Deskribapena

Arabako Campuseko Hezkuntza eta Kirol Fakultatean Unibertsitate Landuen Sarearen (RUC) V. Elkarretaratzea egingo da urriaren 5etik, osteguna, 7ra, larunbata. Edizio honen izenburua da ‘Eraldaketa ekosozialerako unibertsitate baratzeak’.

Elkarretaratzerako hainbat jarduera antolatu dira, unibertsitateko baratzeen kudeaketa ereduei buruz eta baratzeek irakasleen hasierako prestakuntzan izan behar duten zereginari buruz hausnartzeko.

Programatutako ekintzen artean, aipatzekoak dira Arabako Campuseko Baratze Ekologikoa bisitatzea edo ‘STEAM en el huerto’ [STEAM baratzean] (Graó argitaletxea) liburuaren aurkezpena eta publiko orokorrari irekitako hitzaldi eztabaida bat.