. Azken batean, egunerokoan ondo jatea errazagoa eta goxoagoa izan dadin, ideia praktikoak eramango ditugu etxera.